انت وتدعي الله يرزقك بيت وسيارة وفلوس تكضي بيها اجازة بتركيا لتنسى تدعي الله بشغلتين : العافية والستر كل حلمك وطموحك يّنسف بلحظة اذا صابك مرض وبقيت نايم بفراشك تتمنى كل شي تعبتله وسعيتله يروح بس توكف على رجلك من جديد عندك فلوس بس متعرف شتسوي بيها اذا عندك تعب او قولون تكرهك باللكمة التاكلها هاي أمراض تافهة مقارنة بالامراض الثكيلة الي ربك عافاك منها او ابتلاك بيها الأمراض الي مهما امتلكت مال وجاه راح تنهش بلحمك وماتكدر تسويلها شي . والأصعب اذا هالمرض صار بواحد عزيز عليك تبيع الدنيا والبيها حتى ابنك يرجع يمشي لو يبطل كحه ويصير زين .
والستر تخيل الله شال ستره عليك . وكل التسوي والتنوي بداخلك فجأة ينكشف للناس ذنوبك ومشاعر الغيرة الضامهن وره وجه الذوق والاحترام تخيل انت بأعمق نقطة مدفونة عن عيون البشر النور يبين فجأة وتكتشف انت بمسرح واكو جمهور غفير كاعد يباوع عليك الهالسبب بالحديث الشريف يذكر من اصبح آمن في سربه ومعناها الستر معافى بجسده معناها الصحة كأنما امتلك الدنيا حتى لو يشتغل بس على قوت يومه اطلبوا من الله كل التتمنوه بالحياة فلوس سيارات موبايلات محلات بس قبل كل شي ادعوله يكملها بأهم حاجتين الصحة والستر

#الكاتب_مستر_عبودي❤️

‏بعد أيام قليلة سينقلب روتين حياتنا سُنحب الليل بزياراته واجتماعنا بعد غروب الشمس، سنتراكض قبل آذان الفجر لشرب الماء، وتعلو المساجد بأصوات التراويح، سنشعر بجرعات إيمانية في أوردتنا، اللهم بلغنا رمضان في أحسن حال، ومن غير أن نرى دمعة حبيب ولا فراق غالي. ♥️

اكبر خطأ تحكم على شخص بالعمل من خلال عقيدته او مذهبه اشتغلت ويه هواي عالم تشوفه بالظاهر مرتب هو ولبسه وساعته ومعلوماته بالأخير يطلع منافق لو حرامي لو يسوي مشاكل وتشوف شخص بالظاهر تكول هذا متأمن بي ويطلع امين ومتربي وابن اوادم القناعات الشخصية من الدين والعقائد للأنسان مو شغلك ولاانت مسؤول على غيرك شيحب ويكره
التعامل يصير على عطائه وحرصه بالعمل ولاانت كعامل او موظف تنجبر تغير قناعاتك حتى ترضي ابو العمل المن يميل ويعتقد لأن راح تصير حالك حال العبد بدون كرامة وشرف

#الكاتب_مستر_عبودي❤️

امشي . والمكتوبلك يركض وراك ...✈️

من تشوف وتسمع سوالف الناس تخليك تتاكد وتتيقن ان الي يريد يكدر والما يريد يطلع الف حجه حتى يقنع نفسه ويقنعك

#الكاتب_مستر_عبودي❤️

لتتوسل حتى تحصل مقعد ...🙄

اصنع طاولتك الخاصة ...🙂

“سلمت أمري للذي لا يغفل ولا ينام ، ولا يكسر بخاطري

اني مااكطع صلة لا ابترها من الجذور واكطع خبث القريب والغريب والي نيته سوء وابو الوجهين واكطع من كال علينه الي مو بينا والي سمح لنفسه ياذينه حتى لو بكلمه سواء بغيابنه او بحضورنه واتعامل مع كل الصفات بالإحسان وهو إحسان الدفع بالتي هي أحسن

#الكاتب_مستر_عبودي❤️

كلش اعترض على الجمل الي من نوعية خليك انت الجبير واتحمل ميخالف هذا أكبر منكلتخلي عقلك بعقله لا طبعا من هنا ورايح المعاملة بالمِثل راح تعاملني حلو اعاملك حلو، تعاملني مو زين مراح اصير قليل الأصل وأعاملك نفس الشي بس مراح يضل بيني وبينك أي تعامل والنظام هذا راح يصير أسلوب حياتي من هنا ورايح

#الكاتب_مستر_عبودي❤️

ميصير ترد عليه هذا اكبر منك هاي شنو راح تخلي عقلك بعقله ميصير هذا أصغر منك عديها و كَبر عقلك خليك انت الجبير كلمات اتعودنا نكولها دائماً للشخص الي عنده حق باي مشكلة علمود يتنازل و يسامح وكل هذا بسبب احنه نعرفه و متأكدين منه ان الطرف الثاني مهما جان غلطان مستحيل راح يعترف ابداً بغلطه لان اطباعه و تربيته هيج ف نخاف منه و نقرر احنه نريح بالنه و نجي نضغط على صاحب الحق بكم كلمه من الي كلناهم هسه و نعدي هيج الموقف و نمشي حياتنه بصورة طبيعية مبدأ للأسف غلط نظلم بس الشخص النظيف ونخذله بنفس الوكت لان كاعد ننصف بي الانسان التعبان و نخلي يتمادى اكثر وأكثر الاحترام عمره ما جان اله عمر ابداً المحترم يحترم نفسه ياما شفنه جهال صغار بمواقف دعينه ل اهلهم على تربيتهم وياما شفنه ناس جبيرة .متعرف شنو معنى الاحترام لا محترمة نفسها ولا حتى عمرها

#الكاتب_مستر_عبودي❤️

شعور ولا اروع تمشي وقطرات من المطر المتفرقه تلامس روحك يارب مع كل قطرة مطر ريح بالنا وحقق امنياتنا وعوضنا عن كل الم وحزن مرينا بي يارب يا ارحم الراحمين ...❤️

الشي الوحيد الي لازم تحسبله حساب شلون تطور شغلك وتسوي فلوس مشاكلك مال واحد اتغير عليك والي احبها قرت المسج بالواتساب واتأخرت وواحد حجه عليك بظهرك هاي مشاكل مال واحد عقله صغير وبسرعة يتقشمر بالمول ويشتري عطر

‏ان الله ‏ يفتح لنا بـكل فترة من حياتنا اللي يناسبـها من ‏( الرزق، العلاقات، التجارب، والمشاعر 💙.. ) ماكو شـيء يوصلك سابق شيء ‏ولا ناقـص منه شـيء

#الكاتب_مستر_عبودي❤️

الحياة علمتني ...
‏اليحجي عليك وانت ماعندك شي هذا يتمنى يوصلك ويصير مثلك بس يحلم لان فاشل ...

فلان وجهه خير عليك عبارة كلش احبها تنكال للشخص الي كلما راح على مكان الخير يجي وياه والقبول لكل من شافه والحنيه والرحمه عايشه بقلبه وين مايروح الخير وياه عنده كميه من الالفه والحب لكل الناس مثل الرحمة الي رب العالمين نزلها على الناس

#الكاتب_مستر_عبودي❤️

الحياة من تنطيك شخص برفكت " مثالي "
يكون هو الصديق والحبيب بنفس الوكت وراحتك عندة وتتمسك بي تتمسك بي لدرجة تحس هالشخص ما يتعوض وهو فعلاً هيج شخص من تخسرة مراح تكدر تعوضة عقلك مايكدر يتقألم وية غيرة
مراح تكدر تشوف غيرة ولا راح يناسبك شخص غيرة أكو أشخاص همة تجسيد لمعاني الراحة والأمان والطمأنينة
حافظو عليهم هيج نماذج صارت نادرة بوقتنا هذا لاتخسروهم

#الكاتب_مستر_عبودي❤️

بمرور الوكت تقتنع ان الزاد والملح
مكانهم بالمطبخ مو بالعلاقات !

#الكاتب_مستر_عبودي❤️

ما أفسدته شهور العام في أرواحنا المثقلة ، تصلحه أيام رمضان بأذن الله 💙

كل سنة واحنه منعرف ليش همه زعلانين !
Happy Women's Day

ابويه الله يطول عمره دائما يكولي كبح النفس اعلى درجات الجهاد اني دائما يروح بالي يم شغله معينه جنت اصور يعني اذا احفظ نفسي من المحرمات هذا قصد والدي طلع قصده اتحافظ على نفسك من سلبيات المجتمع هسه بهذا الوكت اذا سيطرت على نفسك وحالوت تبقه على اخلاقك وتربيتك وعادتك الطيبه الي اهلك ربوك عليها ومنجرفت وي التيار الموجود اتصور عندك منزله خاصه يم رب العالمين

جمعه مباركه

#الكاتب_مستر_عبودي❤️