الشغل والعلاقات والأصدقاء كلها تأثر على اخلاق الأنسان وتبين حتى على وجهه شوف الفرق على وجوه الناس من يشتغل بمكان يحبه وشوفه من يشتغل بمكان مو مكانه شوف الفرق على ملامح انسان وسط ناس تحبه والفرق بوسط عالم يريد ينال بس قبولهم شوف جمال البني آدم اذا يحب الشخص الصح وبين تعابيره اذا ارتبط بشخص مو مناسب كل اختياراتك بالحياة تبين على وجهك اختار صح

#الكاتب_مستر_عبودي❤️

الأنسان بحاجة للراحة شوية تستريح من الخوف من القلق من عناء التفكير ومن المعارك التخوضها بالتوازي ماتمنحك الحياة اكثر من المكتوبلك ومحد يمنع عنك شي مكتوب ف أهدأ تصالحك ويه ابتلائاتك الماتكدر تغيرها يبين الكلام سهل بس الحقيقة ماكو بديل إما التصالح لو يمشي بيك العمر بدون ماتلتقط أنفاسك وتحس بشي حلو ولو للحظات تعامل ويه الحياة بقناعة هي مو دار راحة مو للسلام النفسي المطلق ولا للطمأنينة المايشوبها قلق هي مجرد حياة لحظاتها تتبدل وأحوالها تتغير يمكن تضحك هواية ومرات ماتبتسم وبكل احوالها راح تمشي انت تحتاج لوسادة يغفو عليها عقلك يرتاح وينفصل يمنحك لحظات من الأمان حتى تكمل الطريق

#الكاتب_مستر_عبودي❤️

‏اللي ضاع أني خليته يضيع أني من اريد شي
‏ما اضيعه :)

قبل فترة كطعت علاقتي بكل شخص ماارتاح بالتعامل وياه وكل شخص كلامه عكس افعاله ومنافق ، وكل شخص تجي من وراه دوخة الراس .

الموضوع هذا مريح وانصحكم بي .

لولاك يا أبي ماكُنت شيئاً مذكوراً اللهم احفظهم لنا

اكو مثل شعبي قريته قبل شوي يگول
الي يريد يبوسك يعرف طريق خدك
احسها وصفت هواي اشياء يعني اليريدك راح يجي لان هو يعرف كلش زين طريقك وين وشلون يوصله ومراح يرده شي عنك الا اذا رغبته چانت عکس هیج

#الكاتب_مستر_عبودي❤️

كل انسان بدنيا يوكع او يغلط ويرجع يوكف من جديد ويتعلم من الغلط او من الوكعة مالته اني مثال بسيط جتي فتره وكعت وكل الناس القريبه عليه نكشفت على حقيقتها منهم الي اشمت بوكعتي ومنهم الي ختلف عليه والي يخرب بسمعتي ... الخ

والف الحمدالله و اكيد بفضل رب العالمين رجعت و اقوه من قبل كدرت بفتره قصيرة احطم ارقام قياسية و ارجع ابني الي تهدم وابتعد عن هواي اشياء سلبية واكيد القادم افضل

ف دائما توكل على الله وخلي عدك ايمان برب العالمين و طلع الناس السلبية من حياتك و عاشر الناس الايجابيه والطموحين

طبعا اني اشكركم و اشكر كل شخص جان داعم الي بموقع التواصل واشكرك ثقت الناس بيه

القادم افضل ان شاء الله

محرم بس بالفيسبوك الجماعة بالانستا عبروا فرحة الزهرة

افضل شي تقدمة للمجتمع ما تدخل بحياة غيرك وافضل شي تقدمة لنفسك تسوي الي يعجبك وما تفكر بكلام الناس وافضل شي تقدمة لكلبك تختار صح من تكون جاهز وافضل شي تقدمة لعقلك تنظم حياتك عيش سعيد وبعيد عن الاستهتار الي بالمجتمع ارضي رب العالمين ارضي والديك وأرضي نفسك وخلاص

#الكاتب_مستر_عبودي❤️

كلما نعزلت فترة عن الناس وركزت على نفسك بنسبة ١٠٠٪؜ راح تلاحظ تغير فكري جسدي نفسي بشكل كبير لدرجة مراح تعرف نفسك من شدة الفخر والنضج وعندما عودتك من العزلة راح تدرك مدى تفاهة اهتمامات المجتمع
راح تستعيد نفسك كلما نعزلت

#الكاتب_مستر_عبودي❤️

اعتبروها رسالة ربانية : تظلم نفسك اذا بقيت بدون ما تجرب الاشياء الي تحبها وخاصتاً اذا تفكيرك اذا جربت هالشي وفشلت شنو راح يكولون عليه الناس او فلان وفلان ، ثقوا تجرب او ما تجرب بالحالتين ينحجي عليك وكلها تتمنى تبقى انت بنفس النقطة الي بيها حالياً و99‎%‎ بالمية ما يتمنولك الخير والي يحيرني الشي الي تريد تجربة اذا مو حرام او غلط شنو الي مانعك تسوي .؟

بصغرك ترسم خط بعقلك بينك وبين التريده وتتمناه من تكبر . وانت متصور هو هذا مسارك بالحياة .
تكبر وتشوف الطريق مو خط ثابت مستقيم ولا لأن بي تعرجات ومطبات ، بس التريده نفسه يتغير كل فترة لأسباب وعوامل مو دائماً الك سيطرة علّي .
موضوع المسار موضوع عجيب اكو ناس تكدر تحدد مسارها وناس مسارها ينفرض عليها من اول ماينولد بالدنيا . وناس هايمة بالحياة ناسين الأدراك من الأساس
بس انت ؟ اني وياك ، نحتاج لطريق تفهم بس راسك من رجليك ، تعرف كل خطوة معناها شنو ووين رايحة بيك
المعضلة انت كل يوم تحدد لنفسك وجهة جديدة ويوم ماتتذكر لكيت طريقك هم راح تتيه بي .
بس بكل الأحوال انت لازم تكمل مشي ، حتى وانت خايف وضايع وماتعرف شتريد وشمنتظرك، بالفيزياء اكو جملة تكول المعنى كامن في الحركة ، وعبارة بمسلسل true detective يكول ليس ثمة طريق .
السير وحده يصنع الطريق

#الكاتب_مستر_عبودي❤️

العتاب المستمر على نفس الشخص ، صديق حبيب شريك مايتسمى عتاب ،اسمه اهدار جهد ومشاعر ويه شخص ماحاس بيك وانت ماتفرق بحياته ، الطلب الي تطلبه للمرة الألف بلطف ويه شخص تحبه مايتسمى تضحية وتحمل لأن تحبه ، اسمه استغفال واحساس غبي منه بالأستحقاق وانت مثلك مثل غيرك ، الأصرار على علاقة مؤذية ماتتسمى محاولات وصبر لأن اكيد راح يتغير ، اسمها عمر يضيع بأوهام وايامك المعدودة بالدنيا تنتهي بالبحث عن سعادة زائفة مستحيل تتحقق.
سموا الحاجات بمسمياتها احسن ووفروا وكت وعُمر ممكن تكملوه ويه ناس الطف واهدأ وفاهميكم صح
المايبذل خطوة بأسعادك على سنين فاتت ماراح يركضلك بمارثون على سنين جايه ، وفر مجهودك واشتري راحة بالك .

#الكاتب_مستر_عبودي❤️

بحساباتنا احنا الدنيا متخربطة ومشوشة وممبين اولها من آخرها بس بحسابات رب العالمين مترتبة ومتنظمة ومرسومة بالشكل الأنسب والأريح واللي بيه الخير كله النا بسـم الله الرحمـن الرحيـم
﴿وعسى أَن تَكرهوا شَيْئًا وَهُوَ خَيْرٌ لكمۖ وعسى أَن تُحِبُّوا شَيْئًا وَهُوَ شَرٌّ لكم وَالله يعلم وَأَنتُمْ لَا تَعْلَمُونَ﴾ صدق الله العلي العظيم مهما مرينا بظروف صعبة وشفنا الطريق منتهي بنظرتنا خلينه نتذكر دائماً انو الطريق بعمره مينتهي طالما بعدنا عايشين يعني رب العالمين مرتبلنه كل حياتنه بس لازم نتعلم دروس ونمر بطريق صعب حتى نوصل للوضوح والترتيب والحياة الحلوة الي رب العالمين كاتبلنياها الصبر مفتاح الفرج

#الكاتب_مستر_عبودي❤️

الشغل والعلاقات والأصدقاء كلها تأثر على اخلاق الأنسان وتبين حتى على وجهه شوف الفرق على وجوه الناس من يشتغل بمكان يحبه وشوفه من يشتغل بمكان مو مكانه شوف الفرق على ملامح انسان وسط ناس تحبه والفرق بوسط عالم يريد ينال بس قبولهم شوف جمال البني آدم اذا يحب الشخص الصح وبين تعابيره اذا ارتبط بشخص مو مناسب
كل اختياراتك بالحياة تبين على وجهك اختار صح

#الكاتب_مستر_عبودي❤️

سألني شخصاً كيف يمكني أصبح كاتب جيداً واجيد الكتابة ، لقد جعلني افكر كثيرا كيف اصبحت أكتب ، لا أعلم كيف بدأت حتىٰ ولكن كان هُناك خيبهَ أمل ويوجد خذلان بـجميع جوانب حياتي، لم اجد نفسي الا اني أكتب فجأة عنها بالتفكير بالامر كانت تجاربي في الحياة وشعوري بالقلق والتعاسة ولحظات الخوف والضياع والفراغ هيَ التي علمتني الكتابة

#الكاتب_مستر_عبودي❤️

مو مهم الأنسان يحب بكد ما مهم يرتاح ، الحاجة التريحك بمرور الوكت تلگه نفسك تتعلق بيها وتحبها ، عكس الحاجة التحبها ، إذا مامرتاح وياها تلگه نفسك من الضغط وقلة الراحة تفقد مشاعر الحب الي بداخلك تجاهه ، الراحة دائماً يجي وراها حب ، بس قلة الراحة يجي وراها معاناة وخيبة أمل .

#الكاتب_مستر_عبودي❤️

‏يمكن ما تكون رحلتي بالحياة سَهلة
‏بس كُلي إيمان و ثقة إنه النهاية حتكون مثل ما استحقها و راح يجي اليوم اقرأ كل هذا بِ فخر وأنا بالمكان اللي جنت احلم بي

#الكاتب_مستر_عبودي❤️

اغلبية البشر ينضج حسب ظروف الحياة بس اكثر شخص ينضج من تقسي علّي الحياة هو الشخص الطيب يتحول تدريجياً من شخص يغفر ويسامح لشخص يتقبل الأعتذار بس ماينطيك بعد فرص جديدة شخص تتحول اولوياته لگسب راحته النفسية بعد ماسابقاً يبقى يدافع بأستماته عن أحبابه يتحول لشخص يشوف الخذلان بالمقابل عطف تجاهه بس تقل قيمته بعد للأبد ويصير عنده ايمان الناس فترات وتنتهي ويه الوكت ،لايعاتب واحد ولا ينتظر احد ويحفظ اسراره لنفسه الشخص الطيب مايتحول لشخص مؤذي بس يتجاهل يتجاهل ويعيش بصمت

#الكاتب_مستر_عبودي❤️

اليختلف وياك بموضوع ويسيء الك شخصياً هذا اصله شخص غير محترم وبينت حقيقته لااهله الهم علاقة ولاصوج ابوه وامه بالتربية الأحترام قرار والكلمة السيئة قرار والتقدير قرار انت تتخذه وتعكس نظرة الناس عليك الأبن شوارع مصطلح ظلم هواي عالم اغلب اليدعي الأصل والشبع وابن فلان يطلع هو ابن الشارع

#الكاتب_مستر_عبودي❤️