عبدالله حسين علوان
355 subscribers
9.18K photos
546 videos
48 files
2 links
كل شخص بينه إله قصه معينه مستحيل راح يحجيها لأي أحد بس من الممكن انه يلكاها بكتابه من كتابتي.

@mrab0de1
Download Telegram
وره كل نجاح وكل انجاز اكو تعب أم
وره كل خطوة حلوة وخبر حلو اكو دعوات أم وره الراحة الي تعيشها .. اكو وجود أم وره الأكلات الطيبة وجمال البيت اكو حس أم وره العين الشبعانة والأطباع الحلوة اكو فضل أم بوكت كل فرح اكو ضحكة أم وكت كل تعب لو مرض اكو دمعة أم وكت القهر والفشل اكو حنّية أم وكت الدنيا تقسى عليك اكو حضن الأم وكت الكل يروح ويعوفك لو الأمل يخيب اكو أم تعوّض والخير وتجيبه وره كل شخص شي بداخله صارله وتحققله اكو سهر ودعم وتضحية أم مايسوه كل هالكون ولا هالدنيا بدون الأم


#الكاتب_مستر_عبودي❤️
2020
بداية النهاية 2019 و 2020 من اسوء السنوات في حياتي اتمنى ان لا ترجع مره ثانية ومتتكرر سنة وجع وحزن واضطرابات وانتكاسات هاي السنة علمتني اهوايه اشياء منها ايجابية ومنها سلبية من بداية المضاهرات الى الوباء الى اخرها موضوع الدولار هاي السنة اريدها بس تنتهي لان حملتنا اهوايه اشياء فوك طاقتنا وعلمتنا شنو معنى الحياة وعلمتنا شلون الوحد يضل واكف بنص هاي الانتكاسات علمتنا شلون الواحد يضل يستحمل مثل الجبل علمود ليوكع اتمنى تتعدى هاي السنة ونبدي بداية سنة جيده بيها دا احاول اتفائل لكن الواقع يكول غير شي بس الله يحفظكم وتكونون بخير هذا كافي وداعا يا سنة الاوجاع وداعا يا سنة الي اكتشفنا بيه اهوايه وجوه على حقيقتها وداعا يا سنة الخيبات واهلا وسهلا بسنة 2021 الي منعرف شنو ضامه النا

#الكاتب_مستر_عبودي❤️
أني يهمني التقدير هواي بالنسبه الي اعتبرها نقطة مفصلية بوجود أي احد من عدمه بحياتي عمري ما انتظرت أي شي من احد ولا حتى رد الجميل بشكل عام بس يهمني دائماً التقدير التقدير المعنوي حتى لو بكلمة حلوة وانك توصلي إحساس إني كاعد اسوي الشي للشخص اليستاهل كلش كافي تحسسني بقيمة تقديرك لوقتي وطاقتي الي استنزفها بسبيل راحتك ومساعدتك وسعادتك وتقدّر هالشي إني عندي حياتي ومشاكلي مثلي مثلك ويمكن أكثر ورغم هيج اعوف كل هذا وانساه وكت متحتاجني ومن اشوف العكس تمامًا لا إرادي احاول أتجاهل و أكمّل الي اسوي الك عسى ولعل تتغير وتقدّر بس اكو ناس مرات تلاكيهم مصممين يشوفوك ولاشي وبالعكس ممكن هم يستصغروك ويقللون منك كدام الناس بس وكتها لازم تروح وتتجنبهم وتطلّعهم من حياتك بدون ما تتندم أبدًا تعرف ليش لأنّك سويت الي عليك وزيادة وسويت الصحيح وياهم بس صار لازم تبتعد وتتعلم من اسويلك شغلة حلوة لتخلي ببالك انتظر تردلياها قدرها وبس

#الكاتب_مستر_عبودي❤️
بداية العام الجديد ، دعونا نفترض أنه سيكون عامًا جديدًا مع سلام جديد ، وسعادة جديدة. دعونا نتأمل فيه خيرا لعله يكون كذلك.
اللهم باعد بيننا وبين القاسية قلوبهم والحاسدة أعينهم والكاذبة السنتهم ومشاعرهم، وقرّب إلينا من يحفظ الود ويصون العشرة ويجبر الخاطر ولاينسى الفضل
أنا لا اتهدد بالوداع أنا اودعع 🙂🤞🏻
من فترة بطلت أدعي ب إنو يارب اريد هيج وهيج وهيج وكفت اعد الشغلات الي اتمناها وأطلب من رب العالمين يجمعني بيها أو يحققلي جزء منها صارت الدعوة يارب أرضيني الرضا الشعور الأصعب ماراح تكدر تحقق كل أحلامك ولا تضل ويه كل الأشخاص ولاراح توصل لكل أهدافك ولا تملك السعادة الأبدية ولا تسيطر ع مسار حياتك ولا تعيد احلى الأيام ع قلبك وترجع تعيشها ولا تتجاوز حتمية زعلك وأنكسارك مراح تكدر تسوي أي شي من هذا وكتها راح تفهم إنو ماكو شي كدامك غير الرضا الرضا وبس واليقين ب ان رب العالمين بالوكت الأنسب راح يغير كلشي ويريح قلبك لأنو هو العادل الرحيم يارب ارضينا
‎


#الكاتب_مستر_عبودي❤️
محد الى فضل علينا الي انطانا
تمر ترة حنا الي زارعين النخل بيدينا
” صباحُ الرِضا، لكُلِ روحٍ مهما تهاونت هِمّتها تصالحت مع ذاتِها في مطلع كُل يومٍ جديدٍ وأشرقت 💜🌸🍃
‏- خارج إطار عائلتك، لا توجد خسائر فادحة .
‏الأعوام تُغيّر الكثير، إنّها تُبدّل تضاريس الجِبال، فكيف لا تُبدّل شخصيتك .
‏الحمد لله الذي جعل في مناجاته انشراحًا، وفي دعائه طمأنينةً، وفي سؤاله غنىً، وفي الانكسار بين يديه جبرًا، وفي القرب منه راحة،الحمد لله كثيرًا.
‏"ياربّ.. تعلم قدر الوسع، والجهد، والمناضلة، قدر التضحية، اللهم اجعلنا نقف على رؤوس أحلامنا راضين مرضيين"❤️