عبدالله حسين علوان
356 subscribers
9.18K photos
546 videos
48 files
2 links
كل شخص بينه إله قصه معينه مستحيل راح يحجيها لأي أحد بس من الممكن انه يلكاها بكتابه من كتابتي.

@mrab0de1
Download Telegram
"أرجو أن تقودنا الأيام للمسرات التي ننتظر وللرحابة التي نحب " .
‏رُبما يُساق إليكَ قدرٌ مِنَ اللّه ..
خيرٌ مِن كُل أَحلامك.
- عندما تتجاوز الساعة الثانية فجراً اذهبوا الى النوم
- لان القرارات التي تتخذونها بعد الثانية فجراً هي القرارات الخاطئة.
خلونه نقتنع انه كله بالنهايه راح يصير خير، الباب الي انسد بوجهك والطريق الي جان بنفسك تكمله و مكدرت و الناس الي جنت تعزهم وابتعدوا عنك والفرصة الي ضاعت منك و الشي الي جان بنفسك يكون الك و راح منك
كلها اشياء ضوجتك وضايقتك و زعلت عليها بس هي اكيد مااستمرت و مكملت لان مجانت بيها خير الك الخير موجود بشغلات غيرها يمكن شغلات مدفونة يمكن اكو اشياء انت مشايفها هالفكرة لو فعلاً آمنا بيها و صدكناها راح نرتاح هواي دائماً الخيره فيما اختاره الله

#الكاتب_مستر_عبودي❤️
مؤمن انو رب العالمين يعرف الي بداخلي ادري مرات اضعف وانقهر وتجي ايام مالي خلك لأي شي هالشي عادي ب النهاية اني انسان ولازم اواجه كل هالشعور وما اكتمه بداخلي حتى ما يطلع بعدين شي ياثر عليه بموقف تافه بنفس الضعف داخلي قدرة وقوة يمكن ما اكون شايفها ولا اكون مدرك لحجمها لأنو من انحط بموقف مرات ما اكدر اصبر بس اخلي هالأية گدامي (لا يكلف الله نفساً الأ وسعها )هذي بحد ذاتها رسالة من رب العالمين شعور يشبه نسمة باردة بعز الحر

#الكاتب_مستر_عبودي❤️
صباح الخير🌱: ‏لا تُنفِق من روحك على شيءٍ مضى اصرف تركيزك عنه وركز على ما هو آت ، القادم يستحق جهدك وأفكارك يستحق أن تنفق عليه من طاقة روحك
مساء الخير؛ أما بعد، فقد يكون كل ما يبحث عنه المرء في كافة آفاق حياته هو أن يبقى مطمئناً.
‏محد من الناس راح يفهم الأشياء الي تسويها علمودهم الا من توكف ومتسويها بعد
كل شخص واله طبع بس اريد اكلك اذا لكيت طبع السهولة بشخص دير بالك تفرط بي الإنسان السهل ماكو أنضف منه سهل يسامحك ويعذرك حتى لو قصرت سهل تطلب منه شغله ماكو أسهل من النقاش وياه سهل تاخذ رأيه لأن مراح يحسسك بالاحباط تريد تحجي وياه راح توصله بكل وكت و بسهوله الناس تحب السهل البسيط الي مصالحته قريبة وعتابه خفيف مثل النسمة تلاكي سهل بكلشي الإجتماعي بعقل وحدودي بإحترام الي زعله بينه وبين نفسه وفرحته من فرحة الي داير مدايره خليك بسيط وسهل ولتخوف احد منك بكلامك وخشونه تعاملك ولتبين حواجز بينك وبين المقابل الناس بالغياب أنواع بيهم الي لو غاب نرتاح منه وبيهم الي لو غاب منرتاح إلا بحضوره الشخص سهل العشرة كنز


#الكاتب_مستر_عبودي❤️
‏احنه ما نزعل على الناس ع قد ما نزعل على الوقت اللي استهلكناه معاهم نزعل على الطاقة اللي انهدرت نزعل على أرواحنا اللي تغيرت نزعل على تعبنا علمودهم نزعل عالمشاعر الحلوة اللي راحت ببلاش إنما كأشخاص لا نزعل ولا نندم عليهم الواحد تصعب عليه نفسه بس و كلهم بالآخير يتعوضون


#الكاتب_مستر_عبودي❤️
‏أناا بالذات لا تحاول تثقل علي تقارني بأحد تطنشني وتتأخر علي بالرد تستغل نقطة إني أحبك وتتجاهلني الأشياء هاي كلها تجيب معي نتائج عكسية تكرّهني باللي كدامي جدًا مهما كان غالي عندي وحرفيًا من داخلي ما عندي اي استعداد اني اتعامل معك مرة ثانيه

#الكاتب_مستر_عبودي❤️
دائماً خليكم مؤمنين بشي إسمه العَوض الحلو و حطوه ببالكم كل ما مريتوا بأيام مو حلوه يجي عوض من رب العالمين ينسِيكم مرارة كُل شي 

#الكاتب_مستر_عبودي❤️
بعمري ما كان بقلبي قسوه تجاه أي شخص بعمري مابعدت عن أحد بمزاجي كل واحد يشوه مكانته بنفسه كل واحد ينهي وقته علي طريقته

#الكاتب_مستر_عبودي❤️
هالسنة حسيت نفسي ختمت كل دروس الحياة يعني السنة الجاية مراجعة فقط 🙂


#الكاتب_مستر_عبودي❤️
اني بزودي ارتفع محد يعليني 👋🏻🌚
مو أي شخص ينكَال عنه صديق بحياة كل واحد بينه صديق يمكن ميحجي وياه أشهر بس من تجي تحجي وياه عبالك أخر مرة سولفت وياه البارحة ميتغير ميسئ الظن ماعنده تحسس وحزازيات، يستقبلك بالروح الطيبة الي انت متعود عليهه وأكو صديق يمكن مكَابلك يومية وحجيك وياه ٢٤/٧ وبساعة الساعة ووقت المواقف وبأبسط غلطة تلكَي يتغير ١٨٠ درجة هذوله اصدقاء اللحظات الحلوة والونسه وبس الي دأحاول أوصله، انو مو كل كتاب ينعرف من غلافه والتجربة وأنك تحاول تقرا الكتاب هواي احسن مما تعتز بشكله ومظاهره جربوا ناسكم، جربوهم وأحجولي افعال ومواقف قبل لا تدخلون شخص وتكولون عنه يستاهل ويسوه مو كل مدعبل جوز


#الكاتب_مستر_عبودي❤️
أني ماعندي مشكلة إنُ شخص قريب مني يقصّر بحقي أو يغلط كلنا يجي علينه وكت نغلط بي من الضغوط الي نمر بيها وخصوصاً اذا المقابل مجان يقصد هالشي بس عندي مشكلة جبيره كلش ويه المكابرة بالغلط، وعدم الاعتراف بي من الأساس عندي أزمة حقيقية ويه الي بعز ما الغلط راكبهم، تلاكيهم يدورون على حجه او مبرر يغطي عليهم من الاعتراف بالتقصير ويحاولون يخلون الطرف الصح هو الغلط، عندي مشكلة وحواجز هواي ويه الناس الي متعترف بغلطها!هذوله تلكيهم محترفين بضعف الشخصيه الي يطلعوك انته المو زين وهمه الملائكه حتى وهمه غلطانين بحقك


#الكاتب_مستر_عبودي❤️
كلش احب كلمة "علمودك " من احد يكلي راح اسوي هالشي علمودك جاي علمودك أصلًا حبيت الشغلة هاي علمودك إنتَ تحبها مراح اسوي هيج علمودك التقدير هذا بحد ذاته حلو وإنّك تحس إنه اكو احد يسوي اي شي علمود يرضيك هاي شغلة بحد ذاتها تفرح وأني وكتها ممكن انطي عيوني إذا طلبهم

#الكاتب_مستر_عبودي❤️