مو أي شخص ينكَال عنه صديق بحياة كل واحد بينه صديق يمكن ميحجي وياه أشهر بس من تجي تحجي وياه عبالك أخر مرة سولفت وياه البارحة ميتغير ميسئ الظن ماعنده تحسس وحزازيات، يستقبلك بالروح الطيبة الي انت متعود عليهه وأكو صديق يمكن مكَابلك يومية وحجيك وياه ٢٤/٧ وبساعة الساعة ووقت المواقف وبأبسط غلطة تلكَي يتغير ١٨٠ درجة هذوله اصدقاء اللحظات الحلوة والونسه وبس الي دأحاول أوصله، انو مو كل كتاب ينعرف من غلافه والتجربة وأنك تحاول تقرا الكتاب هواي احسن مما تعتز بشكله ومظاهره جربوا ناسكم، جربوهم وأحجولي افعال ومواقف قبل لا تدخلون شخص وتكولون عنه يستاهل ويسوه مو كل مدعبل جوز


#الكاتب_مستر_عبودي❤️

أني ماعندي مشكلة إنُ شخص قريب مني يقصّر بحقي أو يغلط كلنا يجي علينه وكت نغلط بي من الضغوط الي نمر بيها وخصوصاً اذا المقابل مجان يقصد هالشي بس عندي مشكلة جبيره كلش ويه المكابرة بالغلط، وعدم الاعتراف بي من الأساس عندي أزمة حقيقية ويه الي بعز ما الغلط راكبهم، تلاكيهم يدورون على حجه او مبرر يغطي عليهم من الاعتراف بالتقصير ويحاولون يخلون الطرف الصح هو الغلط، عندي مشكلة وحواجز هواي ويه الناس الي متعترف بغلطها!هذوله تلكيهم محترفين بضعف الشخصيه الي يطلعوك انته المو زين وهمه الملائكه حتى وهمه غلطانين بحقك


#الكاتب_مستر_عبودي❤️

كلش احب كلمة "علمودك " من احد يكلي راح اسوي هالشي علمودك جاي علمودك أصلًا حبيت الشغلة هاي علمودك إنتَ تحبها مراح اسوي هيج علمودك التقدير هذا بحد ذاته حلو وإنّك تحس إنه اكو احد يسوي اي شي علمود يرضيك هاي شغلة بحد ذاتها تفرح وأني وكتها ممكن انطي عيوني إذا طلبهم

#الكاتب_مستر_عبودي❤️

"أحتاج أن يعرفني أحد، معرفةً لا أضطر
فيها للشرح أو التبرير في كلِّ مرّة"

" ازهر دون أن يسقيك احد كن لنفسك الساقي والماء والنبع"

كل بنيه تكول الولد مرتاح من يطلع
ويتونس انتي لو تدرين الولد كلبه شكد يحترك
لأن ما يكدر يوفر مستقبله حتى يستقر مادياً
ويوفرلج كل شي بعد الزواج انتي لو تدرين شكد اكو شباب يبجون كل ليله على مخدتهم بالسكته
من القهر لو تدرين شكد يتعب الولد وهو يشتغل بعز البرد والحر علمود 15 لو 25 الف
حمدي ربج انو انتي بنيه ضلي تذكري شكد تتعب ايد علمود تفرح ايد ثانيه شكد يتعب وجه علمود يبتسم وجه اليحبونه ويا ما شباب انتحرت بسبب الحياة...
الحمد لله على كل حال ❤

أنت في بلد لو فشلت فيها راح تموت من التنمر ولو نجحت راح تموت من الحسد

ماكو شي إسمه بس البدايات تكون حلوة الناس الحلوة تضل مثل ما هي فـ اللي يحبك راح يضل معك لو بعد ألف سنة الأصيل ما ينقص أصله واللي يحب وجودك راح يرضى بكل شي بيك واللي تغيّر عليك كان متصنّع الوِد والمتعوّد على الرخيص بعمره ما راح يقدّر الغالي

#الكاتب_مستر_عبودي❤️

عيشوا كل شي بتحبوه بالسر لأنو العلن ما فيه خير❤️

كل شخص يدخل حياتك هو من أختيارك كل سلوك انت مسؤول عنة كل قرار تتخذه انت تتحمل النتائج كل عمل تمارسة مو بقناعتك (مشكلتك ) مو مشكلة (الناس ) الظروف تفرض عليك بس مو لازم تكون خاضع كلشي بالحياة دين استعد للدفع باأي وقت لجامل على حساب نفسك جرب ال (نعم )الي جنت دكولهة وانت مستحي سويهه (لا)وانت مقتنع لتتظاهر بالبرود وانت مشتعل نار لتحب اذا متعرف شلون تحتوي لتنطي للناس اكثر مما تاخذ وبالعكس لتفضل احد الى نفسك عامل الناس ب ( الاستحقاق ) صير قوي بطل ( انهزامية ) غادر المكان الي بية ناس متعجبك الكلام الي ميناسبك لتسمعة المقتنع بية سويي الشك مو دائما صح المشاعر متتعوض لجازف الغرور مطلوب في بعض المواقف لا مساومة ع الكرامة انهي كل ارتباط بااحترام خلي بصمة لنفسك وين متروح سقوطك مو نهايتك بلش من وين موگفت لا تنعق مع كل ناعق خلي عندك مبدآ مو كل ال تسمعة صحيح اعذر الناس لتصدر احكام وانت فاقد نفسك لتوعد اذا متوفي لكل بداية خلي نهاية


#الكاتب_مستر_عبودي❤️

ببساطة تنتظر احد يحاجيك محد راح يكملك بتم طول عمرك ناقص بعين نفسك ومحتاج وقاعد تحت رحمة الطرف الآخر حتى يتكرّم عليك ويكملك نظرتك الناقصة لنفسك إنه لازم المغزى من العلاقة والحب انك تشبع " احتياجك " يخليك للأبد تحت رحمة الإحتياج الأصل بالعلاقات العاطفية الصحية انك تكون (مكتفي) مسألة انك تنتظر معجزة وشخص يدخل حياتك ويصلح انكساراتك وحروبك السابقة النفسية والحياتية بتخليك تدخل بدوامّة لا متناهية من الحاجة والتعلق والضعف محد راح يصلحك الا نفسك التسوّل المشاعري من الآخرين لا نهاية له جرب اوقف على رجلك واستوعب انك الوحيد " المسؤول "

#الكاتب_مستر_عبودي❤️

اقراها عدل و صباحك خير يا حلو انت وياه

عِندما تُدرِك قيمتُكَ تكُف عن إِهِدار نفسِكَ في كُلِ مَكان ومعَّ كُل أحد وفِي أيُ شيءٍ .

- ‏تجربتُك في الجامعة سيئة، لا تخبر صديقك المستجدّ عن ذلك، زواجك انتهى بالانفصال، لا تخبر الآخرين أن الارتباط كابوس لا خلَاص منه، زميلك يشعُر بالامتنان لوقوعه بالحُب، لا تفترض فشَله في العلاقة، لا تُطلع الآخرين على توقّعاتك لحياتهم تحت مسمّى "النصيحة"، لا تفعل ذلك أبدًا..

يكللها
مو حجي وكلمه على ورقة!
باجر اكتب على سياره عرسنه اليحب ما ينطي وعد ينطي حلقه 🥺❤