يمكن اقوى "عقاب" تعاقبه لاحد مكانته جبيرة عندك ومقدرها انو نظرتك اله مراح تكون مثل قبل مراح يكون اله اي وجود بحياتك راح يفقد اشياء كلش غالية اشياء مترجعها الف كلمة "اسف" اشياء متصلحها الايام ولا الوقت الي معرف يحافظ عليك و لا قدر قيمتك خلي يشوف قيمته شلون كاعد تنهار كدام عينه يوكع من عينك و متحاول تبررله مثل كل مرة تكتفي بالنظر بس وبالاخير عرفت انه حرفياً اكبر انتقام هو النجاح التطور تريد تنتقم انجح تريد ترتاح انجح اتجاهلهم باوع كدامك و اشتغل ع نفسك التهي بروحك و انجح صدكوني هذا افضل انتقام غير هيج تضييع وكت


#الكاتب_مستر_عبودي❤️

‎بمرور الوكت راح تبطل تباوع لاحد بالعين الجبيرة ومتضمن احد ومتقدس احد، ومتنطي فرص لاي احد ويه الوكت راح تكتشف الي تصير وياه سهل يستسهلك خصوصاً الناس الي كل همهم نفسهم ومصلحتهم
ويه الوكت راح تعرف انه الطيبه والتاقلم بحد ذاته احياناً يصير كلش صعب ويحتاج طاقة كلش جبيره لمن تكون بين ناس مو شبهك او بعلاقة مو الك او بمكان مو مكانك او بحياة متليق بيك ويه الوكت راح تتعلم مو كلشي تشوفه تصدكه ولا كلشي تسمع عليه حقيقي بمرور الوكت راح تعرف ان التمثيل يم البشر فن موجود بالواقع اكثر من الافلام


#الكاتب_مستر_عبودي❤️

الدنيا تمشي وما توكف على احد وراح تتفاجئ انو إلي جنت مفكر انك مراح تكدر تعيش بدونه راح تعيش أحسن من بعده وراح تعرف لا اكو ناس غالية ولا اي شي إنت بس الي تبالغ بتقديرك إلهم وراح تعرف ان بعض الناس خسارتهم مكسب إلك مو خسارة أبداً
إعرف قيمة نفسك وحب روحك وارسم طريقك وهدفك وخلي كدامك ، ولا تضغط على نفسك ولتنتضر خير من احد ولتتامل إحنه منغلط تصرفات المقابل بالعكس إحنه نشكركم لأن الناس إللي مثلكم تنطينه دروس وعبر بالحياة كأنوا ربنا كاعد ينور بصيرتنه بيكم وهيج هيج وجودكم مثل عدمه

#الكاتب_مستر_عبودي❤️

تتذكرون بال٢٠١٠ جانوا البنات ميخلون صورهم بمواقع التواصل الاجتماعي
وهسه الدنيا تتغير والافكار تتغير وحتى المجتمعات تتغير لتحاسب شخص يغير طريقة تفكيره او يكول شي بالماضي وهسه سوه العكس لسبب الانسان الي تتغير وجهة نظرة باستمرار هو هذا الانسان الواعي مو الشخص الي يكون قافل على رأي او وجهة نظر هذا الي حيستمر بجهل لان الدنيا تتغير


#الكاتب_مستر_عبودي❤️

صباح الخير كُونو ممّن يُعطي النور لمن حولهم، وإن كانت خفاياكم مُتعبة، فثواب العطاء يُخبئ لكم فرجًا من حيث لا تحتسبون

صَباح الخيَر لكُل أنسان عِعنده ثقة ويقيَن بأن كُلل صَباح يُوم جديد هِي فُرصة له بهالحيَاة صَباح الخيَر لكُل شخصَ يعيش يُومة بتفائُلل وحُب وسَلام وبسعاده صَباح الخيَر لكُل شخصَ يسعى ورا أحلامة وطُموحاتة عشانن يحققها ويفتخِر فيها صباحكُم جميلل كَجمالكُم تماماً يَاربب يكُونن يومكُم مليَان بالمُفاجئات اللِي تسعدكُم.

لما تحس انك مرهق ومستنزف نفسيًا أو جسديًا ادع هذا الدعاء:

‏"اللهم تولني فيمن توليت، اللهم أرني عجائب قدرتك في تيسير أمري، حسبيَ الله لا اله الا هو عليه توكلت وهو ربّ العرش العظيم، اللهم يا حيّ يا قيوم برحمتك استغيث اصلح لي شأني كله ولا تكلني إلى نفسي طرفة عين." ♥️♥️♥️♥️♥️♥️♥️♥️

‏وأسألك ياربّ أن يأتي القادم من أيام العُمر
بأنعم حآل، وأن تمر الأيام بأدفأ شعور🕊🍀.

‏الحمد لله الذي جعل في مناجاته انشراحًا، وفي دعائه طمأنينةً، وفي سؤاله غنىً، وفي الانكسار بين يديه جبرًا، وفي القرب منه راحة،الحمد لله كثيرًا.

اللهم صلي وسلم وبارك على سيدنا محمد وعلى آله وصحبه أجمعين 🙏

اكو اسلوب بالاشهر الاخيره كمت اتبعه وكلش ديخليني انسان مرتاح الاسلوب هو انو اي شخص يكلي انت غلط اني اكله صح اني غلط وانت الصح واي شخص ميفتهم وجهة نظري ومدياخذها بنيه صافية كبل ما اخلي مجال للنقاش والتحاور ليش هيج افضل لان انت بمجرد حتخسر وقت وطاقه ويه انسان قافل او شخص هو اصلا ممستلطفك او هو جاي يريد يتهجم عليك فحتروح لدوامه تكون انت لا فايز بيها ولا انت الخسران فالافضل انو تنسحب من اي كعده او نقاش على السوشيل ميديا وتعرف شوكت تحجي وشوكت تنطي طاقتك بالمكان الصحيح ودير بالك تندمج ابيئه غير بيئتك لان حتخرب الصحيح الي بيك


#الكاتب_مستر_عبودي❤️

الاصول محد يتعلمها يا تتربى
عليها يا تعيش حياتك كلها تسمع بيها

تعرف شوكت تحس أنو الحب أو الخطبة أو الزواج أنجاز لمن تكون ويا شخص يفهمك يفهمك مو علمود يجرحك و يعرف نقطة ضعفك ويستخدمها ضدك لا شخص يفهمك علمود يسعدك ويكون قريب منك ويتجنب الشي اللي ممكن يجرحك شخص مستعد يلغي كل شي بحياته علمود يكون وياك بوكت حاجتك اله شخص بس تتذكره تدعيله شخص مسؤول عنك تحس أنك كاعد تتطور ويا مو واگف بمكانك أو حتى ترجع ليوره شخص لمن يغلط بحقك ميكابر يعتذر ثابت بحبك واثق بيك شخص مو بسهولة أحد يلعب بعقله يحترمك گدام نفسك ( گدام الناس گدام الناس گدام الناس )و هاي جواها الف خط يرفع رأسه بيك شخص عنده أستعداد يوگف بوجه العالم كله علمود يحافظ عليك و على كرامتك و يسندك هنا أعرف أنه علاقتك بهذا الشخص أنجاز الأختيار الصح هو أنجاز والأنسان الصح هو أنجاز والعلاقة الصحية هي أنجاز المشكلة عمرها مجانت بالحب ولا الخطبة ولا الزواج ولا المسؤوليات ولا الأطفال المشكلة بالأختيار بس الموضوع مو حرب و لازم تثبت بيها منو الأقوى الموضوع مودة ورحمة وتسامح وحقوق و واجبات وبس

#الكاتب_مستر_عبودي❤️

صباحُ الخيرِ ، ثُم يا رب يا ملكَ الملوكِ تولَّني ، واملأ حياتي بهجةً وضياءَ 💛

➰➰🍃🌸➰➰

صباح الخير،كُن مبتسمًا انسى أن هُناك مايُسمى سوءُ حظ,قُل بإنها خيرةِ واترك أمرّك لله.
#صباح_الخير