اللهم شخصاً لا نهون على قلبه🙏

اعلم أن الطريق طويل وصعب لكنني بالإيمان والتخطيط والعمل سيصبح الطريق ممتعاً سهلاً نجاحاً

النصيب كلمة صغيرة بس معناها جبير گلشي النه بي قسمه ونصيب سواء بالحب او بالحظ او بالنجاح او بالزواج او غيره النصيب لكل حرف اله معنى النصيب اذا ماسعيت علموده مراح توصله نهائياً
النصيب رزق الامام علي عليه السلام يكول الرزق نوعان رزق تطلبه ورزق يطلبك فاما الذي يطلبك سوف ياتيك ولو ع ضعفك واما الذي تطلبه فلن ياتيك الا بسعيك وهو أيضا رزق
فالاول فضل من الله والثاني عدل من الله فالنصيب مو مجرد كلمه تنكال وكت ما انت تريد تنهي شغلات من حياتگ
النصيب اكبر مني ومنك واكبر من الظروف اللي تمر علينا
مو وكت ماتنتهي رغبتك الشي اللي جنت تريده تكول نصيب.و وكت ماتخسر شغله جانت غاليه عليك تكول نصيب
اساسآ النصيب مو بيدنه بأيد ربك الي بيدك هو تسعاله هنا بس لازم تعرف شوكت تكول كلمة النصيب من تسوي الي عليك وتسعى علمود تحافظ عليه واذا ماعندك القدرة والشجاعه تكمل وكتها فعلاً اختصرها بكلمه النصيب وبالنهايه كلشي توفيق من الله
اللهم اجعل لنا النصيب في گل شي


#الكاتب_مستر_عبودي❤️

‏قلت في كثير من الأحيان مرحباً، عندما كان ينبغي أن أقول وداعاً.

‏"مؤسف ألا تعرف أين ترتمي وكل الأماكن تتطلب منك الوقوف."

بس اريد اعرف شغله وحده عود ليش
الي يصير معروف و مشهور
اذا كان
شاعر
او فنان
او مطرب
او رادود
او او. الئ اخر المشاهير
يتكبر علئ الناس ويشوف الناس بعين الزغيره أو يراسلة و يشوف رسايلة و ما يرد او ما يعبرة اصلا
لا تتكبر يا اخي فدوة لعمرك ترة انتة ما جبتهة من كلبك و لا عقلك الله انطاكيها ف حافظ ع تواضعك و لا تخسر ناسك

ومن تواضع لله رفعه
ومن تكبر علئ الله اذله

‏- أعتقد أن الحياة راح تتحسّن إذا تعلّمنا فكرة رفض كل مالا يروق لنا، عادي أرفض وجود شخص في قائمة علاقاتي لأنه يزعزع استقراري، عادي اقول "لا "للفكرة اللي ما تناسبني، حق من حقوقي رفض أي شيء قد يزعجني، ضاعت حياتنا وأحنا جالسين نجامل على حساب أنفسنا، ما تحسّون أنه كفاية مُجاملات؟

للمرة الألف :
لا تصدق كل شيء، كن وغداً شكاكاً !

"بعد أن إنطلقت بشغفٍ في كل أنحاء الحياة، ها أنا اليوم لا أريد شيئًا سوى العودة الى نفسي "

انسى انسى كُل ذكرى كنت ضعيف بيها كدام نفسَك، انسى كُل صدمة انصدمتها بإنسان ما كنت متوقع منّه إلا كل خير انسى أيامك السيئة ولياليك الصعبّه، انسى كل أثر يخليك ماتثق بنفسك مثل الأول، خلّي بذاكرتك بس الأشياء الي كُنت في قمة راحتك وإنت معها، امسك باللّحظات الي تبتسم لا إراديا أول ما تيجي ببالك حاول تنظّف عقلك من كلّ السواد الي انزرع جوّاه غصب عنّه.
علمود ما تضطّر بيوم من الأيام تدوّر بجهد على ذكرى وحدة حلوة في عقلك، وماتلكاها


#الكاتب_مستر_عبودي❤️

لا تعليق 💔

الشغله اللي ببالك هسه ومسهرتك الدين اللي رابطك وحاير شلون تسده المشكله اللي تحسها مالها حـل رزقك اللي خايف ميكفيك وعلى لحظه يوكف كل هالاشياء يوهمك بيها الشيطان حتى تسئ الظن وتتعب نفسياً
ومن تتعب نفسياً راح تقصر بحق ربك ونفسك واحبابك وبالنهايه راح تخسر كُلشي
بس انتظر دقيقه عوف كُلشي وركـز الله هو حلال المشاكل
الله هو الرزاق اللي ميخليك عاله على احدالله من خلقك وعدك راح يتكفل برزقك بس اسعى ولتظل تراوح بمكانك
الله راح يجبر خاطرك ويمسح على قلبك ومستحيل يعوفك
اهدء واطمئن انت جوه رحمته ابو خيمة الزرگـه ما نسى النمله بالصحراء شلون ينساك وهو مفضلك على كُل الكائنات
#الكاتب_مستر_عبودي❤️

"سوف يأتي يوم تدرك فيه أن طي صفحة هو أفضل شعور في العالم لأنك سوف تدرك أن هناك بالكتاب ما هو أكثر بكثير من تلك الصفحة التي كنت عالقا بها "

ادري يعني الأخت مو بشر ؟
حرام تحب وحرام تنحب ؟
واحدكم اذا يكفخ بيها من الصبح لليل
طبعاً اول واحد يضحكلها ويكلها احبج
تطيه الدنيا والي بيها
قبل متحاسبون خواتكم وتبيعون مراجل عليهن صادقوهن وشوفوهن شمحتاجات
احجوا وياهن بحبيبي وحياتي والله محتخسرون شي
بس اذا ضليتوا تكفخون بيهن حتخسرون كل شي


#الكاتب_مستر_عبودي❤️

الي فجاة يقلل اصله وياي راح اعرفه حجمه والي مراح يحترمني مراح اتعامل وياه
والي يحجي عليه بضهري اخلي هو و كلامه وره ضهري الي يحبوني راح اخليهم ع راسي
والي يقدرون راح اقدرهم مادام اني عايش و احافظ عليهم لان هالناس من العناصر المهمة بحياتي وفعلاً يستاهلون هالمكانة عموماً كل واحد راح ياخذ معاملته الي يستحقها مني والي تناسب حجمه وقيمته الحقيقيه مراح انطي قيمه لاي بشر ع حساب اضغط ع نفسي و أحملها فوك طاقتها و أتنازل كرامتي اغلى من اني ابهذلها ويه ناس متسوه اي احد يتعامل وياي بأسلوب معين راح ياخذ نفس الاسلوب

#الكاتب_مستر_عبودي❤️

شكرًا على كل نعمة أنعمتها علينا، شكرًا على عدد المرات التي منحتها لنا ومع هذا لم نحسن، شكرًا يا الله على كل فرصة أعطيتها لنا لنعود إليك♥️.