انسى انسى كُل ذكرى كنت ضعيف بيها كدام نفسَك، انسى كُل صدمة انصدمتها بإنسان ما كنت متوقع منّه إلا كل خير انسى أيامك السيئة ولياليك الصعبّه، انسى كل أثر يخليك ماتثق بنفسك مثل الأول، خلّي بذاكرتك بس الأشياء الي كُنت في قمة راحتك وإنت معها، امسك باللّحظات الي تبتسم لا إراديا أول ما تيجي ببالك حاول تنظّف عقلك من كلّ السواد الي انزرع جوّاه غصب عنّه.
علمود ما تضطّر بيوم من الأيام تدوّر بجهد على ذكرى وحدة حلوة في عقلك، وماتلكاها


#الكاتب_مستر_عبودي❤️

لا تعليق 💔

الشغله اللي ببالك هسه ومسهرتك الدين اللي رابطك وحاير شلون تسده المشكله اللي تحسها مالها حـل رزقك اللي خايف ميكفيك وعلى لحظه يوكف كل هالاشياء يوهمك بيها الشيطان حتى تسئ الظن وتتعب نفسياً
ومن تتعب نفسياً راح تقصر بحق ربك ونفسك واحبابك وبالنهايه راح تخسر كُلشي
بس انتظر دقيقه عوف كُلشي وركـز الله هو حلال المشاكل
الله هو الرزاق اللي ميخليك عاله على احدالله من خلقك وعدك راح يتكفل برزقك بس اسعى ولتظل تراوح بمكانك
الله راح يجبر خاطرك ويمسح على قلبك ومستحيل يعوفك
اهدء واطمئن انت جوه رحمته ابو خيمة الزرگـه ما نسى النمله بالصحراء شلون ينساك وهو مفضلك على كُل الكائنات
#الكاتب_مستر_عبودي❤️

"سوف يأتي يوم تدرك فيه أن طي صفحة هو أفضل شعور في العالم لأنك سوف تدرك أن هناك بالكتاب ما هو أكثر بكثير من تلك الصفحة التي كنت عالقا بها "

ادري يعني الأخت مو بشر ؟
حرام تحب وحرام تنحب ؟
واحدكم اذا يكفخ بيها من الصبح لليل
طبعاً اول واحد يضحكلها ويكلها احبج
تطيه الدنيا والي بيها
قبل متحاسبون خواتكم وتبيعون مراجل عليهن صادقوهن وشوفوهن شمحتاجات
احجوا وياهن بحبيبي وحياتي والله محتخسرون شي
بس اذا ضليتوا تكفخون بيهن حتخسرون كل شي


#الكاتب_مستر_عبودي❤️

الي فجاة يقلل اصله وياي راح اعرفه حجمه والي مراح يحترمني مراح اتعامل وياه
والي يحجي عليه بضهري اخلي هو و كلامه وره ضهري الي يحبوني راح اخليهم ع راسي
والي يقدرون راح اقدرهم مادام اني عايش و احافظ عليهم لان هالناس من العناصر المهمة بحياتي وفعلاً يستاهلون هالمكانة عموماً كل واحد راح ياخذ معاملته الي يستحقها مني والي تناسب حجمه وقيمته الحقيقيه مراح انطي قيمه لاي بشر ع حساب اضغط ع نفسي و أحملها فوك طاقتها و أتنازل كرامتي اغلى من اني ابهذلها ويه ناس متسوه اي احد يتعامل وياي بأسلوب معين راح ياخذ نفس الاسلوب

#الكاتب_مستر_عبودي❤️

شكرًا على كل نعمة أنعمتها علينا، شكرًا على عدد المرات التي منحتها لنا ومع هذا لم نحسن، شكرًا يا الله على كل فرصة أعطيتها لنا لنعود إليك♥️.

الاول م فبراير 2021"

اللهم لا تحبط لي دعوه تمناها قلبي.🧡

انت ممكن تصير زين ب 100 موقف بس الموقف ال 101 الي معرفت تسوي هو هذا الي راح يتذكروه وتطلع مو زين وممكن تكون استحملت ضغط من شخص 100مره بس المره ال 101 الي تشكي منها راح تصير مو زين وقلبك اسود ومتقدر وممكن تكون عندك مشاكل الدنيا كلها و الي كدامك يعرف هالشي كلش زين وتتعامل عادي وياه والمره الي تتعامل بيها مو عادي بسبب الضغوط الي عليك تصير تتحجج وتتزعل فلان شايفك مو زين وعلان شايفك قلبك اسود و الاستاذ الي هناك شايفك تتحجج وره كل العشره و المواقف و كل الي مريتوا بيها بالنهايه شكراً و جانت فرصه سعيده و مع السلامه الناس الأنانيه الي طول الوكت شايفه كل شغله من ناحيتها ومن منظورها الشخصي و متكدر تحط نفسها مكانك او تلتمسلك العذر انت بغنى عنهم


#الكاتب_مستر_عبودي❤️

في لحظات الضيق
أكثر من قول : (لا حول ولا قوة إلا بالله)
فإنها خير رفيق

رساله ونصيحة لكل طالب جديد او قديم من اشوف طالب جاي مرعبل اشوية وحيل تعبان لضل تكول هذا مامرتب تره بيهم كاطعين طريق ساعتين ياله يوصلون الكلية
ولا ضل تخجله بالاكل ياله ناكل امشي يجوز بس كروته جايب ومتريك بالبيت
لا ضل ادقق ملابسه وتصور انت احسن منه ابد يجوز وراه مسؤلية كهرباء عيشة وخط مو عيب اذا جان يملك اهدوم متواضعة العيب انك تشمت ويكون بداخلك استصغار ولا تحجي وره طالب بظهرة تبين انت احسن منه دائما ابو الشخصية القوية محد يكدر يحجي شي كدامه فعيب تكون بهذا الوصف الكلية بيها الفقير وبيها الغني وبيها المتكبر بيها المتواضع وبيها المنافق وبيها النمام وبيها المشكلجي لهذا خليك مثل ما انت وتواضع يرفعك
الله


#الكاتب_مستر_عبودي❤️

ترا كلش مو حلو من الناس تحبك علمود شكلك لانه بالنهايه الشكل راح تتعود عليه و يكون شي عادي ويا الايام لو كنت حلوو او عادي اما لو الناس حبتك علمود طيبة قلبك او روحك الحلوه ماراح يملون منك لو يكعدون وياك طول العمر المظهر دائما الرقم واحد ك اول نظرة بس مو الرقم واحد للمدى البعيد


#الكاتب_مستر_عبودي❤️

كلهن اردهن بالمثل بس يصفى بالي..!🖤

اني مااوكف بمكاني انتظر احد ولا انتظر منو يفهم ومنو يحس ومنو يستوعب ما انتظر الغلطان يصحى ع نفسه و يعتذر لو الي اساء الظن يجي و يكلي اني غلطت بحقك ما انتظر احد يعاملني مثل ما اعامله لو منو يمدح لو منو يذم اني المتحكم الاول و الاخير لنفسي الي يريد يمشي وياي خطوة اهلاً وسهلاً والي يريد ينسحب مع الف سلامه والي يريد يشوفني مثل ما اني ع طبيعتي والي يريد يعيش باوهام هو صنعها اله كامل الحرية الي يريد يألف قصص ويجذب الجذبه و يصدكها ع راحته الي يريحه خل يسوي و الي يريد يفتح عينه و يشوف الحقيقة و ويحجي كلمة الحق هو هم حر بالنهاية طاقتي ما اضيعها بالانتظار اني المسوؤل عن نفسي و حياتي جنت زين مو زين ف هي لنفسي مو لاحد كل الي تسوي يمثلك و كل الي تحجي يشبهك و كل الي تسوي راح يرجعلك بس اني بعين نفسي عظيم ومقدس


#الكاتب_مستر_عبودي❤️
⁣

مطرت الدنيا فتحت الشباج حسيت نفسي دفيان واكف من ورا الشباج اتفرج على المطر بس اكو واحد تلكاه موظف او سقف بيته تعبان ازخ عليه ومثلج راح تبقى متضايق إنّك كل يوم تصحى من وقت و تروح ع الشغل، بس في واحد لحد الان داديدوَّر على فرصة مناسبة راح تبقين تشتكين من هم البيت والاطفال وطلباتهن وفي وحدة تدعي الله يرزقها طفل والدراسة اللي حاسس إنّها هالكتك ب الامتحانات واحد ثاني كان يحلم يكمّل دراسته
والدنيا دوّارة والاختبارات هواي والنعم اكثر والله أكبر اتعلّم إنّك ترضى اتعلّم إنك تشوف الحلو ب كلشي ربنا يدزلكياه، ولو ما كدرت راح تكتشف إنّو هذا حلو وخير بالأخير رحمة ربنا أوسع من كل شي الحمد لله دائماً وابداً


#الكاتب_مستر_عبودي❤️

والله يا جماعة كل شيء بالدنيا إله علاج
إلا قلة الأصل و سواد القلب 🖤!