شلون تريدون تحتفلون بـ عيد الحب وماكو علاقة عاطفية بحياتكم تكمل السّنة تملون من وجود شخص بحياتكم حتى الاهتمام لما يجيكم من شخص تعتبروه لزكه شلون تريدون عيد حب وكل ما تنتهي علاقة حب وياكم تنتهي بنميمة وكُره وحقد الشّخص الغريب ممكن تعاملوا بطريقة احسن من اللي تعاملون فيها الناس اللي تركتوها عيد الحّب اللي صار عبارة عن هدّية وشوية كلمات وليلة رومانسية وعند أول ليلة بعد الفراق تنسون كل لحظة عشتوها مع هالشخص وتذكرون عيوبه قبل محاسنه لتعطوا لأنفسكم حجة الحب قبل ما يكون إله عيد كان احترام واهتمام حب مواقِف ودعم ومساندة الحب اللي ممكن يخلي حياتك تتغير 180 درجة للأفضل لهذا قبل ما تنتظرون عيد الحب اعرفوا شلون تحبون بعض

#الكاتب_مستر_عبودي❤️

شكد حلو لو نكدر نحذف الناس اللي بوجهين واللي قلوبهم مليانة حقد والناس السخيفة والناس اللي شايفة حالها ع الفاضي والناس اللي بتكذب بكلّ كلمة والناس اللي مسوين نفسهم مساكين وهم أخبث خلق الله والناس اللي تحسد الرايح والجاي والنّاس الكئيبة دايما بدون سبب، والناس الدرامية اللي يزعلون من أي شغلة صغيرة نحذفهم حذف جذري من هاي الدنيا

#الكاتب_مستر_عبودي❤️

‏الحياة أخذ وعطا جيب واخذ إسند واستند اجبر وانجبر مو طرف ينطي والثاني واكف يتفرج عليه لهذا السبب الي ما يسندك ومايقدرك وميتحملك بكل ضروفك ميفيدك لأنه العمر ماشي وحياخذ وياه أعصاب ويحرگ دمك وتاخذ منه بس وجع الراس
‏مضل مجال للناس الغلط ومضل من العمر گد الي راح ولازم تفهم هالحجي زين


#الكاتب_مستر_عبودي❤️

‏كل شيء يرحل إلا الخير يظل مغروسا في النفوس، هنيئا لمن يزرع الخير بين الناس فنقاء القلب فطرة، يميز الله بها من أحب.

‏عُمر المدّه ما كانت مقياس للعلاقات ممكن شخص واحد تقضي معاه شهور ويعوّضك عن ناس قضيت معاهم سنين
‏( المسأله إحساس مو وقت ) 👍🏻

ثلج خير علينا و عليكم ❤️😂

أنت بخير طالما لم تؤذ أحداً

هلگد ما انعزمت على خطوبه واعراس بهذا الشهر گمت افز بليل اصفگ واني بنومي وارجع انام

انت متعرف شنو الاشياء الي متفيدك الي الله بعدها عنك من تاخيرك على موعد لو من تأخير زواجك لو من خسارتك لوظيفة لو من رسوبك سنة وتاخيرك عن البقيه ، لو من نومة ساعة زيادة لو من جرح بعمر صغير
من ضجت ع خسارة شخص جنت تعتبره كل الدنيا من شي ردته الك ومصار و اضطريت تقتنع انو هالشي مو الك بدون ارادتك
لتتشائم من اي شي يصير وياك وتحكم عليه وتكول حظي مو زين لانو بعد فترة قريبة او بعيدة راح توضح شغلات هواي كدام عيونك مجنت شايفها وراح تصير امور تحمد ربك انو صارت ومجانت صارت لولا هالمعوقات الي صارت بحياتك خليك دائماً متاكد انو خير الله ورحمته محاوطتك بكل موقف بكل مكان وبكل شي يجي ببالك


#الكاتب_مستر_عبودي❤️