90% من الناس الي تحجي عن الاصول والحلال والحرام حرفياً محتاجين يعرفوها !
اغلب الأمور الي تكون بداخلنه وممرتاحين بسببها تكون سببها احيانا ان احنه سكتنه من الاول سكتنه بغض النظر عن الأسباب أو عن مبررات السكوت المهم احنه سكتنه و صرنه بمرور الوكت نتحمّل كلشي نتيجة سكوتنه سكتنه علمود جنه معتقدين هذا الصح او فكرنا انه ممكن إليّ نتعامل وياهم يفهمون سكوتنه ويحترمون وميسوون الاشياء الي تغثنه ومع ذلك محبينه نحجي بيها علمود نبتعد عن المشاكل ونكبر عقلنه بس المشكلة من تتعامل ويه ناس تصير تتمادى اكثر و اكثر وتصير هالناس تعتقد انك شخص ضعيف لمجرد انك سكتت او انك ما عندك مشاعر او احساس مشكله مشكلة جبيره من يكون احترامك او تمسكك ببعض الناس يتحول تحت مسمى ضعف مشكلة جبيره من تكون تتعامل مع ناس تستغلك بس فعلاً يمكن احنه الغلطانين المفروض جان لازم منسكت من البدايه و لازم نصغر عقلنه هواي
أكثر مرحلة متعبة تمر بحياتنا هي مرحلة الي نصير بيها شي ما مفهوم لا للناس ولا لأنفسنا لدرجة كلش جبيره نصير مافاهمين نفسنا يتضارب كلشي بداخلنا ويصير عقلك عبارة عن صراعات بين الماضي والحاضر وتبقه تلوم بنفسك بين الخطأ وبين الصح تبدي تحس بالندم والوحدة والأذى الحقيقي بهاي المرحلة من تنطي ثقتك لشخص وكأنك تبلغه برسالة "أهتم بيه" او "انتبه زين الي" بس هذا الشخص نادراً مايفهم لغة الرسالة ع الاغلب يترجمها بشكل غير صحيح ويبدأ يجرح بيك ويدوس عليك ويزيد الطين بله يبقى هلشخص يحسسك بالغلط يحسسك بالندم وهو بالاساس صعب ع الواحد يصير شي ممفهوم ويجي شخص يزيدها علي بدل ما يحتوي ويسنده يكسر اجنحتة خيار الوحدة افضل دائما بهاي المرحلة المتعبة تعيش وحيد وتبقى ويا نفسك ولا تعيش ويا ناس تقضي ع حياتك خليك طالع من هالمرحلة بأقل ضرر ولا تقترب من انسان يدمرك وينهش بيك
ياترتبط بالشخص الصح يا تعيش عمرك لنفسك واهلك وتتونس بي ويه عائلتك وناسك الدنيا مو بس ارتباط وزواج وعائله ومسؤوليات الاختيار الخطأ راح يسبب الهم والمغثه طول العمر كل الي تكدر تسوي انو تنجح تنجح بشغلك بشغفك بسعادتك وبحياتك ماانكر اهميه المشاركة والاستقرار بس ما الها اي طعم لو جانت ويه انسان ميعرف يقدر قيمتك
تعرفون المشكله وين المشكله عيونه مو سونار كلوبنه مو سونار انُ في بعض الاحيان تعرفلك انسان لمدة معينه ولمدة جبيره بس بعدين يطلع مو كد الاختبار هذا مو كد العشره ولربما تعرفلك انسان اسبوع تحسه فاهمك ويكدر يكسبك ويستوعبك وباصعب المواقف تلكاه وياك
#الكاتب_مستر_عبودي❤️
#الكاتب_مستر_عبودي❤️
الثقة بالله شي كلش غريب بحيث الدنيا كلها عاكسه وياك وانت مصدك راح تفرج ❤️
اكثر شي احسبله حساب انه كل يوم طاقتنا بي محسوبة و محدودة مو كل النقاشات راح تجيب نتيجه و تفيد مو كل الناس تستاهل فرص مو كلشي يستحق التفكير طاقتنا يادوب تكفينا فالواحد لو يفكر بهاي الطريقة راح يعرف شلون يميز الشي الي يتحجم و يتصغر والشي الي فعلا يستحق تركز عليه بحياتك
#الكاتب_مستر_عبودي❤️
#الكاتب_مستر_عبودي❤️
مرات خسارتك للاشياء مو يعني ماحافظت عليها وراحت اكو خسارات تكون بسبب حرصك الزايد في سبيل المحافظة عليها هية تخسرك
اكو شعور مرات نحسه ماعرف نسمي برود تجاهل او يمكن مرحلة يوكف احساسك تجاه كلشي لاتحب ولا تكره لا طايق ولا مطايق لا زعلان ولا فرحان شعور انه اذا تريد تروح مع الف السلامة واذا تريد تضل اهلا وسهلاً شعور انته كلش مرتاح بي لا هو محلو ولا هو محلو يصير وياك control على ردات فعلك ويه الأحداث الي تصير حواليك بحيث ماتندفع بالحكم على المواقف و الأشخاص ننطي لنفسنه فرصة نرتاح شويه لفترة معينة ونحاول نرتب أمور حياتنه علمود ما تنهدر للأشخاص الغلط بالوقت الغلط او في الوضع الغلط يعني بإختصار الواحد يحاول يشتري راحة باله لفترة معينة لحد ما يقرر يكمل من جديد بمشاعر جديدة قرارات صحيحة و اختيارات أفضل
الله لايوكعكم ويه انسان "عينه فارغة" هالشخصيات الله يعينها ع نفسها والله يعين الي يتعاملون وياهم لانهم لو شمتسويلهم ماراح يحسوا بقيمة هالشي ابداً لو شتجيبلهم هم ما راح يقدرون الي عينه فارغة مو شرط انه يروح للشي الاحسن او الافضل بالعكس ممكن يروح للشي الرخيص او القليل و هو عنده وبين ايده الغالي بس مشكلته ميحس بقيمة الي عنده مهما جان غالي وهذا الشي موجود عند نسبة جبيرة من الناس الي بمجتمعنا و أساسه هو التربية الخطأ او طبيعة بالنفس و مرات الموضوع وراثة لانو على الاغلب الاهل هم تطلع عينهم فارغه الشخص الي عينه الفارغة دائماً يتناسى و يتجاهل الشغلات الحلوة الي بحياته و يضل ملتهي بأي شي موجود عند غيره ف يضل عايش بصراع بين نفسه طول حياته
#الكاتب_مستر_عبودي❤️
#الكاتب_مستر_عبودي❤️
نصيحة
لا تحاول تحسن صورتك بعين شخص ماخذ فكرة غلط عنك بسبب كلام الناس
صدكني إنه اللي إتعود يمشي ورا كلام الناس فهذا إنسان ماعندة شخصية وكلمة تجيبه وكلمة توديه فالأحسن إنك تتجاهل هالنوعيات نهائيا، الدكتور إبراهيم الفقي كال من أعلى مراتب التوازن النفسي أن لا تسعى لتصحيح الظن السيء بك من أكرمك فأكرمه ومن استخف بك فأكرم نفسك عنه واني من عندي احجيلك إنه أنت بشكل عام ما تعرف احد ومستحيل تكدر تعرف احد مهما كنت قريب لأنه في جانب سيء وصندوق مغلق بحياة كل شخص بينا مستحيل احد يعرف شو بداخلة
#الكاتب_مستر_عبودي❤️
لا تحاول تحسن صورتك بعين شخص ماخذ فكرة غلط عنك بسبب كلام الناس
صدكني إنه اللي إتعود يمشي ورا كلام الناس فهذا إنسان ماعندة شخصية وكلمة تجيبه وكلمة توديه فالأحسن إنك تتجاهل هالنوعيات نهائيا، الدكتور إبراهيم الفقي كال من أعلى مراتب التوازن النفسي أن لا تسعى لتصحيح الظن السيء بك من أكرمك فأكرمه ومن استخف بك فأكرم نفسك عنه واني من عندي احجيلك إنه أنت بشكل عام ما تعرف احد ومستحيل تكدر تعرف احد مهما كنت قريب لأنه في جانب سيء وصندوق مغلق بحياة كل شخص بينا مستحيل احد يعرف شو بداخلة
#الكاتب_مستر_عبودي❤️
لازم تستوعب إنه في فرق كبير بين الاختيار الصح و الاختيار اللي نفسك يكون صح
مو كل الأشياء اللي يتمناها قلبك تنفعلك لانه التفكير بعاطفه تجاه اي شيء راح يقلل نسبة صحة حكمك عليه اوقات لازم تفكر بعقلانيه مفرطة علمود تشوف الشغلة على حقيقتها مثل ما هيه بدون اي عواطف احنة المفروض نجتهد كيف نرفع نسبة احتمالات نجاح اختياراتنا وبعد هيج نتوكل على الله مو نحشر حالنا بزاوية ونلوم القدر والحجر
#الكاتب_مستر_عبودي❤️
مو كل الأشياء اللي يتمناها قلبك تنفعلك لانه التفكير بعاطفه تجاه اي شيء راح يقلل نسبة صحة حكمك عليه اوقات لازم تفكر بعقلانيه مفرطة علمود تشوف الشغلة على حقيقتها مثل ما هيه بدون اي عواطف احنة المفروض نجتهد كيف نرفع نسبة احتمالات نجاح اختياراتنا وبعد هيج نتوكل على الله مو نحشر حالنا بزاوية ونلوم القدر والحجر
#الكاتب_مستر_عبودي❤️