الله لايوكعكم ويه انسان "عينه فارغة" هالشخصيات الله يعينها ع نفسها والله يعين الي يتعاملون وياهم لانهم لو شمتسويلهم ماراح يحسوا بقيمة هالشي ابداً لو شتجيبلهم هم ما راح يقدرون الي عينه فارغة مو شرط انه يروح للشي الاحسن او الافضل بالعكس ممكن يروح للشي الرخيص او القليل و هو عنده وبين ايده الغالي بس مشكلته ميحس بقيمة الي عنده مهما جان غالي وهذا الشي موجود عند نسبة جبيرة من الناس الي بمجتمعنا و أساسه هو التربية الخطأ او طبيعة بالنفس و مرات الموضوع وراثة لانو على الاغلب الاهل هم تطلع عينهم فارغه الشخص الي عينه الفارغة دائماً يتناسى و يتجاهل الشغلات الحلوة الي بحياته و يضل ملتهي بأي شي موجود عند غيره ف يضل عايش بصراع بين نفسه طول حياته

#الكاتب_مستر_عبودي❤️

نصيحة
لا تحاول تحسن صورتك بعين شخص ماخذ فكرة غلط عنك بسبب كلام الناس
صدكني إنه اللي إتعود يمشي ورا كلام الناس فهذا إنسان ماعندة شخصية وكلمة تجيبه وكلمة توديه فالأحسن إنك تتجاهل هالنوعيات نهائيا، الدكتور إبراهيم الفقي كال من أعلى مراتب التوازن النفسي أن لا تسعى لتصحيح الظن السيء بك من أكرمك فأكرمه ومن استخف بك فأكرم نفسك عنه واني من عندي احجيلك إنه أنت بشكل عام ما تعرف احد ومستحيل تكدر تعرف احد مهما كنت قريب لأنه في جانب سيء وصندوق مغلق بحياة كل شخص بينا مستحيل احد يعرف شو بداخلة

#الكاتب_مستر_عبودي❤️

لازم تستوعب إنه في فرق كبير بين الاختيار الصح و الاختيار اللي نفسك يكون صح
مو كل الأشياء اللي يتمناها قلبك تنفعلك لانه التفكير بعاطفه تجاه اي شيء راح يقلل نسبة صحة حكمك عليه اوقات لازم تفكر بعقلانيه مفرطة علمود تشوف الشغلة على حقيقتها مثل ما هيه بدون اي عواطف احنة المفروض نجتهد كيف نرفع نسبة احتمالات نجاح اختياراتنا وبعد هيج نتوكل على الله مو نحشر حالنا بزاوية ونلوم القدر والحجر

#الكاتب_مستر_عبودي❤️

مستحيل يصير كلامي رسمي وية واحد احبه أو قريب مني فلو لكيت اني بلشت اختصرك أو أقلل حجي وياك اعرف إنك بطلت تناسبني من أصير اتعامل وياك برسميه تأكد بإني طلعتك من قلبي واعتبرتك غريب مو سهل علي إني أحول الكلام العفوي والمزح لجديه وكلام مختصر صدكني ما اوصل لهاي الحاله غير لما أفقد أملي منك وتتحول عندي من قائمه الـ BEST لشخص عادي مثل باقي الناس. هي مجرد تراكمات تخلي إسلوبي وياك بارد، فركز دايما على تصرفاتك حتى لو كانت صغيره

#الكاتب_مستر_عبودي❤️

مو جمال البنية وجسمها اللي راح ينطيك كلاص المي والدوة وبس تتعب لا شكل الشاب وتسريحة شعرة اللي راح تسندك لما تكبري وتعجزي اختارو صح علمود هي اللحظة لانو الدنيا خداعة مابيها احد يدوم إلا ولاد الاصل والحنينين يضلون وياك لاخر العمر

#الكاتب_مستر_عبودي❤️

الحمد الله اكو ناس مزوجه ومرتاحه واكو احد منفصل ومرتاح واكو ممزوج وكلش سعيد وعادي الحمد الله وناس عدها اطفال وهواي سعيدة وناس تشتغل ليل ونهار ومرتاحين وناس ماعدها شغل ومرتاحين وناس بالغربه مرتاحه وناس عمرها ما سافرت وسعيدة والحمد لله اكو ناس كلش راضيه على نفسها واختياراتها الدنيا مو طريق واحد لازم كلنا نمشي عليه مو من الاصول نروح نسأل الناس على شي ماعدهم او همه ممفكرين بي ولا من الاصول نستغرب لراحتهم ورضاهم وقناعتهم الاصول تكول باوع على ورقتك وخليك بحياتك

#الكاتب_مستر_عبودي❤️

تمر بفترة من عمرك تنصدم إنك لوحدك
لوحدك بمعنى الكلمة وتشوف إنو إذا ما انت ساعدت نفسك وتعبت ماكو احد راح يساعدك الكل يكلك دبر نفسك ولا توجعلي راسي او يمكن يتجاهلك هنا تعرف إنو تعبك الك وماكو احد وياك انت لوحدك بهاي الدنيا هاي الصدمة يمكن تنصدمها متأخر أو انصدمتها من قبل مو مهم المهم إنك تتعلم منها وتصحى لأن ماكو احد وياك بطريقك كلهم مجرد ارقام بحياتك

#الكاتب_مستر_عبودي❤️

لم يرشدنا أحدهم يوماً إلى الطريق لقد تعلمنا كُل شيء بالتجربة والخطأ

الله دائماً يعوض اي احد يدير وجهه ويعوفك راح تلاكي وجوه ثانيه التفتت عليك اي باب ينسد بوجهك راح تشوف مليون باب انفتح الك اي شي رب العالمين ياخذه منك ينطيك بداله الافضل الك اي احد يخلي داخلك شي مو حلو راح تلكه ناس تتركلك اثار حلوة اي فشل تشوفه بالنهايه راح تلكه طريق النجاح ممكن العوض يكون شعور حلو ثبات داخلي اكتفاء بالنفس سلام نفسي هدوء بعز الازمات اني مؤمن تماماً انه الله يعوض باشياء ثانيه هواي لو ركزنه ونتمعن و شفنه الحياة بنظرة ثانيه ولو ركزنه ع الموجود و بطلنه نفكر بالناقص الله يعوض بطريقه ما ممكن حتى نتخيلها لهيج بطل تباوع وراك و ركز كدامك ولتخاف من اي شي من اي خطوة ومن اي قرار سلم امرك لله صدكني كله يتعوض والله عوض رب العالمين اذا اجه ينسيك كل مافقدت يؤتيكم خيرًا مما أخذ منكم

#الكاتب_مستر_عبودي❤️

الي يحب تراب الوطن يفتح الشباك 😌

اغلب البشر متورطين في علاقة سامة كلها كذب وخداع لكن مستمرين فيها لانهم يعتقدون ان هذا حب حياتهم لكن في الواقع هم عندهم قلة تقدير لذواتهم وقلة استحقاق لذلك هم مستمرين في هذه العلاقة المحب لذاته واللي عنده تقدير واستحقاق عالي مايدخل في علاقة مافيها صدق 100% لان ذاته غالية عليه

#الكاتب_مستر_عبودي❤️

يعجبني جدا الشخص اللي يتجاوز ويتخطى احزانه والمشاكل بشكل سريع ممكن يواجه مشكلة اليوم ويتألم ويعيش مشاعر الحزن بشكل كامل لكن يصحى ثاني يوم متخطي ومتجاوز كل شي حدث بالامس ويكمل حياته ‏راح تعيش عمرك وحياتك مرة واحدة عش حزنك وتخلص منه وتحاوزه وتخطاه وكمل حياتك مركز على الشي الي تحبه
#الكاتب_مستر_عبودي❤️

دائم قدم شي لنفسك حتى لو شي بسيط اعتني بذاتك، تحدث مع نفسك بإيجابية ادعم ذاتك كافىء ذاتك أول ماتبدا تقدم لذاتك وتحبها وتدعمها ستجد الدعم من الحياة والآخرين وكان كل شيء في الكون أصبح كريمًا معك ‏الكريم مع نفسه سيجد الآخرين أصبحوا كرماء معه والبخيل مع ذاته سيصبح الكل بخيل معه

#الكاتب_مستر_عبودي❤️

لا تخاف من الرفض جرب واسعى واعمل اللي تقدر عليه لأنك اذا بتخاف طول عمرك من الرفض او الفشل راح تبقى بنفسك مكانك ولا بتتقدم ولا خطوه وحده اغتنم الفرص خاطر جرب كل شيء في الحياة لا تخلي شيء بخاطرك ولا تخلي الخوف يمنعك الحياة مره عشها لأقصى حد

#الكاتب_مستر_عبودي❤️