البرود مصيبة كل العلاقات أذا دخل البرود بأي علاقة أعتبرها أنتهت وتضرر واحد من الأطراف لان طرف راح يكون متلهف وطرف يتعامل بكل برود أهتمامك بشخص لدرجة خيالية وتفكيرك بي بشكل متواصل يعني تهدر كل طاقتك عليه وهو يعاملك بكل برود مستعد يقضي وقتة بشي تافه ولا يقضي وياك ردودة باردة وكلها تعني ابتعد عني ما اريد أتكلم معاك بس المشكلة أنت شفت بي مميزات عجبتك أو هو جان بوقت سابق يبادلك نفس المشاعر وفجأة سحب نفسة منك هنا تبدأ المعاناة مثل الي يحفر بقطعة صغيرة من الخشب جدار من كونكريت تعبك مالة قيمة ومحاولاتك تفشل بالنهاية

#الكاتب_مستر_عبودي❤️

اغلب الأمور الي تكون بداخلنه وممرتاحين بسببها تكون سببها احيانا ان احنه سكتنه من الاول سكتنه بغض النظر عن الأسباب أو عن مبررات السكوت، المهم احنه سكتنه و صرنه بمرور الوكت نتحمّل كلشي نتيجة سكوتنه سكتنه علمود جنه معتقدين هذا الصح او فكرنا انه ممكن إليّ نتعامل وياهم يفهمون سكوتنه ويحترمون وميسوون الاشياء الي تغثنه ومع ذلك محبينه نحجي بيها علمود نبتعد عن المشاكل ونكبر عقلنه بس المشكلة من تتعامل ويه ناس تصير تتمادى اكثر و اكثر وتصير هالناس تعتقد انك شخص ضعيف لمجرد انك سكتت، او انك ما عندك مشاعر او احساس مشكله مشكلة جبيره من يكون احترامك او تمسكك ببعض الناس يتحول تحت مسمى -ضعف-مشكلة جبيره من تكون تتعامل مع ناس تستغلك بس فعلاً يمكن احنه الغلطانين المفروض جان لازم منسكت من البدايه و لازم نصغر عقلنه هواي

#الكاتب_مستر_عبودي❤️

حتى نعيش سعداء لازم نتقبل بشريتنا نتقبل اننا بشر نخطي ونغلط وماحد بينه كامل كلنا عندنا اغلاط واخطاء وكلنا مو كاملين عادي احنا بالنهاية بشر ومستحيل نوصل للكامل بنسبة 100% تقبل بشريتك تقبل انك انسان مو كامل تقبل أخطائك واغلاطك وعيوبك وحبها بكذا راح تطور حياتك وتكون اكثر سعادة

#الكاتب_مستر_عبودي❤️

جرب، اغلط، خوض تجارب جديدة لا تبقى في مكانك خايف تشوف حياتك تمشي وأنت ماتسوي شيء فقط لآنك خايف تفشل او تغلط عادي اغلط وتعلم من غلطك هالشيء بيساعدك تكون شخص أفضل متعة الحياة في التجرية والحركة وفعل الامور والاشياء اللي تحبها

#الكاتب_مستر_عبودي❤️

لا تندم على الفرص اللي ضاعت بالماضي او على الاشياء اللي ماسويتها بمراهقتك او بداية عمرك او بداية شبابك كدامك وقت طويل من عمرك تحقق فيه كل رغباتك ليش مركز على فرص الماضي وندمان عليها وتارك الفرص اللي امامك الان ومضيع وقتك في الندم ترا تنتظرك اشياء عظيمة وحياة أجمل ركز عليها

#الكاتب_مستر_عبودي❤️

اللهم باعد بيني وبين الحزن وباعد بيني وبين الهم وييسر لي أمري وارزقني الفرحة يا الله .🖤

دعاء لنسيان شخص:

اللهم خذه من قلبي كما اخذته من عيني وخذه من تفكيري كما اخذته من نصيبي وخذه من منامي كما
اخذته من يقظتي وخذه من خيالي كما اخذته من واقعي اللهم لا تنزل علي من الحنين ما لا طاقة لي به ولا تحملني من عذاب غيابه ما لا اطيق اللهم اشفني منه كما شفيت ايوب من سقمه واخرجني من حكايته كما اخرجت يونس من بطن الحوت اللهم اعوذ بك من عودة تكسرني او عاطفة تهزمني

الله لايوكعكم ويه انسان عينه فارغة هالشخصيات الله يعينها ع نفسها والله يعين الي يتعاملون وياهم لانهم لو شمتسويلهم ماراح يحسوا بقيمة هالشي ابداً لو شتجيبلهم هم ما راح يقدرون الي عينه فارغة مو شرط انه يروح للشي الاحسن او الافضل بالعكس ممكن يروح للشي الرخيص او القليل و هو عنده وبين ايده الغالي بس مشكلته ميحس بقيمة الي عنده مهما جان غالي وهذا الشي موجود عند نسبة جبيرة من الناس الي بمجتمعنا و أساسه هو التربية الخطأ او طبيعة بالنفس و مرات الموضوع وراثة لانو على الاغلب الاهل هم تطلع عينهم فارغه الشخص الي "عينه الفارغة" دائماً يتناسى و يتجاهل الشغلات الحلوة الي بحياته و يضل ملتهي بأي شي موجود عند غيره ف يضل عايش بصراع بين نفسه طول حياته
#القناعة_كنز

#الكاتب_مستر_عبودي❤️

عُمري ما شفتها إن رب العالمين
يحرمني أو ياخُد منّي شي، أني دائمًا اشوف إن "ربنا يستبدل" يستبدل الأشخاص الأحلام الطموح وبعدها ينوّر بصيرتي علمود أشوف البديل المُناسب اللي ربنا حطه بطريقي ويكون هو هذا عوضي عن اختياراتي السابقة اللي ما جانت مضمونة ولا جان بيها خير الي لهل سبب دائماً ثق باختيارات رب العالمين الك واحمده على كُل شي لان العوض حيكون احسن

﴿وَلَسَوْفَ يُعْطِيكَ رَبُّكَ فَتَرْضَىٰ﴾

اطمئن 🙏

اللهم الي عنده ام متوفيه ارحمها والي عنده ام مريضه شافيها والي عنده ام عافيها واحفظها❤️

‏اني شخص اخاف من إحساسي حرفيًا 99٪ من الأشياء الي أحسها تطلع حقيقية ما اعرف هاي نعمة أو نقمة بس كل مرة أحاول أكذّب بيها احساسي يصير أقوى من أول وتصير كل الأحداث تترابط لتثبت أنه شعوري صح مو مجرد نغزة وخلص وكأنه ربنا يلطُف بيه قبل ما احد يضرني أو يكسرني

#الكاتب_مستر_عبودي❤️

العشرة مو بالزمن العشرة بالمواقف العشرة بالناس اللي تمدلك ايديها وتساعدك وتوكف يمك بمشاكلك وبضغوضاتكبالناس اللي تحاول تغيرلك مودك وتضحكك بمزاجك السيئ اللي بتقدر ظروفك وحياتك وما تضغط عليك ابداواللي دايما دعم وسند الك بكل قراراتك وبكل خطوة تسويهاالعشرة بالناس اللي تسندك ويخلوك توكف من اول وجديد من دون مقابل اللي حتى لو ما مديت ايديك الهم ماراح يتركوك بحالك بالعكس راح يمدون ايديهم الك ويوكفون وياك ويقوك وماراح يخلوك تضعف او تستسلم

#الكاتب_مستر_عبودي❤️