يمكن اكو كلام لو نحجي هسه ما راح بعد يغير شي بينه و يمكن حجي نسمعه هسه بس بعد ميأثر بينه يمكن نبرر بس محد يريد يسمع و يمكن كاعد نتصرف صح بس محد يريد يشوف هالشي يمكن يعتذرون من عدنه بس بعد ميهمنا و يمكن تحس بالندم بس هالشي يجي متأخر بعد ماكلبت الصفحة
مو كلشي بالحياه مهم يضل مهم ولا كلشي ننتظره راح نضل ننتظره ومو كل الحجي ينحجي ولا كلشي ممكن ينشرح كل واحد اله مشاعر و حدود و طاقة و نظامه الخاص كل واحد بالنهاية يختار طريقه يمكن مو كل الطرق تكون مناسبه النا بس ع الاقل احنه كاعد نحاول نحاول نشوف نفسنه بين هوسة هالعالم نحاول نكون راضيين على نفسنه احنه نحاول وهذا اعظم ما بالموضوع

#الكاتب_مستر_عبودي❤️

خليك انسان ( حدي ) بالتعاملات ويه الناس لان كل ماتكبر وتصير أنضج راح تكتشف إن الراحة بالمسافات وراح تشوف القريب منك صار كلش بعيد انطي فرص على كد طاقتك، بس بحالة ملكيت تقدير ارسم حدود وخلي كل واحد يعرف قيمته الحقيقية بحياتك لا تضغط على نفسك حتى تكسب ناس يريدون يخسروك خلي نفسك عزيزة وخلي مليون خط جوه نفسك عزيزة وخليك بعيد من تحس إن اللحظات صارت ثكيلة عليك وابتعد ‏من تحس إن المكان مو مكانك وميناسبك ولا يليق بيك واتذكر أنت تستحق الأفضل دائمًا والبلوك مو شرط يكون على مواقع التواصل البلوك المفروض يكون من داخلك اصنع حاجز بينك وبين أي شي يأذيك لأن صحتك وحالتك النفسية محسوبة عليك وتذكر الانسحاب من حياة بعض الأشخاص مو دائمًا معناها الإستسلام بالعكس معناها انت تحملت هواي شغلات علمود شي مايستحق حتى ينذكر

#الكاتب_مستر_عبودي❤️
⁣
⁣

مرة چنت گاعد يم رجال چبير گلي هاي الحجاية:

الأنسان مثل المعدن أكو معدنه تنك رخيص الي يخيس ويصدي من أول مطرة وأكو معدنه ذهب ويبقى ذهب لو هسة مطرت عليه الف سنة القصد من الحجي أكو بشر اذا تصادقه هو خوش أنسان ونبيل وعنده خلق طيب واذا صار بيناتكم خصام لو خلاف هم راح يبقى عنده هذا النبل والخلق الطيب بخصامه وياك

#الكاتب_مستر_عبودي❤️

اليوم قريت جملة ماراح انساها طول حياتي
‏لا يؤتمن من استطاع أن ينام و هو يعلم أنه تسبب لك في ضيق لا يؤتمن من مضي و نسي العشرة و لم يتردد للحظة لا يؤتمن حتى و إن عاد

#الكاتب_مستر_عبودي❤️

فيه نظرية تقول ان فيه حوالي 40 الف شخص يشبهونك بمعنى انهم يشبهون حياتك ويشبهون ظروفك (كأنهم أنت ولكنك لا تعرفهم ولا يعرفونك) ومن بين الـ 40 الف شخص الذين يعيشون حياة تشبهك فيه منهم أشخاص أصبحت ظروفهم وأوضاعهم افضل وتحققت أهدافهم لذلك طالما انهم استطاعوا تغيير حياتهم أنت تقدر

اكثر شي صاير احسبله حساب هو طاقتنه الي بي كل يوم محسوبة ومحدودة مو كل النقاشات راح تجيب نتيجة وتفيد ولا كل الناس تستاهل تنطيهم فرص ولا كلشي يستحق التفكير طاقتنه يادوب تكفينا فالواحد لو يفكر بهاي الطريقة راح يعرف يميز الشي الي يتحجم و يتصغر والشي الي فعلاً يستحق تسلط عليه الضوء بحياتك وتنطي من وقتك

#الكاتب_مستر_عبودي❤️

مرّت علي أيام تمنيت أنّ يقف بجانبي أي أحد حتى وإن كان من باب المجاملة وهي ذاتها الأيام التي علَّمتني كيف أقف شامخًا بمفردي

سبحان الله واحد تعيش وياه عمر ماتذكر منه كلشي و واحد يمر بحياتك صدفة يترك اثر بيك طول العمر والسبب هنا الموقف مو الوقت المواقف هيه الوحيدة الباقيه كلشي ميبقى غيرها

#الكاتب_مستر_عبودي❤️

اذا الغلطه تتعدى عديها واذا المشكلة متستاهل لتكبرها لو الي كدامك اعترف بغلطه واعتذر لتضل متزمت بزعلك هون يتهون عليك الحياة اخذ وعطا والروتين والضغوطات معايفين احد بحاله ف متسوه واحد يدوس على الثاني اكو جملة عظيمه تكول لتخلي الغلطه تمحي المحبة خلي المحبة تمحي الغلطه

#الكاتب_مستر_عبودي❤️

لتخلي شي يزعلك لان هذا كلّه على حساب صحتك وعمرك ووقتك وقلبك ولتخلي شي بالحياة يأثّر ع نفسيتك ومشاعرك صحيح اني وياك أكو كلام هواي يسم البدن واكو ناس هواي تسمّ البدن بتصرّفاتها بس إنت قائد نفسك وصانع قرارك وإنت بإيدك تكدر تكون سعيد أو تعيس وتكدر تكلب صفحة البؤس لسعادة بينك وبين نفسك تسأل ليش أني متوتر ومتضايق رح أجاوبك وبكل بساطة:
محد كلك تنطي الثقه لكل شخص يفوت ع حياتك ويأثر عليها

#الكاتب_مستر_عبودي❤️

اللي خلاك تعيش الصعب لوحدك.. ماله حق يعيش الحلو وياك.

ابد لاتسامحون الي اذوكم

رب العالمين يكول "العفو عند المقدرة" و اذا العفو فاق المقدرة و اذا هالناس اخذوا منكم احلى أيامكم و هدولكم حيلكم و غیروکم 180درجة لشخص روحة تعبانه و ملامحه باهته و ما کدرت ترجع مثل الاول هنا العفو "فاق المقدر لتسامحون الي خلاكم تفقدون ثقتكم بالناس بسببه لتسامحون اللي ظلمكم أحبطكم أذاكم وهربلكم حياتكم لأن محد كريم و يسامح غير رب العالمين

#الكاتب_مستر_عبودي❤️

هالسنة بالذات مااستعملت الغربال كلمن بين ع حقيقته ولاشديت على ايد احد كلهم جانوا راخيين ولاسندت نفسي على اي احد كلهم طلعوا حيطان مايله ولاجربت اكشف حقيقه احد كل الوجوه انكشفت ماراح الا النذل وماضل الا ابن الاصل

#الكاتب_مستر_عبودي❤️

المواقف السيئة تستاهل الشكر لإنها رتبت الناس بحياتنا خلتنا نعرف منو المهم ومنو الأهم، ومنو إلي بالأساس ما جان لازم يكون بحياتنا♥️

لتستعجل على حقك، الدنيا صغيره ترا وكلمن ظلمك بيها راح يجي عليه وقت يدفع ثمن قسوته وظلمه غالي جداً راح يجي وقت وتسمع بنفسك حقك رجعلك وبزياده من اللي گلك كلمه وكسرتك أو خذلك من اللي تلاعب بمشاعرك واستهان بيها من اللي گال عليك اللي مموجود بيك لتستعجل واصبر وحقك راح يرجعلك ( أن ربك لبالمرصاد ) زعلك لو هان على الجميع فعلى ربك ميهون

#الكاتب_مستر_عبودي❤️

وبنهايه هذا اليوم أحب اكلكم شي بسيط الحياه مره وحده راح تعيشها عيشها بسعاده وأيجابيه واليوم الي يعدي ويخلص ماراح يرجع بعد محد يسوى تقهر روحك علموده
ومحد يستاهل تخرب عيونك بالدموع علموده تعبت واكتئبت وتعذبت بحياتك بس أكو غيرك يتمنى يعيش بحياتك لو يوم واكو غيرك اسوء منك بهواي بس رغم كلشي صابرين رب العالمين ما ينساك أبد وراح يفرحك بعوض بالوقت الي يشوفه مناسب ألك وراح ينطيك فرحه تنسيك كل مراره الأيام بس أصبر شويه انت قوي وتكدر تتغلب على مشاكلك وأهم شي تضحك لأن ضحكتك حلوه هواي وربي

#الكاتب_مستر_عبودي❤️

ياخذ الانسان دروس من الحياة من الأشياء الي تعب عليهه ومنجح بي من الأشياء الي فشل بيها من الناس الي حبهم من كل گلبه وخذلو من الاصدقاء الي اعتبرهم كأحد افراد عائلته و كانو مصلحه او مجرد فتره بحياته دائماً تأتي الدروس من الأشياء الي تعلقت بيها والناس القريبه على گلبك

#الكاتب_مستر_عبودي❤️