اكثر شي صاير احسبله حساب هو طاقتنه الي بي كل يوم محسوبة ومحدودة مو كل النقاشات راح تجيب نتيجة وتفيد ولا كل الناس تستاهل تنطيهم فرص ولا كلشي يستحق التفكير طاقتنه يادوب تكفينا فالواحد لو يفكر بهاي الطريقة راح يعرف يميز الشي الي يتحجم و يتصغر والشي الي فعلاً يستحق تسلط عليه الضوء بحياتك وتنطي من وقتك

#الكاتب_مستر_عبودي❤️

مرّت علي أيام تمنيت أنّ يقف بجانبي أي أحد حتى وإن كان من باب المجاملة وهي ذاتها الأيام التي علَّمتني كيف أقف شامخًا بمفردي

سبحان الله واحد تعيش وياه عمر ماتذكر منه كلشي و واحد يمر بحياتك صدفة يترك اثر بيك طول العمر والسبب هنا الموقف مو الوقت المواقف هيه الوحيدة الباقيه كلشي ميبقى غيرها

#الكاتب_مستر_عبودي❤️

اذا الغلطه تتعدى عديها واذا المشكلة متستاهل لتكبرها لو الي كدامك اعترف بغلطه واعتذر لتضل متزمت بزعلك هون يتهون عليك الحياة اخذ وعطا والروتين والضغوطات معايفين احد بحاله ف متسوه واحد يدوس على الثاني اكو جملة عظيمه تكول لتخلي الغلطه تمحي المحبة خلي المحبة تمحي الغلطه

#الكاتب_مستر_عبودي❤️

لتخلي شي يزعلك لان هذا كلّه على حساب صحتك وعمرك ووقتك وقلبك ولتخلي شي بالحياة يأثّر ع نفسيتك ومشاعرك صحيح اني وياك أكو كلام هواي يسم البدن واكو ناس هواي تسمّ البدن بتصرّفاتها بس إنت قائد نفسك وصانع قرارك وإنت بإيدك تكدر تكون سعيد أو تعيس وتكدر تكلب صفحة البؤس لسعادة بينك وبين نفسك تسأل ليش أني متوتر ومتضايق رح أجاوبك وبكل بساطة:
محد كلك تنطي الثقه لكل شخص يفوت ع حياتك ويأثر عليها

#الكاتب_مستر_عبودي❤️

اللي خلاك تعيش الصعب لوحدك.. ماله حق يعيش الحلو وياك.

ابد لاتسامحون الي اذوكم

رب العالمين يكول "العفو عند المقدرة" و اذا العفو فاق المقدرة و اذا هالناس اخذوا منكم احلى أيامكم و هدولكم حيلكم و غیروکم 180درجة لشخص روحة تعبانه و ملامحه باهته و ما کدرت ترجع مثل الاول هنا العفو "فاق المقدر لتسامحون الي خلاكم تفقدون ثقتكم بالناس بسببه لتسامحون اللي ظلمكم أحبطكم أذاكم وهربلكم حياتكم لأن محد كريم و يسامح غير رب العالمين

#الكاتب_مستر_عبودي❤️

هالسنة بالذات مااستعملت الغربال كلمن بين ع حقيقته ولاشديت على ايد احد كلهم جانوا راخيين ولاسندت نفسي على اي احد كلهم طلعوا حيطان مايله ولاجربت اكشف حقيقه احد كل الوجوه انكشفت ماراح الا النذل وماضل الا ابن الاصل

#الكاتب_مستر_عبودي❤️

المواقف السيئة تستاهل الشكر لإنها رتبت الناس بحياتنا خلتنا نعرف منو المهم ومنو الأهم، ومنو إلي بالأساس ما جان لازم يكون بحياتنا♥️

لتستعجل على حقك، الدنيا صغيره ترا وكلمن ظلمك بيها راح يجي عليه وقت يدفع ثمن قسوته وظلمه غالي جداً راح يجي وقت وتسمع بنفسك حقك رجعلك وبزياده من اللي گلك كلمه وكسرتك أو خذلك من اللي تلاعب بمشاعرك واستهان بيها من اللي گال عليك اللي مموجود بيك لتستعجل واصبر وحقك راح يرجعلك ( أن ربك لبالمرصاد ) زعلك لو هان على الجميع فعلى ربك ميهون

#الكاتب_مستر_عبودي❤️

وبنهايه هذا اليوم أحب اكلكم شي بسيط الحياه مره وحده راح تعيشها عيشها بسعاده وأيجابيه واليوم الي يعدي ويخلص ماراح يرجع بعد محد يسوى تقهر روحك علموده
ومحد يستاهل تخرب عيونك بالدموع علموده تعبت واكتئبت وتعذبت بحياتك بس أكو غيرك يتمنى يعيش بحياتك لو يوم واكو غيرك اسوء منك بهواي بس رغم كلشي صابرين رب العالمين ما ينساك أبد وراح يفرحك بعوض بالوقت الي يشوفه مناسب ألك وراح ينطيك فرحه تنسيك كل مراره الأيام بس أصبر شويه انت قوي وتكدر تتغلب على مشاكلك وأهم شي تضحك لأن ضحكتك حلوه هواي وربي

#الكاتب_مستر_عبودي❤️

ياخذ الانسان دروس من الحياة من الأشياء الي تعب عليهه ومنجح بي من الأشياء الي فشل بيها من الناس الي حبهم من كل گلبه وخذلو من الاصدقاء الي اعتبرهم كأحد افراد عائلته و كانو مصلحه او مجرد فتره بحياته دائماً تأتي الدروس من الأشياء الي تعلقت بيها والناس القريبه على گلبك

#الكاتب_مستر_عبودي❤️

لتخلي حاجر ابينك وبين طموحك
واكبر حاجز لازم تعبرة هو قول الناس
(قليل خبرة) خليهة ابالك اي مجال في الحياة مراح يصير عندك خبرة بي اذا ما تجرب يوم توكع ويوم توكف

كل يوم تزيد قناعتي ان الأزمات الصعبة بيها استفادة كلش جبيرة وبعدها بداية حلوة ، مو كل انسان ينظلم او بنت تنفصل او شخص فشل بمشروع معناها الدنيا انتهت ، يمكن تنقفل بوجهك باب بس لو دخلتله تظلم بوجهك وتطلع مكسور الخاطر ، وهذا امتحان رباني علمود ينور بصيرتك وينطيك نتائج واضحة وصريحة ، وارد جدا تسوي كل اللي عليك في شغلة نفسك بيها وماكدرت توصلها لان مامكتوبة اصير الك او رب العالمين ماقاسم الك بيها وكاتب الك شغلة احسن منها بهواي لمجرد انك تكون راضي بقضاء الله

#الكاتب_مستر_عبودي❤️

كل ماتكبر بالعمر كلما راح تبطل تهتم تسمع اخبار ما تخصك تتجاهل اي شي اله علاقة بناس طلعوا من حياتك تعرف تميز الي الك والي عليك شوكت راح تحجي وشوكت راح تسكت شوكت تبرر موقفك وشوكت تطنش منو يستاهل فرصة و منو خلص رصيده
تبدي تعرف الفرق بين التسامح و اهدار الكرامة تعرف اكو ناس ممكن تصير زينه وياك بس مو مناسبة الك و لحياتك وراح تعرف انه اكو فرق شاسع بين الانانية و تقدير الذات السلام النفسي راح يخليك تشوف اشياء هواي مجنت شايفها قبل بحيث يوضحلك بصيرتك و يساعدك ترسم حياتك ب الي يعجبك والي انته تريده راح تعرف تحط كل واحد بالمكانة الي يستحقها وماتنطي للمقابل اكبر من حجمه السلام النفسي من توصله راح يخليك تتجاهل هواي اشياء تاثر عليك وعلى نفسيتك ⁣

#الكاتب_مستر_عبودي❤️

مراح ادخل بالسنه الجديدة بعقليه "المتقبل" الي جنت بيها بهاي السنة لا راح ادخل بعقلية "الرفض"رفض تام لأي علاقه سامة لأي شخص اذاني رفض للاوقات الي يضيع بيها جهدي وطاقتي بدون فايدة ياريت يرجع بيه الزمن مثل هيج يوم قبل سنه چان غيرت هوايه اشياء بحياتي وصححتها وموصلت لهل مرحلة وبنفس الوكت تعلمت هوايه واخذت خبرة وتغيرت هالسنه مرت بصعوبه شفت بيها اشياء حلوه واشياء مره بس اكيد مراح اتمنى تنعاد لان بهاي السنه عرفت معنى شعور الندم لاول مره واكتشفت اشياء وناس وصرت اتمنى لو اني چنت اگدر اشوف المستقبل جان غيرت من حياتي هواي امور وناس

#الكاتب_مستر_عبودي❤️

انت لازم تنجح
خليها ابالك وبعقلك واشتغل على كلمة لازم انجح عوف اراء الاخرين واترك صديقك الي يقلل من امكانيتك وعوف كلشي يخليك انسان سلبي وكسول وابتعد عن كل شخص يحاول ان يقلل من قيمة طموحك وخليهة بتحدي وية نفسك لازم توصل وماكو شي مستحيل اكثر الناجحين في يوم من الايام جان عدهم حلم واقرب الناس الهم جانوا شامتين النجاح ما يعرف الكسل والحلم يبقى حلم اذا ما افز واتحرك علمودة
خليكً انسان متروس طاقة ايجابية وفكر بيها زين الي يصاحب سعيد راح يسعد والي يصاحب الفاشل يفشل انت صاحب القرار ولتكول هذا واسطة عندة ولتكول هذا عندة ظهر. لان هاي اولى خطوات الفشل ولتنسى دائما انت عندك ربك القادر والباقي وغير ربك فاني وما باقي

#الكاتب_مستر_عبودي❤️

اذا انت هسه ب محنه او حيره وتريد ربنا يحلها تدري شتسوي ساعد شخص واكع بمشكله حتى لو راح تساعده بالكلام وتهون عليه اذا انت بشغلك وعرفت تسوي لأحد خدمة سويها شفت شخص متضايق اسأله شنو الي مزعله وحاول تسعى بحل مشكلته ولو محاوله بس بداخلك راح تكول شدخل هاي ب هاي مو صح اكو حديث للرسول عليه الصلاة والسلام يكول إِن اللَّه فى عون العبد مادام العبد في عون أخيه يعنى مجرد ما تساعد احد بلي تكدر عليه تعرف منو راح يكون بعونك ومساعدتك ( الله ) انت ساعدت وحليت مشكلة احد رب العالمين هو الي حيتولى مشكلتك انتو متخيلين جمال هالشي اكو حديث ثاني كُلش يعجبني يحشر قوم من أمتي يوم القيامة على منابر من نور يمرون على الصراط كالبرق الخاطف نورهم تشخص منه الأبصار لا هم بالأنبياء ولا هم بصديقين ولا شهداء إنهم قوم (تقضى على أيديهم حوائج الناس ) الله يجعلكم تنطون ودائماً قادرين على العطاء
ويحرمكم من لحظة احتياج للناس

#الكاتب_مستر_عبودي❤️