تعرف من واحد مسوي نفسه يحبك بس انت بداخلك تحس اكو شغله غلط متعرف شنو تعرف من واحد مسوي نفسه مثالي كلش كدام الناس بس انت ممرتاحله وحاس بي اكو شغله مختلفه انت بس الي شايفها من تحس ان الي يحجي وياك بطيبه هو منافق واكو وراه شغله بس انت مضطر تماشي من باب المجامله لا اكثر ولا اقل
تعرفون هذا شنو اسمه مو سوء ظن ولا ظلم هاي البصيره الي رب العالمين اختص بيها القليل من عباده خاصة اذا طبعك مو انسان شكاك وتنطي الثقه والامان بسهوله وتقدمها بحسن النيه بس اكو اوقات تشوف علامات لدرجة تجذب نفسك لالا هذا زين لا لا هاي الناس تكول محترم وكلش طيب وخدوم الخ .. وبالنهايه يطلع احساسك بمحله للمره المليون ف اتمسك ببصيرتك وامشي دائما وره احساسك لأن القلب يحس ب الي العين مشايفته والي العقل ميكدر يدركه

#الكاتب_مستر_عبودي❤️

دائماً النذالة والحقاره متجي غير بس من الناس الي انت چنت زين وياهم

اكو تصرفات تخلي الشخص المقابل يقل من نظرك مراح تزعل منه لان هو والماكو صار بنظرك وهاي الحالة أخطر من الزعل لأن الزعل قابل للتغيير ويه الوقت بس الحالة الثانيه معناها نقطة نهاية لناس بحياتنا التصرفات هاي تخلي يطلع برة مجال رؤيتك لدرجة ممكن يفوت من كدامك و انته متشوفه
تصرفات تخلي يموت بعينك وقلبك و هو بعده عايش اكو شخص بتصرفاته و أسلوبه يخليك تندم إنك عرفته أصلا الي مثل هيج ناس مستحيل ينزعل او تضوج عليهم الواحد بس يضوج على نفسه لان جان منطيهم حجم أكبر من الي يستحقوه بهواي

#الكاتب_مستر_عبودي❤️

"لا تحاول تغييرَ أحد، أبحث عن الرُّوح التي تشبهكَ منذُ البداية."❤️

هذا شهر 5 لو 2023 كلها؟

حقيقة وبعد الخبره اكو اوقات بحياتك لازم يشوفوك بوجهك الثاني يعني اكو مواقف معينه لازم شويه تكشف عن انيابك لان حقيقة اكو ناس لان انت مبينلهم الشخصية الطيبه وانك الشخص المتسامح والسهل يشوفوك ضعيف وياريت بس هيج لا يحاولون يستغلون هالشي ويأذوك وينتظرون منك انت لازم تكون الشخص الحليم الطيب اللطيف المسامح الي تمشي كلشي حتى لو ينداس عليك محلوه كلش الواحد يضل طول عمره يستقبل كلشي لازم يجي الوكت الي تنطي بي كلمن طينته بخدة

#الكاتب_مستر_عبودي❤️

اني مرتاح لاني نظيف من داخلي لأني لحد هسه اتمنى الخير لغيري من قلبي ومن غير ما انتظر مقابل لأني مو حقود لاني مااشيل بداخلي زعل على اي شخص بحياتي ما أذيت احد أو تقصدت الضرر لاحد لأني مااسوي ويه الناس الي ماارضاه على نفسي مرتاح من أقل شي عندي والحمد لله على كل شي مرتاح مو معناها فرحان معناها راضي ب الي صار و الي كاعد يصير والي راح يصير الحمد لله دائماً وابدا

#الكاتب_مستر_عبودي❤️

الحنية والطبطبة فطرة الإنسان الطيب الي يعرف يكول " لتزعل وخلي بالك على نفسك الي يمسح على جتفك و راسك ومن يشوفك مو على بعضك يجي يمك و يواسيك الي دائمًا يكلك خير شبيك احجيلي شصاير وياك هيج ناس نعمة من رب العالمين مو أي واحد عنده القدرة هاي اكو ناس عدهم جمود تجاه المقابل حتى لو جانوا متأثرين بداخلهم ميعرفون يهونون ولايعوفون يسمعون ميعرفون يخترقون الجبل والهم الي عندك ويخلوك تحجي وتفرغ الهم الي انت شايله العواطف صعب تكتسب الرحمة والمودة محد يكدر يمثلها هالشي فطره بالبشر تكبر وياه مثل صوته وشكله دوروا على الناس الحنينة من جوه ناس تشبهكم ناس تخفف عليكم

#الكاتب_مستر_عبودي❤️

يمكن ما اخذت ماجستير مثل صديقي فلان وما امتلكت قصر مثل صديقي علان وبالتأكيد ماعندي عيادة مثل فلان ماصارت عندي سيارة حديثة وما اتسجلت ممتلكات بأسمي وماحصلت راتب بآلاف الدولارات وبعد خل احجيلك هيج احنه دائماً ننظر للفقدناه واتمنيناه ومانباوع على مانمتلك ننسى النعم ونظل نفكر شعند فلان وعلان هواي مرات انسى ماصار بيه مرض جبرني اكعد بالبيت فترة طويلة ما انهزت ثقتي وانهدت كرامتي وابيع مبدأي لأجل متعة وقتية او مظهر خارجي انسى مرات فضل الله عليه ماوكعت بكبائر المعاصي انسى مرات عشت ايام حلوة بستر وماخلاني احتاج الواحد انسى مرات اعرف اقرأ واكتب وعندي معلومة تفيد اذا واحد يجهلها او يحتاجها انسى نعم هوايه اذا ردت اذكرها ماراح ينتهي هذا البوست شكد اناني الانسان ينسى مئات النعم ويحط باله ويشكي من نعمه وحده انحرم منها وميدري اصلاً اذا حصلها يمكن تصير نقمه مو نعمه
فالحمد لله اولاً واخراً

#الكاتب_مستر_عبودي❤️

دائماً اساعد الي يكرهني واساعد الي يحبني كلهم عندي نفس الشي بس ولامرة ساعدت انسان وردها اليه نفس الشي لازم اشوف شي يصدمني ولامره حبيت شخص وقدملي شي استحقه رغم اني منطي حجم وقيمه اكبر من عنده بس سوء الاختيار والناس الغلط دائماً موجودين بحياتي تعلمت اعيش وحدي وانجح وحدي واكون حياتي بوحدي وعلى امل برب العالمين يعوضني بالاحسن بيوم من الايام
(وعلى نياتكم ترزقون)

#الكاتب_مستر_عبودي❤️

مرات يصيرلك موقف ويا شخص يخليك تزعل وتشيل بخاطرك، على الرغم لو صار وياك نفس الموقف بس من شخص عادي بحياتك ما راح تتفاجئ نهائياً الموضوع يعتمد على الشخص نفسه وعلى مكانته بگلبك

أسلوبك الذوق الي مايجرح وقلبك الأبيض الي ميعرف يأذي هذا رزق وجود شخص وياك وساندك هذا رزق تفكر بالحجايه قبل كل حرف يطلع منك، ومراعاتك لتأثيره على الناس هذا رزق من ظروفك تكون صعبه ورغم كل هذا ماتقصر ويه الي يلجألك هذا رزق من بالك يكون مرتاح هذا رزق غطا الستر الي مضلل عليك بشغلات وانت تعرف بينك وبين نفسك هي مصايب هذا رزق مو كل الرزق فلوس إحنه ربنا رازقنا بشوية أرزاق مثل الذهب مغطيتنا من فوك ليجوه وتستحق الشكر عليها ويه كل نفس

#الكاتب_مستر_عبودي❤️

مرات مو كل شغله بيها خير . شغلات هواي تصير صعبة. وشغلات تصير غريبة. وشغلات محتاجة صبر. وشغلات محتاجة تبتعد عنها شوية وتفكر بيها براحة علمود تحدد موقفك منها. شغلات راح تضحك عليها وعلى خيبتك وياها. وشغلات راح تخليك تبجي لما تطلع منها . وشغلات محد راح يصدكك من تحجي عنها . وشغلات كلش راح تغلى وتكول ياريتني اشتريتها أيام الرخص. وشغلات ينصحك بيها غيرك ومراح تسويها حتى لازم تجربها بنفسك. وشغلات كلش ثكيله متعرف تشيلها لوحدك. وشغلات تكتشفها بنفسك ومراح تصدك هي بيك. وشغلات تجي بطريقك حتى تغيرك وتنجيك. وشغلات راح تغير طريقك وتلكاها كدامك. وشغلات قديمة راح تطلع أحسن من الجديدة. وشغلات عمرك ماراح تاخذها . وشغلات راح تجيك لحد عندك. وشغلات راح تصير رزقك حتى لو انت متستاهل. وشغلات تصير زينه الك وانت بعيد عليها وشغلات مو زينه الك وانت تتقرب الها وكل هالشغلات رب العالمين يحلها الك

#الكاتب_مستر_عبودي❤️

"قُلّ لن يصيبنا إلا ما كتب الله لنا "
هاي الآية من أقوى وأعظم الأشياء الي قريتها بحياتي، دائماً تقويني وتطمّني من أتذكرها بكل مصيبة تصير وياي أو موقف أو أي شي يعكر مزاجي ياريت لو كل الناس عدكم يقين ويتأكدوا إنه كلشي رب العالمين كاتبه إلهم راح ياخذوه حتى لو بآخر الدنيا، ومحد راح ياخذ شي مو اله وممكتوبله رزقك، عمرك، نجاحك، فشلك، زواجك، فرحك، زعلك، كلشي مكتوب، وما راح تاخذ شي مو الك، وأتطمن وتاكد إنه رب العالمين دائمًا وياك وكلشي يصيرلك هو خير الك حتى لو إنت شايفه ضدك

#الكاتب_مستر_عبودي❤️

شكرا شكرا شكرا على كمية الرسائل الحلوة 😍🎉