‏مِن چنت صغَير چان عَبالي كُل الي يضحك بوجهَك معناها يحبك وكُل الي يحلف معناها صادق وكُل الي يوعد وَعد ميخلف بي بَس هذا الشي تغير مِن بديت أكبر واشوف العالم الحقيقي على بشاعته شگد چانت نظرتي للبشرية بريئة وشگد طلعت خطأ

#الكاتب_مستر_عبودي❤️

من تنطي فائض احتمال . فائض تفكير . فائض حب . فائض اهتمام . فائض ثقة . فائض شغل . فائض جهد ، راح يتدخل التوازن الكوني حتى ينطيك درس على هيئه صدمة والم يعيد الك توازنك . وتبتعد عن التعلق وعلى كل فائض ممكن تنطي لشي عبالك يستحق . صير متوازن بكلشي . كلشي سوي بس بتوازن مو بتعلق ولتنطي الشي اكبر من حجمه التحجيم والتوازنات تساعدك بهواي شغلات ومن ضمن هالشغلات راحة بالك

#الكاتب_مستر_عبودي

عزيزي اللي راح تضحي باجر.. ان شاء الله واصل ثوابك لكن خليك منصف مو تشوف جيرانك واحد طاك وعنده امكانية خير من الله وادزلة شي زين ومرتب وجيرانك الثاني شخص فقير ادزله شي حتى الحيوان اجلكم الله ماياكله هالله هالله بالناس الفقرة لان اللي عنده امكانية هذا اكيد شابع لحم واللي الفقير تلكا حسرة عليه اللحم لذلك حبينه انوه على هذا الشي

#الكاتب_مستر_عبودي❤️

جبرك جاي جاي مهما طول الوقت ومهما كان تعبك اذكر (لايكلف الله نفسا الا وسعها ) مستحيل رب العالمين يتخلى عنك ويتركك وحدك كل شغلة بداخلك تحطمت راح تهون وتعدي خليها على الله وراح اتفرج اطمئن 🤍

#الكاتب_مستر_عبودي❤️

احب اعايد الناس الوكفت ويانه وماخذلونه احب اعايد شكو واحد بقى يحبنه وماغيرته سوالف الناس احب اعايد الناس التحب الخير لاي شخص حتى لو متعرفه احب اعايد الموجودين ويانه بفرحنه وحزنه الناس الي ماملوا منه بوكت برودنه وعصبيتنه الناس الي ويانه عالحلوة وعالمرة الناس الي تجبر بخاطرنه كل لحظه ويوم وسنه الناس الي تحب جمال الروح ومايغرها الشكل الناس الي تذكرتها بأبسط الاشياء كل عام وأنتوا بخير

#الكاتب_مستر_عبودي❤️

احب الناس الي تحجي بلطافه الله هاي شنو ضعفان ما شاء الله صاير شباب هاي شنو القميص التحفه الروعه هاي منين مشتري هذا العطر الروعه بردت قلبي من رديت على فلان و كلتله كذا و كذا و كذا و مو بس يكتبلك شي روتيني بالفيس لا يكتبلك تعليق يخليك تفرح بي الناس هذوله لا تبتعد عنهم مو معناها حب المجامله ابداً من الله هيجي ناس مرتبين لطيفين نظيفين شبعانين و مليانين من الداخل خليك دائما ويه هيجي ناس وحاول تكون دائما قريب من هيج ناس

#الكاتب_مستر_عبودي❤️

(وقضينا اليه ذلك الامر)
يارب لاتنتهي هذه الايام المباركة الا واحنه عايشين شعور هذه الاية

تحية حب وتقدير كبيرة جداً لكل الشباب اللذين يعملون في ايام الاعياد هذهِ عمال المطاعم والاماكن الترفيهية اللذين يعملون بجهد بالغ ويقدمون لنا بلطف الخدمات ويشاهدونا نأكل ونلهو ونرفهه عن أنفسنا لكم أجر ابتسامتنا وفرحنا في هذه الاعياد شكراً لكم من القلب ♥️🙏🏻

عندي مبدأ بحياتي من اريد اشتري او اختار اخذ الشي الأحبه مو الشي الأحلى هذا الأختيار استخدمه بكل تفاصيل الحياة اكل شرب ملابس بشر رايح اشتري قميص اختار المرتاح بلبسه مو الأحلى منه ومتضايق بي وغالباً هذا المبدأ مايعجب هواي عالم مثلاً المقابيل وياك يمعود اخذ هذا احلى ومن هالأمور بقناعة الأنسان اختيار الأحلى هو سعي وهمي لأن كل ماتشوف شي حلو تلكه شي احلى منه وبالنتيجة ماراح تقتنع بشي
بس اذا تشوف شي ترتاحله راح تحبه وتشوفه مناسب الك وتشوف نفسك فرحان بي

#الكاتب_مستر_عبودي❤️

مجرد انت انسان محترم ونظيف ومتربي هذا بحد ذاته شي مستفز لأي شخص يعاني من الأنحطاط الهالسبب لاتستغرب من هجوم هالنماذج عليك بدون وجود سبب مقنع لأن بواقع الأمر انت تخليه يشوف بيك مثال حي للنقص اليعاني منه وهذا الشي يتعبه ويخلي كائن عدائي تجاهك كلما يشوفك

#الكاتب_مستر_عبودي❤️

كل أنسان محتاج عالأقل صدمة نفسية وحده تهز كيانه حتى يتعلم وراها شلون يحب نفسه ويركز بأختياراته للناس بدون مايتنازل عن معاييره ولايلعب دور الضحية حتى يتعلم فن الأنسحاب من اي شي مايناسب حياته وافكاره وراحته النفسية

#الكاتب_مستر_عبودي❤️

اكو نسخة سيئة بيك تتعامل بيها ويه شخص محدد ونسخة حلوه لكيت نفسك تتعامل بيها ويه شخص ثاني بالحالتين انت نفس الشخص لاعندك ازدواج بالشخصية ولااضطراب بالمشاعر بس بالحالة الاولى انت تعاملت ويه شخص صعب اناني ومايقدرك ضغط عليك قلل منك لحد مانسختك السيئة طغت عليك وصارت انعكاس لسلوكه وياك وبالحالة الثانية اتعاملت ويه شخص طيب يقدر اخطاءك وماضيك عاملك بتقدير ورفع مكانتك لحد مانسختك الحلوة اتحكمت بيك وصارت انعكاس لمعاملته الك الموضوع ببساطة عمر انعكاس صورتك ماتصير واضحة ونظيفة الا اذا المرايه الكدامك نظيفة وتلمع

#الكاتب_مستر_عبودي❤️

بين فترة وفترة الواحد محتاج ينعزل شوية مع مراعاة ان مو كل عزلة معناها جفاء او رفض او الواحد استغنى اكو عزلة ترتيب اوراق ولملمة ذات عزلة تعب ومجهود سابق عزلة تاخذ نفس حتى الواحد يرجع اقوى بمعركته ويه الحياة عزلة اعادة تقييم الاخطاء الفاتت وتصحيحها حتى ماتتكرر
ومو كل عزلة معناها غربة مرات من تنعزل تنولد من جديد وتشوف العالم من غير منظار

#الكاتب_مستر_عبودي❤️

الگلب يحس بكل واحد يحبه ويتمناله الخير وبكل واحد يكرهه ومايتمناله الخير بدون ماينطق اي كلمة الگلوب تسولف كل شي

#الكاتب_مستر_عبودي❤️