‏يعني همة لو شافو نملة على الحايط يخلون اصبعهم حتى تغير طريقها ‏تريدهم يعوفوك بحالك؟

من لم ترى منهُ سوءًا لا تصدق كلام الناس عنه

أقصر معركة في التاريخ وأطول ملحمة في البقاء ..

#كربلاء مازلتِ كرباً و بلاء ..

#ويبقى_الحسين

من اغرب الاحاسيس الي شفتها بليلة العاشر ، انو انته متحس بالزمن تروح منك فكره ان المعركه صارت قبل الف سنه وان كلشي انتهى وان الامام الحسين عليه السلام استشهد . اكو اشياء تهزك و اكو شي بداخلنه غامض ياكدلنه ان المعركة بعدها مصايره ،وان الامام الحسين راح يقاتل باجر ..وياخذ قلوبنا وهو يتقدم نحو الجيش، وهو يتألم لفقد الاصحاب، وهو يعطش، وهو غريب بين جيش جرار راح نكون وياك باجر . وراح نحارب وياك ومراح نصدك انك مبضع بالسيوف. وراح يبقى يرافقنا هذا الاحساس حتى السنه الجاية، والسنوات الجاية وكل العمر الذي يفنى من اجلك

#الكاتب_مستر_عبودي❤️

رب العالمين طول الوكت يعوض
متعرف شراح يعوضك ومتعرف راح يعوضك شلون اَي شغله وأي مصيبه وأي ظرف يصير بحياتنه بنتيجة تحاليل تسمعها من دكتور او كبر عمرج وتكولين فاتني القطار والله يعوضج ببيت ايجار والله يفتحه بوجهك ويصير بيتك ملك لاتضوج وتكول انسدت كل الطرق بوجهي وماعدي حظ رب العالمين شكاتبنة بهاي الحياة يصير صدكني كون علی يقين بأن الله سيرزقك من حيث لاتحتسب بغمضة وبرمشة عين ربي العالمين يفتح كل الابواب بوجهك عوض رب العالمين اذا اجه ينسيك كل مافقدت
يؤتيكم خيرًا مما أخذ منكم

#الكاتب_مستر_عبودي❤️

كلما خطيت خطوة نحو النجاح زادت الفاشل حقدا

راح تمر الايام رغم مرارتها . وراح يجي العوض من الله بطريقة كلش حلوة 🤍

‏• شغلتين مينسن مهما مر عليهن وقت:
‏- سند بلحظات الشدة
‏- وتخلي بلحظات الضعف

انا من رسمتُ طريقي 🏃‍♂️ ليس لأحد فضلٌ في رسمهِ 🚶‍♂️

‏الإنسان الي يخليك تحب نفسك زيادة و انت معاه تمسك فيه, لان اللي يحبك يرممك مايهدمك.

طاقتي خلصت بالبداية من سمعت هالمصطلح هذا حقيقة مفتهمته او يمكن مجان واصلني إحساس واحد يكلي اني طاقتي خلصت لحدما اني جربته فعلا طاقتي خلصت اني احجي أو اسمع او اشرح أو ابرر موقف لاحد طاقتي خلصت اني اعاتب او احجي للمقابل لتسوي الشغله هاي لأن تضوجني وتغثني طاقتي خلصت اني ازعل من اي واحد وكمت أكبر عقلي طاقتي خلصت اني اتناقش ويه واحد دائماً مقتنع هو ميغلط ودائماً هو على صح مباشرتاً اكله انت صح واني الغلطان طاقتي خلصت انى اكول لاحد كلامك غلط مو بحقي هالشي وصرت اكله صحيح كمل لكل الناس اللي تكلي انت تغيرت لا اني ماتغيرت اني مثل ما اني بس كل الي صار

طاقتي_خلصت .

كلش مؤمن بمقولة:

الي تنطي اليوم تاخذه باجر
علمود هالشي دائما تشوفني انطي من كل قلبي الحنية عندي مستحيل تخلص ومستحيل اضوج او ازعل على أي مبادرة حلوه قدّمتها بحياتي مو مُهم اذا مجهودي ماتقدر اني واثق إنه راح يجي يوم وأكون محتاج بي كلمة مواساة وحدة والله راح يعوضني بجبال من الفَرح

انت متعرف شنو الاشياء الي متفيدك الي الله بعدها عنك من تاخيرك على موعد لو من تأخير زواجك لو من خسارتك لوظيفة لو من رسوبك سنة وتاخيرك عن البقيه لو من نومة ساعة زيادة لو من جرح بعمر صغير
من ضجت ع خسارة شخص جنت تعتبره كل الدنيا من شي ردته الك ومصار و اضطريت تقتنع انو هالشي مو الك بدون ارادتك لتتشائم من اي شي يصير وياك وتحكم عليه وتكول حظي مو زين لانو بعد فترة قريبة او بعيدة راح توضح شغلات هواي كدام عيونك مجنت شايفها وراح تصير امور تحمد ربك انو صارت ومجانت صارت لولا هالمعوقات الي صارت بحياتك خليك دائماً متاكد انو خير الله ورحمته محاوطتك بكل موقف بكل مكان وبكل شي يجي ببالك

#الحمدالله

#الكاتب_مستر_عبودي

أتأخر بالزواج مثل ماتريد والغي الف خطوبة اذا الشخص مايناسبك عوف الشغل اليستهلك قيمتك وآدميتك الأرزاق على الله لاتسلم على واحد مايستاهل السلام اترك الشخص اذا مو من مستواك والمكان اذا مابي راحتك لاتختار اختيار غلط لأن الناس رادت وضغطت عليك وكت ماتكتئب وتندم راح تبقى وحدك ومحد يجي يكلك اني اسف خليتك بالأتجاه الغلط وجنت سبب وكعتك بهذا الموضوع

#الكاتب_مستر_عبودي

اني احب انطي للمقابل هواي فرص حتى من اقفل اقفلها قفله بضمير مرتاح دائمًا انطي فرص فرص كلش هواي يعني مو من النوع الي ويه ثاني أو ثالث غلطة انسحب لأ أني انطي فرص من كثرها ماعرف عددها أعاتب بالأول مرة واثنين وثلاثه وراها اطنش واتغافل واكعد اتفرج على الي كدامي وهو يخسرني خطوة بخطوة علمود هالشي من اترك احد مستحيل ارجع ولا راح اباوع ورايه مو قسوة بس حرفياً بيني وبين نفسي نضرتي للمقابل تغيرت كل المحاولات بعد متفيد وحتى إذا كملنا راح نضل مجرد نضيع وقت وطاقة عـ الفاضي أني عمري ما جنت ابدي بالبعد اني دائمًا عندي ردة الفعل قوية..
وهالشي كلش مريحني

#الكاتب_مستر_عبودي

أكو أبواب بحياتك مانفتحت لانها مو الك واكو اشخاص اختفوا من حياتك لان انطوك درس ودورهم خلص واكو امنيات ماتحققت لأنو وكتها ماأجه واكو قصص مكملت للاخير لان راح يجي بمكانها قصص جديده اصدق بهواي بالمحصلة الله راح يعوضك عن كلشي وبحياتك ماراح تكون خسران

أني من اشد الناس اقتناعاً ان رب العالمين يعوض الانسان لدرجة ان ممكن ينسى هو خسر شنو بالاول او ينسى الضيق والتعب الي مر بيه , يعوضنه لدرجة انك ممكن تفكر وتكول ياريتني مضجت ولالحظه وحده قبل وهو يعرف انت بشنو كاعد تمر يعرفك وشايفك انك مراح تعرف تكمل بس صدكني وعن تجربه كلما جان احساسك بالضيق اكبر كلما جان العوض اكبر واحلى بس احنه نصبر . رب العالمين يخلي الأسباب مثل منكول, كل شغله ب الدنيا هاي الها سبب رب العالمين بس الي يعرفه وانت تركز بي بعدين بس من يجي الوكت وتخلي بالك يمه عينك راح تدمع من جمال وحكمة رب العالمين بكل الاشياء اللهم يا فارج الهم يا كاشف الغم فرّج همومنا ويسّر امورنا وارحم ضعفنا وقلة حيلتنا وارزقنا من حيث لا نحتسب

#الكاتب_مستر_عبودي