أسلوبي و وجهي ونظراتي يتحولن 180 درجة من اكون زعلان من الي كدامي وحقيقة اني ماعرف أتصنع ولا أمثل ولا أجامل والي يقلبي يبين على وجهي يعني ماعرف اضل زعلان منك وأعاملك اعتيادي لازم يبين عليه اني مطايقك ولا يصير انته قريب عليه وغالي وأعاملك عادي لازم اكو افعال تبينلك انته كلش مهم عندي
اني شخص مشاعره دائماً مرسومه على وجهه

#الكاتب_مستر_عبودي ❤️

عندة كديلاك ويتمنى يصير عندة بنتلي
عندة جيب ويتمنى يصير عندة تاهو
عندة سني ويتمنى يصير عندة اوبتما
هذه حالة طبيعية في الحياة الكل يطمح الى الافضل ويتمنى ولكن بدال ما يكون ما عاجبك حالك خلي يصير عندك طموح وتجتهد راح توصل وتكون فخور اكثر بنفسك الموضوع محتاج ارادة ومثابرة
غير من نفسك نحو الافضل الاحلام ما تتحقق بالتمني وانما بالتعب والمثابرة


#الكاتب_مستر_عبودي ❤️

الأزمات بمختلف أنواعها راح تعدي المشاكل تخلص و تنحل والاحتياج يصير فترة وينتهي و الحزن ياخذ وكته و يروح ماكو شغله تظل مثل ماهيه غير بس ردود فعل الي داير مدايرك منو الي من احتاجيته وكف وياك و منو من زعلت اِهتمّ بزعلك و حاول هواي إنه يفرحك بكل الطُرق الممكنه. و الغير مُمكنه و منو من وكعت بمشكلة دور وياك على حلّها لحد ما لكيت الحل كل الابتلاءات مهما جانت صعبة راح تعدي و أغلبها حتى تعرف منو الي يحبك ومنو مسوي نفسه يحبك رب العالمين يبتليك محبه بيك حتى ينوّر بصيرتك و تشوف الي داير مدايرك صح شكد ما اكو ناس صح بحياتك شكد ماانت راح ترتاح نفسياً

#الكاتب_مستر_عبودي ❤️

الانسانة الي رفضتك مراح تندم وتتمنى ترجعلها عادي راح تتزوج وتعيش مرتاحة
شغلك الي عفته ماراح يعزلون من وراك راح يكملون عادي والله يرزقهم أكثر الشخص الي جرحك لتنتظر يتعاقب يمكن احواله تصير احسن منك الدنيا بأرضها بأشجارها وطيورها ماراح توكف على حزنك حتى لو تشوف نفسك تستحق الاحسن
ولا راح يتأثر الكون اذا اختفيت حتى لو انت شخص زين عادي حياتك تبقى طايح حظها لا تستغرب عيش حياتك بواقعها مو تسيرك اغنية لو مقولة وتصدكها وتبقى عايش بأوهام

#الكاتب_مستر_عبودي ❤️

تعرف شنو أحلى شي بتقدمك بالعمر
إنك كل متكبر سنة تخليك تستصغر هواي امور جانت تستهلك من طاقتك ومشاعرك بيوم من الأيام والدرس الأهم جان خلال كل سنه إذا ما نجحت بالدرس على الأقل تتعلّم

#الكاتب_مستر_عبودي ❤️

لمن احد يتغير لـ افضل ماله داعي كل شوي هااا تذكر من جنت هيج هااا تذكررر شجنت تسوي شسالفه اي انسان آي انسان يغلط ويغلط وبعدهاا ينضج ويتغيررر كل انسان بينه يمر بمرحلة الفوضى مايعرف شيسوي ما يعرف هذا غلط لو صح فـ لمن بعدها يتغيررر مالها داعي اتصيرون براسه نبي كلنا نغلط ونتعلم من غلطنا وكلنا عدنااا مرحلة بحياتنا مليانه عيوب فـ كافي لمن تشوفون احد تغير لـ احسن شجعوو بدل ما كل شوي تذكر ها وها ترى يعرف هووو شنو جان يسوي وكلش كافي انو الواحد يوعى عُ الغلط الي يسوي اذا الله بنفسه غفور رحيم منو انتو حتى تظلون تعيرون الواحد بـ اغلاطه وانتو مليانين اغلاط فـ بطلو تخاذون دور الرب

#الكاتب_مستر_عبودي ❤️

لا تخشَ البدء من جديد، فهي فرصة لبناء شيء أفضل هذه المرة.

‏وفي يوم الجمعة

‏اللهُم لا ضياع، ولا إختيارات خاطئة، ولا طرق مؤدية للهلاك، اللهُم دُلني وخذ بيدي، يارب أرح قلبي، براحه تُغنيني عن كل شي، وأبعد عني خيبات الحياة، وتعبها، سُبحانك إنك على كُل شيءٍ قدير ♥️

لا بالنصايح ولا بالتجارب الصدمة النفسية وحدها من تعيشها راح تكبر عقلك حوالي 20 سنة على الأقل من بعدها راح تتعلم شلون توزن الأمور وتركز باختياراتك راح تشوف منو يستحق يدخُل حياتك وتقربه عليك ومنو كلش كافي ترد عليه السلام من بعيد لبعيد راح تعرف شوكت تحجي وشوكت تسكت وشوكت تنسحب وإنت تبدي تقتنع ان الإنسحاب صار مكسب عظيم مو ضعف مثل مايكولون وعلى كد ما الصدمات النفسية تهز كيان الواحد على كد ما هي هاي الشغلة الوحيدة الي تصحيك وتخليك تشوف وتفهم الدنيا صح

#الكاتب_مستر_عبودي ❤️

اكو انسان ينولد بالفطره "معطاء"
هو مترتب ومظبوط على الوضع هذا
دائما موجود ودائما سند ودائما مهتم بمعارفه واصدقائه اكثر من نفسه
يسمع لغيره ويساعد الي داير مدايرة بحل مشاكلهم ويقدملهم الدعم النفسي والمعنوي شغلته هاي هو يضل فرحان هيج رسالته بالحياه هاي ميعرف يبطل هالشي نهائياً ميعرف يعيش لنفسه وطول الوكت يحاول يكون دايم العطاء
إذا صادفكم هيج شخص شكد متكدرون حاولوا تقدروه وتسمعوله وخلوكم وياه لان تجي ساعات يستسلم ويمل ويكون محتاج لاحد يمه بس ميعرف يطلب ولا يعرف يشكي لانه معتبر نفسه سند لهذا السبب ميحب يصير حِمل على احد

#الكاتب_مستر_عبودي ❤️

عندي اصدقاء مصالح و اني ادري بهذا الشي كلش زين وعايفهم براحتهم و بمزاجي و عندي اصدقاء كلهم شهامة و اعرف كلش زين من اوكع راح الاكيهم سند عندي اصدقاء اشوف مسجاتهم و مكالماتهم و ماارد عليهم بسرعة و يعذروني ويقدرون ظروفي وعندي يدعولي بغيابي واكو اصدقاء عرفتهم فترة و علموني شنو معنى النذالة واكو اصدقاء من يعرفون شي مفرح اليه يفرحون اكثر مني اكو ناس تعرفهم سنين و تروح الصداقه و تختفي واكو تعرفه ب يوم و ليلة يخليك تعرف معنى الصداقة النضيفة اكو بيهم مستعد يحط روحه بمشاكل علمودك واكو يحطك بمشاكل علمود مصلحته اكو يغارون منك من كلشي ويحاولون يشوهوك كدام الناس علمود يصيرون همه الأفضل واكو بس ينحجي عليك نص كلمة بغيابك الدنيا يحركوها وياكلون الي يحجي عليك كلمة مو زينه بحقك الصداقه متتأثر بالوقت تعوفه سنه وترجع تلگي نفس مشاعره تجاهك

#الكاتب_مستر_عبودي ❤️

اني يمكن انتضر واصبر هواي ، و يمكن أتفاجئ بهواي ناس وشغلات من الواقع محاسب حسابها واعرف اني ممكن اضوج، و اتعب بس بنفس الوكت اعرف انك كريم يا الله، اعرف انك راح تجبرلي خاطري بكلشي ضوجني ب يوم من الأيام و بلحظة من اللحظات، اعرف انك تعرف الي بداخلي وانك رحيم و عزيز ومتاكد راح تعوضني ومتاكد انك غفور و راح تسامحني و تغفرلي زلاتي و انك عادل و حقي مراح يروح أبداً اعرف انه لازم اركز بالعلامات الي تكشفلياها على بعض الأشخاص علمود اصحى و أدير بالي منهم وعلى يقين توصلني منك بكل حدث رساله و اعرف انه الاشياء الي تصير و اني محابها او ماريدها تصير راح اشوف حكمه من ورآها و اكيد خير الي حتى لو اني لحد هسه مشايفها و الحمد الله عندي نعم و اشياء رائعة هواي و ناس تحبني وتقدرني بحياتي و لازم اقدر وجودهم و ما أنساهم كلشي منك خير، خير و من دون ما أفكر بالموضوع بيني و بين نفسي، كلشي خير خير و اني راضي بكل شي منك يا الله و اكثر شي مرتاح منه انك تعرف نيتي و الي بداخلي حتى لو الناس ما عرفت كلش كافي انت تعرف و شاهد
#الحمدالله

#الكاتب_مستر_عبودي ❤️

‏مره زعلت شخص وتركته مده يهدء فسألني بطريقة عتاب هنت عليك تتركني زعلان رديت عليه ‏جنت متقصد اتركك لحد متهدء حتى نكدر نتفاهم رد عليه بجملة اذا خايف ع البيت من النار تاكله لازم تطفيها وهيه مشتعله لان اذا هدأت من وحدها رح تاكل كولشي ‏اكو اشياء البعد يخليها تبرد

#الكاتب_مستر_عبودي ❤️

الـمـرشـحـيـن يـريـدون دور ثـانـي 😂

قبل انتهاء العام أذكر نفسي وإياكم بقول الله تعالى في الحديث القدسي يؤذيني ابن آدم يسب الدهر وأنا الدهر بيدي الأمر أقلب الليل والنهار)

لا علاقة للأرقام بالأمور! ۲۰۲۱، ۲۰۲۲، ۲۰۲۳ وغيرهم، كلها أعوام الله، وأيام الله وأقدار الله، وما من صغيرة ولا كبيرة حدثت فيهم إلا بأمر الله، وما من أمر وقعنا فيه أو نجونا منه إلا بتدبير الله نحمده على جميع أقداره، ونثني على قضائه، وما لنا إلا التسليم له بالمشيئة والدعاء بالعافية والتضرع بأن يحسن لنا في ما هو قادم

#الكاتب_مستر_عبودي ❤️

دائماً تجي إشارة من ربنا بوكتها تكلك اوكف عوف كلشي من أيدك وارجع الطريق هذا غلط الناس هذوله ما يناسبوك الشغل هذا راح يضرك دائماً تجي إشارة تهز الطمأنينة بداخلك تقبض قلبك وتخليك تعيد التفكير من اول وجديد لمن تجي الإشارة هـاي لتغمّض عيونك منها وارجع لأنو هذا الطريق مو طريقك

#الكاتب_مستر_عبودي ❤️

عندما ينشغل قلبك بالحمد والشكر على مالديك فإنه يظهر في حياتك المزيد من الأشياء الجميلة ‏اللهم لك الحمد والشكر كما ينبغي لجلال وجهك وعظيم سلطانك

اغرس الأمل...وازرع التفاؤل...واصنع الخير... وساعد الناس...فانما أنت عابر...وغداً مسافر

الواحد بسبب كلمة حلوة ممكن يصدك ان الدنيا فعلاً حلوة . كعده مرتاح بيها ويه شخص تحبه ممكن ينسى كل المشاكل الي غركان بيها . بسبب كلمه حلوة ممكن الواحد يجي على نفسه ويكمل بالرغم هو جان حاس خلاص خلصت طاقته . بسبب نظرة تقدير ممكن الواحد يثق بنفسه مره ثانيه . التفاصيل الصغيرة هاي هي الي تغير من نفسيتنا .

#الكاتب_مستر_عبودي ❤️

اغلب التعرفهم مايريدوك كلك ، اكو ناس تريد نصيحتك تمشي بيها ، وناس تحب كعدتك وياهم وناس تحب وجهة نظرك بالمواضيع وناس تحب تسأل عليك وتساعدك وغيرهم يحجولك امور مايحجوها للقريب لأن اصغائك مهم بحياتهم لازم تستوعب هذا الشي والفتحلك باب بأرادته مو معناها تدخل بقية ابوابه بس الأكيد العنده ثقة بيك راح يريدك كلك ويسمحلك بكل تفاصيل حياته بس من باب الاحترام لاتفرض على غيرك شي شخصي مو بأختياره .