حتى لو كبرتي حتى لو اطفالج صاروا بطولج وحتى لو رجليكِ بلشوا تتعب من الوكفه حافظي على ( الأنثى اللي جواتك ) شوفي نفسج كل يوم بالمرايه وشوفي وجهك شنو ناقصه ناقصه مكياج مكيجيه اضحكي لاتخلين خدودج تذبل لانو ضحكتج مستواها اعلى من انو تختفي علمود ناس تافهه هاي خدودج خلقها رب العالمين حتى تضحكين
تدللي واشتري اللي ناقصك على قدر الإمكان حاولي وازني بين عطائك واللي حوليكِ وبين احتياجاتك كبنت وكوني رقيقة بالتعامل وبحياتك العملية والاجتماعية وحبي الخير للناس (حب الخير أحلى صفة بكل بنت) وشنو ما واجهتي صعوبات بحياتك ما تخلي أثرهم على كلبج ولا على وجهك اسقي كلبج كل يوم بالرضا والأمل ما مسموح تذبلي أنتِ وردة مفتحة من عمر يوم لآخر يوم بالعمر الكل امرأة تحت اَي سماء وفوك كل ارض كل سنة وانتن طيبات وحنينات
وتبقن عَل العين والراس
#يوم_المرأة_العالمي 8 مارس 2024

ماعندي شخص أتنافس وياه ولا احاول اصير افضل من احد ماعندي شخص أفكر اقهره لو اشرح لاحد اني شخص ناجح ماعندي الطاقه الي تخليني اتعارك ويه واحد على مكانه كل الموضوع اريد أسعى للشي الأفضل بحياتي شخص يعيش يومه بدون اعداء بدون احزان بدون انظار عايف الكل وملتهي بنفسي

#الكاتب_مستر_عبودي❤️

‏بالدنيا لازم تصير وياك مواقف تصدمك علمود تصحى و تشوف الناس على حقيقتهم و تشيل الصوره الوهميه اللي ببالك ...❤️

سوي كل الي تكدر عليه وربنا راح يسوي كل الي ماكدرت عليه ...❤️

أنا كُلشي ممكن أتقبله إلا الشخص المَنافق اللي يحچي شي ويتصَرف شي ثاني تمامًا الي يكون كدامك لطيف و بّس تدير ظهرك ماَ يخلي كلمة مو زينة إلا يحچَيها عنك ويطعن بَيك النفاق أسّوأ صفة ممكن تكون بطَبع بَني آدم كله هذا يجي من غيرة وضعَف وقلة ثقة بنفسة وحّسد عَ الي أنت وصلت الـة

#الكاتب_مستر_عبودي❤️

الغربة متخونك ابد خوفك من التتعبله.

من تحت الفراش
اتمنى لكم دوام بطيء وممل 😂

على بركة الله كاعد نبدي نتفق اني وجماعتي على فد يوم نتسحر بي لو نفطر بي بره الي ابد ماراح يصير

اللي ناشر فزت ورب الكعبة تهدمت أركان الهدى وهو ماكل حق غيره أو ظالم خلق الله أو خائن عهد أو محتاللللل بريء منك علي ع يا حر ااامي يا منا فق .

مرات الأنسان ينرفض بسبب مميزاته مو بسبب عيوبه مرات محبتك تصير جبيرة على فلان او عطائك يصير اكبر منه او ماصادف گلب نظيف مثلك او مامتعود على صدق المشاعر الي عاش عمره متعكل بناس غلط مايفهم قيمة الناس الصح من يقابلهم هذا طبع الحياة وغلطان اليلوم نفسه اذا باب انسد بوجهه مثل ماتلكه ناس ترفض النعمة راح تلكه بشر ترفض الناس الصح

#الكاتب_مستر_عبودي❤️

ملاحظين
الشوارع فارغة حتى مـن الأطفال مثـلما كنا معتادين بالأعياد ،،
عبالك ماكـو عيـد…!!
لا ازدحام لا عالم ولا اطفال بـملابس جــديدة بالمراجيح ! ؟
طيب هاي الناس اللي كانت تتسوق ملابس قبل العيد لمنوو..! ؟
شنو تغير !؟

#الكاتب_مستر_عبودي❤️

كعدت ويه نفسي حتى اشوف اني شاطر فعلًا لو رب العالمين ساترها ويايه وموفقني، ومن حسبتها لكيت هواي خطوات بحياتي المفروض مستحيل تصير ومستحيل تكمل بس توفيق رب العالمين كملها على خير، مواقف هواي جان صعب أعديها وعديتها بستر ربنا، لحظات إنكسار عشتها وكمت منها أقوى من الاول بسبب رحمة ربنا فالقصة مو شطارة من عدنه احنه حقيقة ماشيين بستر ربنا وتوفيقه ورضاه علينا.

فالحمد لله حمدًا كثيرًا ❤️

#الكاتب_مستر_عبودي❤️

إغلط بحقي وكلي أسف مجنت أقصد قصر ويايه وبعدها تعال وكلي ميخالف غصباً عليه زعلني وارجع كلي حقك عليه كلش جبيرة عندي انك تجي وتراضيني وبساعتها صدكني صفحة الزعل هاي راح تنقفل للأبد بس تغلط بحقي وتتجاهل زعلي وتتعامل ويايه كانك ممسوي اي شي هنا راح تشوف معنى التجاهل بعينه واني من النوع الي ميحب الناس الي تتجاهل ولا احب حتى أعاتبهم

#الكاتب_مستر_عبودي❤️

طول الوكت احس إن كلمة " الحمد لله " لازم تنكال بالتفصيل يعني الحمد لله على الستر على الصحة على البيت وعلى الأهل على الشغل وعلى الرزق، على الونس وعلى الأمان وعلى الضحكة والطلعة والنومة الي بيها راسك بارد تضل تريد تشكر رب العالمين على كل شغله بحياتك و إني مدرك تماماً اني بنعمة جبيره حتى لو اليوم صعب او حتى لو الفترة هاي ثكيله عليه، ان الله يديم نعم الحامدين، فإحمدوه

#الكاتب_مستر_عبودي❤️

نموذج ام اللول هواي تجيها بحياتها فرص تستقر وتكعد من ناس بفترات متفاوتة بس ماتكدر يجوز غيرها تكدر الي نفس عملها بسبب طفولتها شافت حب وتقدير من اهلها وبسبب الظروف منها امها وابوها يموتون وخواتها كل من تتزوج اشخاص محترمين ومن سوء حظها تتزوج واحد نكرة يضربها وماينطيها مصرف وماتكدر تعوفه لأن ماعدها مكان تروحله ومحد يلفيها ، هيج وحدة من تطلع من الطريق تتمنى يجي واحد يتزوجها ويستر عليها لأن الأساس مالتها صح حب من الأب والأم بس الماعنده اساس بتربيته ومن يكبر تعصف بي الظروف راح يتعود على ادمان المعاناة ويشوف الأستقرار والرجل المستور موضوع مستفز فكل ماتجيها فرصة تستقر ماتكدر ، مثل واحد كضّه حياته عايش بمنطقة شعبية وعلى غفلة تكعده بمنطقة هادئة مثل اليرموك مثلاً ، ماراح يكدر لأن متعود على نمط معين من الحياة مايكدر ومايريد يغيره بعلم النفس الأنسان كلما يتعرض لصدمات من صغره من يكبر ينتقم من نفسه بالجنس او بالعادة السرية او بالضرب او الأهانة او غير ذلك
بالظاهر يحب الأحترام والكلمة الحلوة بس بالأستمرارية يميل للمعاناة لأن صارت سلوك اصيل وطبيعي بحياته يجوز يتوب فترة بس مايتغير للأبد

#الكاتب_مستر_عبودي❤️

الحمدلله عَ نعمهَ النظافهَ الداخليهَ کُلش احُب نفسي انُ اني ولد نظيف من الداخل مَ احب القال والقيل ولا انافق عَ أحد ولا اتمنىٰ الشر لغيري ولا اغار اذا احد اتقدم بحياتهَ وصار ناجح ولا احسد اللي عايشين احلى من عيشتي ، مَ فد يوم أدخلت بغيري ولا فد يوم حاولت اكون مسموم ويهَ غيري اتمنىٰ الخير للكُل ، راضي بعيشتي و الختارهَ ربي آلي الحمدلله عَ نعمهَ الوجهَ الواحد ، والحمدلله عَ الأثر الطيب اللي نتركهَ وین مَنروح لله يبعدنا عن الناس المنافقهَ اللي بالوجهَ مرايهَ وبالكفهَ سلايـهَ .

#الكاتب_مستر_عبودي❤️

أني أستاهل أنفهم صح لأن نيتي مو
سيئة أستاهل أنحَب من كل الناس لأن أني ما أكره أحد أستاهل محد ياخذ عليه فكرة غلط بدون مَ يعرفني أستاهل وجَودي يكون مرغوب بأي مكان أروحله أستاهل يصير كلشي لخاطَري لأني أسوي كلشي لخاطًر الي احَبهم اني أنطي بدون مقابل وما أنتظر مقابل من أحد لأني الحمدُ لله عيني مليانة أني استاهل أفرح لأني أفرح لكل ألي دایر مدَايري أني أستاهل ينجبر بخاطَري حتىٰ لو بكلمة

#الكاتب_مستر_عبودي❤️

تكدر تكون قوي بكلامهم السلبي كل كلمة تاذيك تسمعها وكل موقف صعب تمر بي وكل كلام جارح تسمعه من اقرب ناسك الك وكل جملة سمعتها لحد ما دماغك بدا يستوعب ان انت فاشل وانته ما مقدم شي وانته وانته الخ هلكلمات تكدر تخلق منك شخص ثاني شخص قوي شخص يكدر يسوي كل شي لان بسبب هلكلمات تصير بداخلك طاقة وغضب تحس تريد تهدم كلشي من تكون بهيج وضع لازم تكون ذكي حول كلامهم لصالحك حول كلامهم لاسلحة تقاتل بيها تقاتل حتى تنجح انته حتى ينجح المشروع الي ابالك قاتل حتى تدخل للجامعه الي تتمناها وحتى تنجح بدراستك وتحقق حلمك الي جنت تحلم بي والي كلولك "صعب يتحقق انساه لازم تكون عندك ارادة وقوة حتى تثبتلهم همة الغلط وانته الصح

#الكاتب_مستر_عبودي❤️

الحمدلله حـر وليس حـرب
الحمدلله حـر وليس زلـزال
الحمدلله حـر وليس انعدام للامـان
الحمدلله حـر وليس تشـريد
الحمدلله حـر وليس جـوع وعطش
الحمدلله حـر ولدينا بيوت باردة وننعم بصحة جيدة الحمدلله فالنعم علينا لا تعد ولا تحصى ﴿لَئِن شَكَرتُم لَأَزيدَنَّكُم﴾
الحمدلله دائماً و ابداً

#الكاتب_مستر_عبودي❤️