❗️ Каллик энди тарихга айланадими? Олимлар соч ўстирувчи таблетка синовини якунлашди

АҚШнинг Veradermics компанияси VDPHL01 дорисини синовдан ўтказди. 500 дан ортиқ эркак қатнашган синовда олти ойда ҳар квадрат сантиметрга ўртача 30 тадан ортиқ янги соч чиққан. Плацебо ичганларда эса — атиги 7 тага яқин.

Бу — сочни ўстирувчи машҳур миноксидил, лекин таблетка шаклида ва секин таъсир қилувчи махсус формулада.
📌 Дори енгил ва ўрта даражадаги соч тўкилишида синалган, бутунлай кал бўлиб кетган жойда сочни тиклай олмайди. Қабул тўхтатилса, ўсган соч яна тўкилиши мумкин. Аёллар учун натижалар 2027 йилда кутилмоқда.
📌 Ҳозирча дори FDA томонидан тасдиқланмаган — навбатда рўйхатдан ўтказиш жараёни.

Кимни хурсанд қилишни биласиз 😄

Канал👉 @MrDoppi

📚 «Қўрқма» романи муаллифи Жавлон Жовлиевга Президент томонидан Тошкентдан уй совға қилинди

​Шавкат Мирзиёев Қамашида ёшлар ва фаоллар билан учрашувда адабиёт, миллий ўзлик ҳамда буюк адиблар хотираси ҳақида самимий фикр билдирди. Давлат раҳбари Эркин Воҳидов, Ҳалима Худойбердиева ва Абдулла Ориповларни ёдга олиб, тилга ва китобхонликка бўлган эътибор ўзликни англаш эканини таъкидлади.

​Учрашувда ижод аҳли ва китобхонлар муносиб рағбатлантирилди. Хусусан, совет даврида Германияга таълим олишга юборилган ва кейинчалик қатағонга учраган талабалар тақдири ҳақида «Қўрқма» асарини ёзган ёзувчи Жавлон Жовлиевга ҳамда республика «Китобхон оила» танлови ғолибига Тошкент шаҳридан 2 хонали уй бериладиган бўлди.

Канал👉 @MrDoppi

❗️Зироат Мирзиёева ЖССТнинг нуфузли халқаро мукофоти билан тақдирланди

Ўзбекистон Республикасининг Биринчи хоними, “Замин” халқаро жамоат фонди Васийлик кенгаши раиси Зироат Мирзиёевага онкологик касалликларга чалинган болаларга тиббий ёрдам кўрсатиш тизимини ривожлантиришдаги етакчилиги ва ҳар бир боланинг соғлом ҳаёт кечириш ҳуқуқини глобал миқёсда илгари сургани учун ЖССТнинг нуфузли халқаро мукофоти топширилди.

2019 йилда таъсис этилган ушбу мукофот аҳоли саломатлигини муҳофаза қилиш соҳасида аниқ натижаларга эришган алоҳида етакчилик ва юксак ютуқлар учун берилади. Аввалги йилларда унга давлат ва халқаро ташкилотлар раҳбарлари, Нобель мукофоти совриндорлари, таниқли олимлар ва жамоат арбоблари сазовор бўлган.

Канал👉 @MrDoppi