#MSone Release - 2974

The Burning Sea (2021)
ദി ബേണിങ് സീ (2021)

ഭാഷ : നോർവീജിയൻ
സംവിധാനം : John Andreas Andersen
പരിഭാഷ : വിഷ്ണു പ്രസാദ് എസ്.യു.
പോസ്റ്റർ : ഉണ്ണി ജയേഷ്
ജോണർ : ആക്ഷൻ, ഡ്രാമ, ത്രില്ലർ

IMDb ⭐️ 6.3/10

John Andreas Andersen സംവിധാനം ചെയ്ത് 2021 ൽ പുറത്തിറങ്ങിയ നോർവീജിയൻ സിനിമയാണ് ‘ദി ബേണിങ് സീ‘ (Nordsjøen).
ഒരു ഓയിൽ റിഗ് തകർന്ന് അതിനിടയിൽ പെട്ട തന്റെ കാമുകനെ രക്ഷിക്കാൻ, സബ്മറൈൻ റോബോട്ട് ഓപ്പറേറ്ററായ നായികയും സുഹൃത്തും നടത്തുന്ന ശ്രമങ്ങളും, അവർ അഭിമുഖീകരിക്കേണ്ടി വരുന്ന പ്രശ്നങ്ങളുമാണ് സിനിമയുടെ കാതൽ.

മനോഹരമായ ദൃശ്യങ്ങളും മികച്ച VFX ഉം മികച്ച ബാക്ഗ്രൗണ്ട് മ്യൂസിക്കും ഡിസാസ്റ്റർ ത്രില്ലർ ഗണത്തിൽ പെടുന്ന ഈ ചിത്രത്തിന്റെ പ്രത്യേകതയാണ്.

അഭിപ്രായങ്ങൾ പങ്കുവെക്കാൻ

Categories : #Action #Drama #Norwegian #Thriller

#MSone Release - 2954

Black Mirror – Season 03 (2016)
ബ്ലാക്ക് മിറർ – സീസൺ 03 (2016)

San Junipero
സാൻ ജുനിപെറോ

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : വിവേക് സത്യൻ
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

യോർകി എന്നും, കെല്ലി എന്നും പേരുള്ള രണ്ട് സ്ത്രീകള്‍ San Junipero എന്നൊരു ടൗണിൽ വെച്ച് ഒരിക്കൽ കണ്ടുമുട്ടുന്നു. വളരെ പെട്ടെന്ന് തന്നെ, അവർക്കിടയിൽ ഒരു Emotional Connection ഉണ്ടാവുന്നു.

ഇവിടെ നിന്നങ്ങോട്ടുള്ള കഥയുടെ ഒരു ചെറിയ പരാമർശം പോലും Spoiler ആയി മാറാം.

കഥാപാത്രങ്ങളെ വ്യക്തമായി Define ചെയ്തുള്ള കഥ പറച്ചിലും, മനോഹരമായ മ്യൂസിക്കും, വിഷ്വൽ സ്റ്റൈലും, മികച്ച എൻഡിങ്ങും ഒക്കെക്കൊണ്ട്, പ്രേക്ഷകരുടെ മനസ്സ് നിറയ്ക്കുന്ന ഒരനുഭവമാണ് San Junipero. പക്ഷേ ഇതുപോലൊരു ഫീൽ ഗുഡ് കഥയ്ക്ക് 'ബ്ലാക്ക് മിറർ' എന്ന സീരീസിൽ എന്ത് കാര്യം? അത് നിങ്ങൾ കണ്ടറിയുക!

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Thriller #Web_Series

#MSone Release - 190

The Amazing Spider-Man (2012)
ദി അമേസിങ് സ്പൈഡർ-മാൻ (2012)

ഭാഷ : ഇംഗ്ലീഷ്
സംവിധാനം : Marc Webb
പരിഭാഷ : വിഷ്ണു പ്രസാദ്
പോസ്റ്റർ : പ്രവീൺ അടൂർ
ജോണർ : ആക്ഷന്‍, അഡ്വെഞ്ചര്‍, സയൻസ് ഫിക്ഷൻ

IMDb ⭐️ 7.0/10

പീറ്റർ പാർക്കർ എന്ന കുട്ടിയെ അങ്കിൾ ബെന്നിന്റെയും ആന്റ് മേയ്‍യുടെയും പക്കലേൽപ്പിച്ചിട്ട് പോയ അവന്റെ മാതാപിതാക്കൾ ഒരു വിമാനപകടത്തിൽപ്പെട്ട് മരണമടയുന്നു. പിന്നീട് കൗമാരപ്രായമെത്തിയ പീറ്റർ, തന്റെ അച്ഛന്റെ പഴയ സ്യൂട്ട്കേസിൽ നിന്നും ഒരു ഫയൽ കണ്ടത്തിയതിനെ തുടർന്ന്, ആ ഫയലിനെപ്പറ്റി കൂടുതലറിയാൻ വേണ്ടി, അച്ഛൻ ജോലിചെയ്തിരുന്ന ഓസ്കോർപ്പിലേക്ക് ചെല്ലുകയും അവിടെ വെച്ച് ജനതകമാറ്റം വരുത്തിയ ഒരു ചിലന്തിയുടെ കടിയേറ്റ പീറ്ററിന്‌ പിന്നീട് കുറേ അമാനുഷിക ശക്തികൾ ലഭിക്കുകയും ചെയ്യുന്നു. ഇതിനിടയിൽ, തന്റെ അച്ഛന്റെ പഴയ സുഹൃത്തും സഹപ്രവർത്തകനുമായിരുന്ന ഡോക്ടർ കർട് കേണേഴ്സിനെ പീറ്റർ കണ്ടുമുട്ടുന്നു. വൈകല്യങ്ങളില്ലാത്ത ഒരു ലോകം സ്വപ്നം കാണുന്ന ഡോക്ടർ, പീറ്ററിന്റെ സഹായത്തോടെ വൈകല്യങ്ങൾ ഒഴിവാക്കുന്ന ഒരു സിറം കണ്ടെത്തുന്നു. എന്നാൽ അത് വേറെ പല സംഭവങ്ങളിലേക്കും വഴിമാറി പോകുകയും ചെയ്യുന്നു.

സാം റയ്‌മിയുടെ സ്പൈഡർ-മാൻ ട്രൈലജിക്ക് ശേഷം, സ്‌പൈഡർ-മാൻ സീരീസിന്റെ റീബൂട്ട് കൂടിയാണ് ഈ ചിത്രം.

ഈ സിനിമയുടെ രണ്ടാംഭാഗമായ ‘ദി അമേസിങ് സ്പൈഡർ-മാൻ 2‘ 2014-ൽ പുറത്തിറങ്ങി.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Sci_Fi

#MSone Release - 2975

MSONE GOLD RELEASE

Devi (1960)
ദേവി (1960)

ഭാഷ : ബംഗാളി
സംവിധാനം : Satyajit Ray
പരിഭാഷ : രോഹിത് ഹരികുമാര്‍
പോസ്റ്റർ : ഉണ്ണി ജയേഷ്
ജോണർ : ഡ്രാമ

IMDb ⭐️ 7.7/10

സത്യജിത് റായുടെ സംവിധാനത്തില്‍ 1960 ഇറങ്ങിയ ഡ്രാമ വിഭാഗം ചിത്രമാണ് ദേവി.

ദയാമയിയും ഉമാപ്രസാദും ഭര്‍തൃസഗൃഹത്തിലാണ് താമസം. ഉമാപ്രസാദ് കല്യാണം കഴിച്ചെങ്കിലും കല്‍ക്കത്തയില്‍ പഠിക്കുകയാണ്. അതിനാല്‍ ഭാര്യയെ ഭര്‍തൃഗൃഹത്തിലാക്കി ഉമാപ്രസാദ് പഠനത്തിനായി കല്‍ക്കത്തയില്‍ പോയി. ദയാമയി ഉമാപ്രസാദിന്‍റെ അച്ഛനെ പരിചരിക്കാന്‍ വീട്ടില്‍ നിന്നു. ഉമാപ്രസാദിന്റെ അച്ഛനൊരു ദേവീഭക്തനാണ്. ഒരു ദിവസം, സ്വപ്നത്തില്‍ അദ്ദേഹം ദയാമയിയെ ദേവിയുടെ അവതാരമായി കാണുന്നു. ശേഷം, നടക്കുന്ന സംഭവ വികാസങ്ങള്‍ ചിത്രം കണ്ട് തന്നെ അറിയുക.

ശക്തമായ രാഷ്ട്രീയമാണ് ദേവി എന്ന ചിത്രത്തിലൂടെ റായ് പങ്ക് വയ്ക്കുന്നത്. അമിതമായ അന്ധവിശ്വാസം എത്ര ആപത്തെന്ന് ചിത്രം വരച്ച് കാട്ടുന്നു. ആള്‍ദൈവങ്ങള്‍ക്കെതിരെയും ചിത്രം ശബ്ദിക്കുന്നു. അക്കാലത്ത് ഇത്തരമൊരു ചിത്രം സംവിധാനം ചെയ്ത സത്യജിത് റായ് കയ്യടി അര്‍ഹിക്കുന്നു. കാരണം, പലരും ഇന്നും ചെയ്യാന്‍ മടി കാണിക്കുന്ന വിഷയമാണ് ദശകങ്ങള്‍ക്ക് മുന്‍പ് റായ് ചെയ്തത്.

നമ്മുടെ സമൂഹത്തില്‍ നിലനിന്നിരുന്ന, ഇന്നും നിലനിന്നു പോരുന്ന ‘ആള്‍ദൈവം’ എന്ന അന്ധവിശ്വാസം തുറന്നു കാട്ടുകയാണ് ദേവി എന്ന ചിത്രം. കാലികപ്രസക്തിയുള്ള വിഷയം കൈകാര്യം ചെയ്യുന്ന ഈ ചിത്രം തീര്‍ച്ചയായും കാണേണ്ടതാണ്.

1962 കാന്‍സ്‌ ചലച്ചിത്ര മേളയില്‍ മത്സരവിഭാഗത്തില്‍ പ്രദര്‍ശിപ്പിച്ച ചിത്രം കൂടിയാണിത്. മികച്ച ബംഗാളി ചിത്രത്തിനുള്ള ദേശീയ പുരസ്കാരം ചിത്രം നേടി. കൂടാതെ ലൊക്കാര്‍ണോ ചലച്ചിത്ര മേളയിലും ചിത്രം പ്രദര്‍ശിപ്പിച്ചിട്ടുണ്ട്. വളരെയധികം മികച്ച അഭിപ്രായങ്ങളും ചിത്രത്തിന് നേടിയെടുക്കാന്‍ സാധിച്ചു.

അഭിപ്രായങ്ങൾ പങ്കുവെക്കാൻ

Categories : #Bengali #Drama #MsoneGold

ആറാമത് ഡയലോഗ് ഫിലിം ഫെസ്റ്റിവൽ
ഒറ്റപ്പാലം ലക്ഷ്മി പിക്ച്ചർ പാലസ്.

എംസോൺ ❤️

#MSone Release - 2976

#OscarFest2022 - 03

The Power of the Dog (2021)
ദി പവർ ഓഫ് ദി ഡോഗ് (2021)

ഭാഷ : ഇംഗ്ലീഷ്
സംവിധാനം : Jane Campion
പരിഭാഷ : മുബാറക്ക്‌ ടി.എന്‍. & ജെറിൻ ചാക്കോ
പോസ്റ്റർ : പ്രവീൺ അടൂർ
ജോണർ : ഡ്രാമ, റൊമാൻസ്, വെസ്റ്റേൺ

IMDb ⭐️ 6.9/10

വാളിങ്കൽ നിന്നെന്റെ പ്രാണനെയും, നായയുടെ കൈയിൽ നിന്നെന്റെ ജീവനെയും വിടുവിക്കേണമേ”
– സങ്കീർത്തനങ്ങൾ 22: 20

Thomas Savage-ന്റെ 1967 ൽ പുറത്തിറങ്ങിയ ഇതേ പേരിലുള്ള നോവലിനെ ആസ്പദമാക്കി, 2021-ൽ Jane Campion സംവിധാനം ചെയ്ത ചിത്രമാണ് ദി പവർ ഓഫ് ദി ഡോഗ്. സമ്പന്നരും ഭൂവുടമകളുമായ ജോർജ്, ഫിൽ എന്നീ സഹോദരങ്ങളുടെ ജീവിതത്തിലേക്ക്, റോസ് എന്ന വിധവയും അവരുടെ മകനും കടന്നു വരുമ്പോഴുണ്ടാകുന്ന നാടകീയമായ പരിവർത്തനങ്ങളാണ് സിനിമയുടെ ഇതിവൃത്തം. 1925 ൽ നടക്കുന്ന കഥയെ, ഒരു സൈക്കോളജിക്കൽ ഡ്രാമ എന്ന രീതിയിലാണ് സംവിധായിക കൈകാര്യം ചെയ്തിരിക്കുന്നത്.

പ്രണയം, നിരാശ, വിദ്വേഷം, അസൂയ, ലൈംഗികത എന്നിങ്ങനെ മനുഷ്യ ജീവിതത്തിൻ്റെ അനേകം വികാര സംഘർഷങ്ങൾ പറഞ്ഞു പോകുന്ന ചിത്രത്തിൻ്റെ ഏറ്റവും വലിയ പ്രത്യേകത, അതിഗംഭീരമായ ഛായാഗ്രഹണ മികവാണ്. Benedict Cumberbatch, Kirsten Dunst, Jesse Plemons, Kodi Smit-McPhee എന്നിവരുടെ സമാനതകളില്ലാത്ത അഭിനയ പാടവം ചിത്രത്തെ അസാധാരണമായൊരു തലത്തിലേക്ക് ഉയർത്തുന്നുണ്ട്.

വെനീസ് ചലച്ചിത്ര മേളയിൽ മികച്ച സംവിധാനത്തിനുള്ള Silver Lion പുരസ്കാരമുൾപ്പടെ, മികച്ച സംവിധാനത്തിനുള്ള ഓസ്ക്കാർ അവാർഡും ചിത്രം നേടിയെടുത്തു.

അഭിപ്രായങ്ങൾ പങ്കുവെക്കാൻ

Categories : #Drama #English #Oscar_Fest_2022 #Romance #Western

#MSone Release - 2977

No Escapes (2020)
നോ എസ്‌കേപ്പ്സ് (2020)

ഭാഷ : റഷ്യൻ
സംവിധാനം : Alexey Nuzhny
പരിഭാഷ : നൗഫൽ നൗഷാദ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, ഡ്രാമ

IMDb ⭐️ 6.6/10

പോലീസിനെക്കാളും, പട്ടാളക്കാരെകാളുമൊക്കെ അപകടം പിടിച്ച ജോലി ചെയ്തിട്ടും ആരും വേണ്ട പരിഗണന കൊടുക്കാത്ത ഒരു കൂട്ടമുണ്ട്. ‘ഫയർ ഫൈറ്റേഴ്സ് ‘ അഥവാ അഗ്നിസുരക്ഷാ ജീവനക്കാർ.

പല സിനിമകളിലും അവരുടെ കഷ്ടപ്പാടുകൾ കാണിക്കാൻ ശ്രമിച്ചിട്ടുണ്ടെങ്കിലും, തീ എന്നത് എത്ര ഭീകരം ആണെന്നും അതിനെ എങ്ങനെ അതിജീവിക്കണമെന്നും ഒക്കെ ചുരുക്കം സിനിമകളിലെ കാണാനാവൂ. സാധാരണ തീ നേരിടുന്നത് തന്നെ ജീവൻ പണയപ്പെടുത്തിയുള്ള ജോലിയാണ്. അപ്പൊ ‘കാട്ടുതീ ‘ ആയാലോ. റഷ്യയിലെ കരേലിയയിൽ കാട്ടുതീ വ്യാപിച്ചത് തടയാൻ പുതിയതായി വന്ന പയ്യൻ ഉൾപ്പെടെ അഞ്ചു പേരുമായി പോകുന്ന സോക്കോലോവ് ആണ് ഫയർ എന്ന ഈ റഷ്യൻ ചിത്രത്തിലെ മുഴുനീള പോരാളി.

പക്ഷേ അദ്ദേഹം ചെന്ന് പെട്ടത് സാധാരണ ഒരു കാട്ടുതീ നേരിടാൻ ആയിരുന്നില്ല. ഒരു നാട്ടിലെ ജനങ്ങളുടെ മുഴുവൻ സുരക്ഷ അവർ ഏറ്റെടുക്കേണ്ടി വരുന്നു, അതിൽ ആരൊക്കെ അതിജീവിക്കും, എങ്ങനെ അതിജീവിക്കും… ഇതൊക്കെ കണ്ടു തന്നെ അറിയണം.

ഒരു വിപത്ത് രണ്ടു രീതിയിലാണ് നേരിടാവുന്നത്. ഒന്ന് കീഴടങ്ങി, എന്ത് വന്നാലും അതിന്റ വഴിക്ക് പോവുക. പക്ഷേ, അടുത്ത വഴി അതിജീവനമാണ്. അത് പല സിനിമകളിലും നമ്മൾ കണ്ടിട്ടുള്ളതുമാണ്. പക്ഷേ അത് ഏത് തരത്തിൽ ആയിരിക്കും എന്നുള്ളത്തിലാണ് വ്യത്യാസം.മേക്കിങ്ങിൽ എക്കാലവും അത്ഭുതങ്ങൾ തീർക്കുന്ന റഷ്യൻ സിനിമ മേഖലയിൽ നിന്നും ഇത്രയും നല്ലൊരു സർവൈവൽ മൂവി കണ്ടില്ലെങ്കിൽ ഏതൊരു സിനിമ ആസ്വാദകനും അതൊരു നഷ്ടം മാത്രമായിരിക്കും, ഈ സിനിമ എന്തിന് കാണണം എന്ന് ചോദിച്ചാൽ, ഒന്നേ പറയാനുള്ളൂ ‘ഒന്ന് കണ്ടു നോക്ക്.’

അഭിപ്രായങ്ങൾ പങ്കുവെക്കാൻ

Categories : #Action #Drama #Russian

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 12
പാർട്ട് 02 - എപ്പിസോഡ് 12

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 2978

A Perfect Enemy (2020)
എ പെർഫെക്ട് എനിമി (2020)

ഭാഷ : ഇംഗ്ലീഷ്
സംവിധാനം : Kike Maíllo
പരിഭാഷ : പ്രശോഭ് പി. സി.
പോസ്റ്റർ : സിറാജ്
ജോണർ : അഡ്വഞ്ചർ, ഡ്രാമ, ത്രില്ലർ

IMDb ⭐️ 5.5/10

പേരെടുത്ത ആർക്കിടെക്റ്റാണ് ജെറേമി ആംഗസ്റ്റ്. ജോലിയിലും ജീവിതത്തിലും എല്ലാം “പെർഫെക്റ്റ്” ആയിരിക്കണമെന്ന് ചെറുപ്പം മുതൽ നിർബന്ധമുള്ളയാൾ. ഒരിക്കൽ പാരീസിൽ ഒരു കോൺഫറൻസിൽ പങ്കെടുത്ത ശേഷം വാഴ്സോയിലേക്ക് മടങ്ങാൻ എയർപോർട്ടിലേക്ക് പോകുകയായിരുന്നു ജെറേമി. ട്രാഫിക്ക് ജാമിൽ കുടുങ്ങിക്കിടന്നപ്പോൾ, മഴ നനഞ്ഞ ഒരു യുവതി ലിഫ്റ്റ് ചോദിച്ച് കാറിനടുത്തെത്തി. യുവതിയെ കാറിൽ കയറ്റി ജെറേമി എയർപോർട്ടിലേക്ക് യാത്ര തുടരുന്നു. വായാടിയായ യുവതി പലതും പറഞ്ഞുകൊണ്ടിരുന്നു. ആദ്യമൊന്നും താൽപര്യം കാണിച്ചില്ലെങ്കിലും, അവൾ പറഞ്ഞ ചില കാര്യങ്ങളിൽ ജെറേമിക്ക് താൽപര്യം തോന്നുന്നു. ഒപ്പം, അവൾക്ക് മറ്റെന്തോ ചില ലക്ഷ്യങ്ങളുണ്ടെന്നും അയാൾ സംശയിക്കുന്നു.

അഭിപ്രായങ്ങൾ പങ്കുവെക്കാൻ

Categories : #Adventure #Drama #English #Thriller

#MSone Release - 2954

Black Mirror – Season 03 (2016)
ബ്ലാക്ക് മിറർ – സീസൺ 03 (2016)

Men Against Fire
മെൻ എഗൈൻസ്റ്റ് ഫയർ

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : പ്രജുൽ പി
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

റോച്ചസ് എന്ന ഭീകരജീവികളെ വേട്ടയാടി കൊല്ലുന്ന പട്ടാളക്കാരുടെ കഥയാണ് 'മെൻ എഗൈൻസ്റ്റ് ഫയർ' എന്ന ബ്ലാക്ക് മിറർ എപ്പിസോഡ് പറയുന്നത്.

ബ്ലാക്ക് മിറർ എപ്പിസോഡുകളുടെ പ്രത്യേകത എന്തെന്നാല്‍: അതിലെ ഓരോ കഥയ്ക്കും നമുക്ക് പല Interpretations കൊടുക്കാനാവും. മനുഷ്യരുടെ മാനസികാവസ്ഥയും, അവരനുഭവിക്കുന്ന പിരിമുറുക്കങ്ങളും, സമൂഹത്തിലെ അനീതികളുമെല്ലാം ഒരു Technological Viewpoint ൽ കാണിക്കാൻ 'ബ്ലാക്ക് മിററി'ന് കഴിയാറുണ്ട്. ഈ എപ്പിസോഡും അങ്ങനെ തന്നെ. കഥാഗതിയിൽ സംഭവിക്കുന്ന വഴിത്തിരിവുകൾ ഒരേസമയം ഞെട്ടിക്കുന്നതും, വർത്തമാനകാല യാഥാര്‍ത്ഥ്യത്തിലേക്ക് വിരൽ ചൂണ്ടുന്നതുമാണ്.

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Thriller #Web_Series

The Witcher 💥
season 2

യുദ്ധം തുടങ്ങിയിട്ടേയുള്ളൂ.

നിങ്ങളുടെ എംസോണിൽ മലയാളം പരിഭാഷയിൽ ആസ്വദിക്കാം....

ഉടൻ വരുന്നു...

Cut: Girish Kumar N P