#MSone Release - 1543

Once Upon a Time in Hollywood (2019)
വൺസ് അപ്പോൺ എ ടൈം ഇൻ ഹോളിവുഡ് (2019)

#OscarFest2020 - 07

ഭാഷ : ഇംഗ്ലീഷ്
സംവിധാനം : Quentin Tarantino
പരിഭാഷ : ഗായത്രി മാടമ്പി & ഷിഹാബ് എ ഹസ്സൻ
പോസ്റ്റർ : രാഹുൽ രാജ്
ജോണർ : കോമഡി, ഡ്രാമ

IMDb ⭐️ 7.6/10

2020 ഓസ്കാറില്‍ മികച്ച ചിത്രം, സംവിധായകന്‍, നടന്‍, സഹനടന്‍, തിരക്കഥ എന്നിങ്ങനെ ഒട്ടനവധി വിഭാഗങ്ങളിലേക്ക് നാമനിര്‍ദ്ദേശം ചെയ്യപ്പെടുകയും മികച്ച സഹനടനുള്ള ഓസ്കാര്‍ ബ്രാഡ് പിറ്റിന് നേടിക്കൊടുക്കയും ചെയ്ത, പ്രമുഖ സംവിധായകനായ ക്വെന്റിൻ ടാരന്റിനോ ഒരിടവേളക്ക് ശേഷം സംവിധാനം ചെയ്ത ചിത്രമാണ് “വണ്‍സ് അപ്പോണ്‍ എ ടൈം… ഇന്‍ ഹോളിവുഡ്.”

ലിയോണാഡോ ഡികാപ്രിയോ, ബ്രാഡ് പിറ്റ് എന്നിവര്‍ തുല്യപ്രധാനമുള്ള വേഷങ്ങളില്‍ നിറഞ്ഞു നില്‍ക്കുന്ന ചിത്രം ഹോളിവുഡിലെ മുന്‍നിരതാര നിരയാല്‍ സമ്പുഷ്ടമാണ്.

ഹോളിവുഡ്, ഹിപ്പി സംസ്കാരത്തിന്റെ ഉന്നതിയിൽ നില്‍ക്കുന്ന 1969 ൽ, ലോസ് ഏഞ്ചൽസില്‍ വച്ച് നടക്കുന്ന ഒരു കഥയാണ് വൺസ് അപ്പോൺ എ ടൈം ഇന്‍ ഹോളിവുഡ്. ഒരു പാശ്ചാത്യ ടിവി സീരീസിന്റെ മുൻ താരം റിക്ക് ഡാൽട്ടൺ (ലിയോനാർഡോ ഡികാപ്രിയോ), അദ്ദേഹത്തിന്റെ ദീർഘകാല സ്റ്റണ്ട് ഡബിള്‍ ക്ലിഫ് ബൂത്ത് (ബ്രാഡ് പിറ്റ്) എന്നിവയാണ് രണ്ട് പ്രധാന കഥാപാത്രങ്ങൾ. തങ്ങളെ ഇനിയും തിരിച്ചറിയാത്ത ഹോളിവുഡിൽ തങ്ങളുടേതായ സ്ഥാനം സൃഷ്ടിച്ചെടുക്കാൻ ഇരുവരും പാടുപെടുകയാണ്. എന്നാൽ റിക്കിന് വളരെ പ്രശസ്തയായ ഒരു അയൽവാസിയുണ്ട്, ഷാരോൺ ടേയ്റ്റ്.

ഓസ്കാർ പുരസ്കാരം നേടിയിട്ടുള്ള സംവിധായകൻ ക്വെന്റിൻ ടരാന്റിനോയുടെ ഒമ്പതാമത്തെ ഫീച്ചർ ചിത്രമാണിത്. 2015-ലെ ദി ഹേറ്റ്ഫുൾ 8 (2015) എയ്റ്റിന് ശേഷം അദ്ദേഹത്തിന്റെ ആദ്യ ചിത്രമാണിത്. തുടക്കത്തിൽ, ഇത് കുപ്രസിദ്ധമായ ചാൾസ് മാൻസൺ കൊലപാതകങ്ങളിൽ ശ്രദ്ധ കേന്ദ്രീകരിക്കുമെന്ന് റിപ്പോർട്ട് ചെയ്യപ്പെട്ടിരുന്നു, എന്നാൽ ഈ സംഭവം ഒരു പശ്ചാത്തല വശം മാത്രമായാണ് ചിത്രത്തില്‍ അവതരിപ്പിക്കപ്പെട്ടിരിക്കുന്നത്. 1969 ഹോളിവുഡിലാണ് ഇത് സജ്ജീകരിച്ചിരിക്കുന്നതെന്നും ആ കാലഘട്ടത്തെക്കുറിച്ചുള്ള ഒരു അവലോകനമാണ് ചിത്രമെന്നുമാണ് ടരാന്റിനോ അഭിമുഖത്തില്‍ അവകാശപ്പെട്ടത്.

#MSone Release - 3150

Anything for Her (2008)
എനിതിങ് ഫോർ ഹെർ (2008)

ഭാഷ : ഫ്രഞ്ച്
സംവിധാനം : Fred Cavayé
പരിഭാഷ : വിഷ്ണു പ്രസാദ്
പോസ്റ്റർ : ഉണ്ണി ജയേഷ്
ജോണർ : ക്രൈം, ഡ്രാമ, ത്രില്ലർ

IMDb ⭐️ 7.1/10

2008-ൽ പുറത്തിറങ്ങിയ ഒരു ഫ്രഞ്ച് ത്രില്ലർ മൂവിയാണ് എനിതിങ് ഫോർ ഹെർ.

ദമ്പതികളായ ലിസയും ജൂലിയനും ഇരുവരുടെയും മകൻ ഓസ്കറിനൊപ്പം സന്തോഷകരമായ ജീവിതം നയിച്ചുക്കൊണ്ടിരിക്കുന്നവരായിരുന്നു. ഒരു സുപ്രഭാതത്തിൽ, പൊലീസ് അവരുടെ വീട്ടിൽ കയറി വന്ന് ലിസയെ കൊലക്കുറ്റം ആരോപിച്ച് അറസ്റ്റ് ചെയ്തു കൊണ്ടുപോകുന്നതോടെ ആ കുടുംബം താറുമാറാകുന്നു.

നിരപരാധിയായ ലിസ 20 വർഷത്തെ തടവിന് ശിക്ഷിക്കപ്പെട്ടു. പക്ഷേ ഭാര്യയുടെ നിരപരാധിത്വം ബോധ്യപ്പെട്ട ജൂലിയന് കയ്യുംകെട്ടി നോക്കി ഇരിക്കാനായില്ല, നിയമത്തിന്റെയും അധികാരികളുടെയും കണ്ണുവെട്ടിച്ച് ലിസയെ ജയിലിൽനിന്നും രക്ഷപ്പെടുത്താനായി അയാൾ ഒരു അപകടകരമായ പദ്ധതി തയ്യാറാക്കുന്നു. സ്വന്തം ഭാര്യയെ തിരിക്കെ കിട്ടാനായി അയാൾക്ക് ഏതറ്റം വരെ പോകാനാകും? കണ്ടുതന്നെ അറിയുക.

"ടെലിവിഷൻ ചരിത്രത്തിലെ
ഏറ്റവും മഹത്തായ ശാസ്ത്ര പരമ്പര - കോസ്മോസ്"
കാത്തിരിക്കൂ, നമ്മുടെ എംസോണിൽ മാത്രം!

#MSone Release - 3151

Ponyo (2008)
പൊന്യോ (2008)

ഭാഷ : ജാപ്പനീസ്
സംവിധാനം : Hayao Miyazaki
പരിഭാഷ : ഷംനജ് ഇ. പി.
പോസ്റ്റർ : രോഹിത്ത് ജി. എസ്
ജോണർ : ആനിമേഷൻ, അഡ്വഞ്ചർ, കോമഡി

IMDb ⭐️ 7.6/10

ജാപ്പനീസ് ആനിമേഷൻ സിനിമാ ചരിത്രത്തിലെ നാഴികക്കല്ല് എന്ന് വിശേഷിപ്പിക്കാവുന്ന സ്പിരിറ്റഡ്‌ എവേ (2001) എന്ന ചിത്രത്തിന്റെ നിർമ്മാതാവ് ഹയാവോ മിയസാക്കി Studio Ghibli യുടെ പ്രൊഡക്ഷനിൽ പുറത്തിറക്കിയ ഏട്ടാമത്തെ ചിത്രമാണ് പൊന്യോ (ഓൺ ദ ക്ലിഫ് ബൈ ദ സീ).

ദുഷ്ടനായ മന്ത്രവാദിയുടെ തടങ്കലിൽ നിന്നും രക്ഷപ്പെട്ട് വന്ന ഒരു മത്സ്യം കടൽ തീരത്ത് കളിക്കാനിറങ്ങിയ അഞ്ച് വയസ്സുള്ള സൊസുകെയുടെ കയ്യിൽ കിട്ടുന്നു. കേവലമൊരു ഗോൾഡ്ഫിഷാണെന്ന് കരുതി അതിനെ അവൻ വളർത്താൻ തീരുമാനിച്ചു. പിന്നീട് ചില അസ്വാഭാവിക വിദ്യകൾ കാണിച്ച് സൊസുകെയെ ആ മത്സ്യം അത്ഭുതപ്പെടുത്തുന്നു. ജാല വിദ്യകൾ കാണിക്കുന്ന ആ മത്സ്യത്തിന് അവൻ പൊന്യോ എന്ന പേര് നൽകി. പിന്നീടൊരു ദിവസം പൊന്യോയെ മന്ത്രവാദി തിരിച്ചു പിടിക്കുന്നു. പൊന്യോയുടെ മനുഷ്യനാകാനുള്ള അടങ്ങാത്ത ആഗ്രഹം മനസ്സിലാക്കിയ മന്ത്രവാദി പൊന്യോയെ വീണ്ടും തടങ്കലിൽ വെക്കുന്നു. പൊന്യോയ്ക്ക് പൂർണ പിന്തുണ നൽകുന്ന സഹോദരങ്ങൾ അവളെ രക്ഷിക്കുകയും, കടൽ ക്ഷോഭമുള്ള ഒരു ദിവസം പൊന്യോ മനുഷ്യ രൂപത്തിൽ സൊസുകെയുടെ മുന്നിൽ എത്തുകയും ചെയ്യുന്നു. കടൽ ജീവിയായ പൊന്യോയുടെയും മനുഷ്യനായ സൊസുകെയുടെയും നിഷ്കളങ്കമായ പ്രണയത്തിന്റെ കഥയാണ് തുടർന്ന് ചിത്രത്തിന്റെ ഇതിവൃത്തം. ആനിമേഷൻ സ്റ്റൈലുകൾ കൊണ്ടും ബോറടിപ്പിക്കാതെയുള്ള കഥപറച്ചിൽ കൊണ്ടും മികച്ചു നിൽക്കുന്ന ഒരു ദൃശ്യ വിസ്മയമാണ് ഈ സിനിമ.

2008 ൽ ഇറങ്ങിയ ഈ ചിത്രം ലോകോത്തലമായി $204 മില്യൺ ബോക്സ്‌ ഓഫീസ് കളക്ഷൻ നേടി “ഓൾ ടൈം ഹയസ്റ്റ് ഗ്രോസ്സിംഗ് അനിമേ ഫിലിം” ലിസ്റ്റിൽ അഞ്ചാം സ്ഥാനത്തും നിലനിൽക്കുന്നു. കൂടാതെ വിവിധ തലങ്ങളിൽ നിരവധി അവാർഡുകളും ഈ ചിത്രം സ്വന്തമാക്കിയിട്ടുണ്ട്.

#MSone Release - 3152

National Science Day Special Release

Cosmos: A Personal Voyage (1980)
കോസ്‌മോസ്: എ പെർസൊണൽ വോയേജ് (1980)

ഭാഷ : ഇംഗ്ലീഷ്
രചയിതാക്കൾ : Carl Sagan, Ann Druyan & Steven Soter
പരിഭാഷ: മുബാറക് റ്റി എൻ
പോസ്റ്റർ : ഉണ്ണി ജയേഷ്
ജോണർ: ഡോക്യുമെന്ററി

IMDb ⭐️ 9.3/10

“ടെലിവിഷൻ ചരിത്രത്തിലെ ഏറ്റവും മഹത്തായ ശാസ്ത്ര പരമ്പര”

പ്രശ്‌സ്ത അമേരിക്കൻ ജ്യോതിശാസ്ത്രജ്ഞനും എഴുത്തുകാരനുമായിരുന്ന കാൾ സാഗൻ അവതരിപ്പിച്ച്, 1980-ൽ പ്രക്ഷേപണം ചെയ്ത കോസ്‌മോസ്: എ പെർസൊണൽ വോയേജ് എന്ന പരമ്പരയ്ക്കാണ് മേൽപ്പറഞ്ഞ വിശേഷണമുള്ളത്. 60 രാജ്യങ്ങളിലായി 50 കോടിയിലേറെ ആളുകൾ വീക്ഷിച്ച ഈ ശാസ്ത്ര പരമ്പര രചിച്ചിരിക്കുന്നത് Carl Sagan, Ann Druyan, Steven Soter എന്നിവർ ചേർന്നാണ്.

13 എപ്പിസോഡുകളിലായി നിർമ്മിച്ചിരിക്കുന്ന ഈ പരമ്പരയിൽ, അന്ന് നിലവിലുണ്ടായിരുന്ന ഏറ്റവും മികച്ച സാങ്കേതിക വിദ്യകളാണ് ഉപയോഗിച്ചിരിക്കുന്നത്. 6 മില്ല്യൻ ഡോളർ ബജറ്റിൽ, 2 മില്ല്യൻ ഡോളറും ചെലവഴിച്ചിരിക്കുന്നത് സ്പെഷ്യൽ എഫെക്ടുകൾക്ക് വേണ്ടിയാണ്. ഇന്ത്യ, മെക്സിക്കോ, ഫ്രാൻസ്, ഇറ്റലി, കംബോഡിയ, അമേരിക്ക തുടങ്ങിയ രാജ്യങ്ങളിലായാണ് പരമ്പര ചിത്രീകരിച്ചിരിക്കുന്നത്.

പ്രപഞ്ചാരംഭം, പരിണാമം, ജ്യോതിഷവും ജ്യോതിശാസ്ത്രവും തമ്മിലുള്ള അന്തരം, വാൽനക്ഷത്രങ്ങൾ, ചൊവ്വാ ഗ്രഹം, വോയേജർ ദൗത്യം, മനുഷ്യ സംസ്കാരത്തിൽ പലവിധ ഐതിഹ്യങ്ങൾ ചെലുത്തിയ സ്വാധീനങ്ങൾ, സ്ഥലം കാലം തുടങ്ങിയ ആശയങ്ങൾ, നക്ഷത്രങ്ങളുടെ ജീവിതചക്രം, പ്രപഞ്ചത്തെക്കുറിച്ചുള്ള വിവിധ മാനങ്ങൾ, മനുഷ്യ മസ്തിഷ്കത്തിന്റെ പരിണാമം, അന്യഗ്രഹ പേടകങ്ങളും ഭൗമേതര സംസ്കാരങ്ങളും, മനുഷ്യകുലത്തിന്റെ ഭാവി, അതിനെതിരെ ഉയരുന്ന ആശങ്കകൾ തുടങ്ങിയ വിവിധ വിഷയങ്ങളെ രസകരമായ കഥകളുടെയും, സംഭവങ്ങളുടെയും അകമ്പടിയോടെയാണ് സാഗൻ അവതരിപ്പിക്കുന്നത്.

ബഹിരാകാശ ദൗത്യങ്ങളോടുള്ള പൊതുജനങ്ങളുടെ താൽപ്പര്യം വർധിച്ചതും, ഭൂമിയുടെ നിലനിൽപ്പിനെ ചോദ്യം ചെയ്യുന്ന പ്രവൃത്തികൾക്കെതിരെ അവർ അണിനിരക്കാൻ തുടങ്ങിയതും, ഈ പരമ്പര എത്രത്തോളം പ്രേക്ഷകരെ സ്വാധീനിച്ചിട്ടുണ്ട് എന്നതിന് തെളിവായി നിരൂപകർ ചൂണ്ടിക്കാട്ടുന്നു.

#MSone Release - 3153

Unlocked (2023)
അൺലോക്ക്ഡ് (2023)

ഭാഷ : കൊറിയൻ
സംവിധാനം : Tae-joon Kim
പരിഭാഷ : തൗഫീക്ക് എ
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, മിസ്റ്ററി

IMDb ⭐️ 6.4/10

2023 ൽ നെറ്റ്ഫ്ലിക്സിലൂടെ പുറത്ത് വന്ന കൊറിയൻ മിസ്റ്ററി ത്രില്ലറാണ് “അൺലോക്ക്ഡ്“. “എമർജൻസി ഡിക്ലറേഷൻ (2021)” എന്ന സിനിമയിലൂടെ ഏവരെയും ഞെട്ടിച്ച ഇം സി വാൻ നായകനാവുന്ന ചിത്രത്തിൽ, “ഹാൻ ഗോങ്-ജു (2013)”, “ദി വെയിലിംഗ് (2016)“, “മദര്‍ (2009)” എന്നിവയിലൂടെ ശ്രദ്ധേയയായ ചുൻ വോൻ ഹീയാണ് നായിക. ലോകം തന്നെ വിരൽത്തുമ്പിൽ ലഭ്യമാവുന്ന ഈ സ്മാർട്ട്ഫോൺ യുഗത്തിൽ, അതിന്റെ മറ്റൊരു വശമാണ് ചിത്രം തുറന്നുകാട്ടുന്നത്.

മാസിറ്റ് ഗോനാക് എന്ന ജെല്ലി കമ്പനിയിൽ ജോലി ചെയ്യുന്ന, ഏവരെയും പോലെ ജീവിതം തന്നെ സ്മാർട്ട്ഫോണിൽ കഴിച്ച് കൂട്ടുന്ന ഒരു സാധാരണ കൊറിയൻ യുവതിയായ ലീ നാ മീക്ക്, ഒരു ദിവസം രാത്രി ബസ് യാത്രയ്ക്കിടെ തന്റെ ഫോൺ നഷ്ടമാവുന്നു. എന്നാൽ ആ ഫോൺ ലഭിക്കുന്നത് ഒരു സൈക്കോ കില്ലറിനാണ്. തുടർന്നങ്ങോട്ട് ഉണ്ടാവുന്ന സംഭവങ്ങളാണ് ചിത്രത്തിന്റെ പ്രമേയം. സിനിമ തുടങ്ങി ഏതാനും മിനിട്ടുകൾക്കുള്ളിൽ തന്നെ ചിത്രം മെയിൻ പ്ലോട്ടിലേക്ക് കയറുന്നു. അതിനാൽ തന്നെ തീരെ ലാഗ് അനുഭവപ്പെടാതെയുള്ള അതിവേഗ മേക്കിംഗാണ് സംവിധായകൻ സ്വീകരിച്ചിരിക്കുന്നത്. ഇം സി വാന്റെ തകർപ്പൻ അഭിനയവും ചിത്രത്തിലുടനീളം വരുന്ന ട്വിസ്റ്റുകളും 2023 ലെ മികച്ചൊരു ത്രില്ലറാക്കി ചിത്രത്തെ മാറ്റുന്നു.

സ്മാർട്ട്ഫോൺ യുഗത്തിൽ ജീവിക്കുന്ന ഏതൊരാൾക്കും സംഭവിക്കാവുന്ന കാര്യങ്ങൾ കോർത്തിണക്കിയ ചിത്രം അതിലെ ചതിക്കുഴികളെയും അപകടങ്ങളെയും വരച്ചുകാട്ടുന്നു. ജീവിതം തന്നെ സ്മാർട്ട് ഡിവൈസുകളിൽ ബന്ധിപ്പിക്കപ്പെട്ട ഇന്നത്തെ തലമുറയ്ക്ക് ഒരു സന്ദേശം കൂടി ചിത്രം നൽകുന്നു. പുറത്തിറങ്ങി ഒരാഴ്ചക്കകം 17 രാജ്യങ്ങളിൽ #1 ആയ ചിത്രം, വേൾഡ് വൈഡ് ആയി #2 സ്ഥാനം സ്വന്തമാക്കി.

#MSone Release - 3154

Fringe Season 3 (2009)
ഫ്രിഞ്ച് സീസൺ 3 (2009)

Episodes 01-11
എപ്പിസോഡ്‌സ് 01-11

ഭാഷ : ഇംഗ്ലീഷ്
നിർമ്മാണം : Bad Robot Productions
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ഡ്രാമ, മിസ്റ്ററി, സയൻസ് ഫിക്ഷൻ

IMDb ⭐️ 8.4/10

ലോസ്റ്റിന്റെ ക്രിയേറ്റർ ആയ ജെ ജെ അബ്രാമിന്റെ അടുത്ത സയൻസ് ഫിക്ഷൻ സീരീസ് ആണ് ഫ്രിഞ്ച്.

ലോസ്റ്റിനു സമാനമായി ഒരു വിമാന യാത്ര കാണിച്ചുകൊണ്ടാണ് ഫ്രിഞ്ച് തുടങ്ങുന്നത്. വളരെ വിചിത്രമായ പല കാര്യങ്ങൾക്കും ആദ്യ എപ്പിസോഡിൽ തന്നെ നമ്മൾ സാക്ഷ്യം വഹിക്കുന്നു. അതിൽ ഒന്നാണ് ഒരു വിമാനത്തിലുള്ള മുഴുവൻ യാത്രക്കാരും വളരെ ഭീകരമായ രീതിയിൽ മരിച്ചു വീഴുന്നത്.

ഈ കേസിന്റെ അന്വേഷണ ചുമതല “Oliva Dunham” എന്ന ചുറുചുറുക്കുള്ള ഒരു FBI ഓഫീസർക്ക് ആയിരുന്നു. അന്വേഷണത്തിന്റെ ആദ്യ ഘട്ടം മുതൽ ഒലിവിയയുടെ ചുറ്റം നടക്കുന്നതെല്ലാം വിശ്വസിക്കാനാവാത്ത വിചിത്രമായ കാര്യങ്ങളാണ്.

Pattern എന്നു വിളിപ്പേരുള്ള ഇത്തരം പല വിചിത്ര സംഭവങ്ങളും മുന്നേയും നടന്നിട്ടുണ്ട് എന്നു മനസ്സിലാക്കുന്ന ഒലിവിയ, വാൾട്ടർ എന്ന സയൻറ്റിസ്റ്റിന്റെയും അയാളുടെ മകന്റെയും സഹായത്തോടുകൂടി ഈ വിചിത്ര സംഭവങ്ങളുടെ കാരണം തേടി നടത്തുന്ന അന്വേഷണങ്ങൾ ആണ് സീസൺ 1 മെയിൻ പ്ലോട്ട്.

20 എപ്പിസോഡുകളാണ് സീസൺ 1-ൽ ഉള്ളത്. ഒന്നര മണിക്കൂറിന് അടുത്തുള്ള Pilot എപ്പിസോഡ് ഒഴിച്ചു നിർത്തിയാൽ ബാക്കി എപ്പിസോഡുകൾ എല്ലാം ഏതാണ്ട് 50 min ലെങ്ത് ആണ്.

ലോസ്റ്റ് പോലെ തുടക്കം മുതൽ ഒരുപാട് മിസ്റ്ററി നിലനിർത്തി കൊണ്ടു മുന്നോട്ട് പോകുന്ന സീരീസാണ്. മിക്കവാറും ഓരോ എപ്പിസോഡും ഒരു അന്വേഷണമായിരിക്കും. അതിനിടയിൽ കൂടെ മെയിൻ പ്ലോട്ട് ഒരു പൂവ് വിരിയുന്നത് പോലെ വളരെ സാവധാനമാണ് ഡെവലപ്പ് ചെയ്തുവരുന്നത്.

മെയിൻ പ്ലോട്ട് ഡെവലപ്പ് ചെയ്യാത്ത ഫില്ലറുകൾ എന്ന് വിളിക്കാവുന്ന ഏതാനും എപ്പിസോഡുകളും ഓരോ സീസണുകളിലും ഉണ്ട്. അവ വഴിയാകും ചിലപ്പോഴെല്ലാം കഥാപാത്രങ്ങൾ തമ്മിലുള്ള ബന്ധങ്ങൾ ഡെവലപ്പ് ചെയ്യുന്നത്.

കടപ്പാട് : Mukesh Muke

എംസോൺ റിലീസ് ചെയ്തിട്ടുള്ള ഫ്രിഞ്ച് സീരീസിന്റെ മറ്റ് സീസണുകൾ

ഫ്രിഞ്ച് സീസൺ 1 (2008)
ഫ്രിഞ്ച് സീസൺ 2 (2009)

അഭിപ്രായങ്ങൾ പങ്കുവെക്കാൻ

Categories : #Drama #English #Mystery #Sci_Fi #Web_Series

#MSone Release - 149

Batman Begins (2005)
ബാറ്റ്മാന്‍ ബിഗിന്‍സ് (2005)

ഭാഷ : ഇംഗ്ലീഷ്
സംവിധാനം : Christopher Nolan
പരിഭാഷ : ഗിരി പി. എസ്.
പോസ്റ്റർ : ഉണ്ണി ജയേഷ്
ജോണർ : ആക്ഷൻ, ക്രൈം, ഡ്രാമ

IMDb ⭐️ 8.2/10

ക്രിസ്റ്റഫർ നോളന്റെ സംവിധാനത്തിൽ 2005 യിൽ പുറത്തിറങ്ങിയ സൂപ്പർ ഹീറോ മൂവിയാണ് ബാറ്റ്മാൻ ബിഗിൻസ്. നോളന്റെ ബാറ്റ്മാൻ സീരിസിലെ ആദ്യ ചിത്രവും ബാറ്റ്മാന്റെ ഒറിജിൻ സ്റ്റോറിയുമാണ് ആദ്യ ചിത്രമായ ബാറ്റ്മാൻ ബിഗിൻസ്.

മാതാപിതാക്കളുടെ മരണ ശേഷം ബ്രൂസ് വെയ്ൻ നാടുവിടുന്നു, ജീവിത ലക്ഷ്യം തേടിയുള്ള യാത്രകളിൽ അയാൾ പലതും പഠിക്കുന്നു. പട്ടിണി കിടക്കേണ്ടി വരുന്നു, ഗുണ്ടയാവേണ്ടി വരുന്നു, മോഷ്ടിക്കേണ്ടി വരുന്നു അങ്ങനെ പലതും അയാൾ അനുഭവിക്കുന്നു.

ഒരിക്കൽ കൂട്ടുകാരുമൊത്ത് സ്വന്തം പേരിലുള്ള സാധനങ്ങൾ മോഷ്ടിച്ചതിന് അയാൾ ജയിലിൽ അടയ്ക്കപ്പെടുന്നു. അവിടെ അയാളെ കാണാൻ ഒരു അഥിതി വരുന്നു. ആ അഥിതി അയാളുടെ ജീവിതത്തെ തന്നെ മാറ്റിമറിക്കുന്നു. ജയിലിൽ നിന്നിറങ്ങിയ ശേഷം, ആ അതിഥിയെ തിരക്കി ബ്രൂസ് വെയ്ൻ ഹിമാലയൻ മല നിരകൾ താണ്ടി ചെല്ലുന്നു. അവിടെ അയാളെക്കാത്ത് പുതിയൊരു പാത കാത്തിരിക്കുന്നുണ്ടായിരുന്നു. പക്ഷേ അത് അയാൾക്ക് അംഗീകരിക്കാൻ പറ്റുന്ന ഒന്നായിരുന്നില്ല. മോഷ്ടാവായി ഹിമാലയൻ മലക്കേറി ചെന്ന ബ്രൂസ് വെയ്ൻ അവിടുന്ന് പല അഭ്യാസമുറകൾ സ്വായത്തമാക്കിയ പുതിയൊരു മനുഷ്യനായി മലയിറങ്ങി സ്വന്തം നാടായ ഗോഥം നഗരത്തിലേക്ക് തിരികെ വരുന്നു. എന്നാൽ അവിടെ അയാളെ കാത്തിരുന്നത് ഒരു പുതിയ നഗരമായിരുന്നു. തന്റെ അച്ഛന്റെ സ്വപ്നങ്ങൾക്ക് വിഭിന്നമായി തെറ്റുകളുടെയും കുറ്റകൃത്യങ്ങളുടെയും കൂടായി മാറിയിരുന്നു ഗോഥം അപ്പോഴേക്കും. അത് ബ്രൂസ് വെയ്നെ ചില തീരുമാനങ്ങൾ എടുക്കാൻ നിർബന്ധിതനാക്കുന്നു. അവിടെ ബാറ്റ്മാൻ ജനിക്കുന്നു.

#MSone Release - 3155

Lucifer Season 1 (2016)
ലൂസിഫർ സീസൺ 1 (2016)

ഭാഷ : ഇംഗ്ലീഷ്
നിർമ്മാണം : Jerry Bruckheimer Television
പരിഭാഷ : മാജിത് നാസർ
പോസ്റ്റർ : നിഖിൽ ഇ കൈതേരി
ജോണർ : ക്രൈം, ഡ്രാമ, ഫാന്റസി

IMDb ⭐️ 8.1/10

മനുഷ്യരാശിയെ പാപങ്ങൾ ചെയ്യാൻ പ്രേരിപ്പിക്കുന്ന നരകാധിപനായ സാത്താൻ. എന്നാൽ സാത്താൻ ശരിക്കും അങ്ങനെയാണോ? ആ കഥ പറയുന്ന അമേരിക്കൻ അർബൻ ഫാന്റസി സീരീസാണ് ലൂസിഫർ.

നരക ജീവിതം മടുത്ത സാത്താൻ, മാലാഖമാരുടെ നഗരമായ ലോസ് ഏഞ്ചൽസിലേക്ക് ഒരു വെക്കേഷൻ എടുക്കാൻ തീരുമാനിക്കുന്നു. ലക്സ് എന്ന നൈറ്റ് ക്ലബ്ബിന്റെ മുതലാളിയായി സാത്താനും മനുഷ്യർക്കൊപ്പം അടിച്ചു പൊളിച്ച് ജീവിക്കുകയാണ്. എന്നാൽ, ഭൂമിയിലേക്ക് വന്ന ലൂസിഫറിനെ തിരിച്ച് കൊണ്ടുപോകാൻ നരകത്തിൽ നിന്നുള്ള ചിലർ മനുഷ്യരൂപത്തിൽ വരുമ്പോൾ കഥ കൂടുതൽ ചൂട് പിടിക്കുന്നു.
ദൈവീകഗ്രന്ഥങ്ങളിൽ നിന്ന് പരിചയിച്ച സാത്താൻ സങ്കല്പങ്ങളിൽ നിന്ന് മാറി, തന്റെ ഇഷ്ടങ്ങൾക്കനുസരിച്ച് ജീവിക്കുന്ന ലൂസിഫറിനെയാണ് സീരീസിൽ കാണാൻ സാധിക്കുക. സീസൺ അവസാനിക്കുമ്പോൾ നമ്മുടെ കൂടെ ലൂസിഫർ മോണിങ്സ്റ്റാറുമുണ്ടാകും.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Fantasy #Web_Series

#MSone Release - 3156

Pamasahe (2022)
പമസാഹെ (2022)

ഭാഷ : ടാഗലോഗ്
സംവിധാനം : Roman Perez Jr.
പരിഭാഷ : സുബീഷ്. ചിറ്റാരിപ്പറമ്പ്.
പോസ്റ്റർ : ഉണ്ണി ജയേഷ്
ജോണർ : ഡ്രാമ

IMDb ⭐️ 6.0/10

2022-ൽ പുറത്തിറങ്ങിയ ഒരു ഫിലിപ്പീൻസ് ചലച്ചിത്രമാണ് പമസാഹെ. (യാത്രാകൂലി എന്നാണ് ഇതിനർത്ഥം)

ലിനീത് എന്ന യുവതിയുടെ യാത്രയാണ് ചിത്രത്തിൽ പ്രതിപാദിക്കുന്നത്. തന്റെ കൈകുഞ്ഞുമായി ഭർത്താവിനെ കാണാൻ ഇറങ്ങി തിരിച്ചിരിക്കുകയാണവൾ. ചുഴലിക്കാറ്റിന്റെ സംഹാരത്തിൽ അവളുടെ വീട് തകർന്നിരിക്കുന്നു. കയ്യിലാണെങ്കിൽ നയാപൈസയുമില്ല. സഹായത്തിന് എത്തുന്നവരുടെ കഴുകൻ കണ്ണുകളാണെങ്കിൽ, അവളുടെ ശരീരത്തിലും. അങ്ങനെയിരിക്കുമ്പോൾ, അവൾ ‘റോഡ്’ എന്ന യുവാവിനെ പരിചയപ്പെടുന്നു. ലിനീത് സ്വന്തം കദന കഥ, റോഡിനു മുൻപിൽ വെളിപ്പെടുത്തുന്നു.
തുടർന്ന് ഇരുവരുടേയും യാത്രക്കിടയിൽ നടക്കുന്ന, അപ്രതീക്ഷിതമായ പല സംഭവവികാസങ്ങളും കോർത്തിണക്കിയാണ് ഈ ചിത്രം ഒരുക്കിയിരിക്കുന്നത്.

മുന്നറിയിപ്പ്: അശ്ലീല ദൃശ്യങ്ങളും, സംഭാഷണങ്ങളും ഉള്ളതിനാൽ, പ്രായപൂർത്തിയായവർ മാത്രം കാണുക.

അഭിപ്രായങ്ങൾ പങ്കുവെക്കാൻ

Categories : #Drama #Tagalog