Ona tilimiz — milliy o‘zligimiz va ma’naviy boyligimiz

O‘zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi hamda uning tizim tashkilotlarida 21-oktabr — O‘zbek tili bayrami kuniga bag‘ishlangan madaniy-ma’rifiy tadbir tashkil etildi.

Tadbirda Xalq deputatlari Mirob tuman Kengashi deputati Feruza Muhitdinova ham ishtirok etdi.

Tadbir davomida o‘zbek tilining davlat tili sifatidagi nufuzi va mavqeyini yuksaltirish, uning sofligini asrash, kundalik faoliyatda davlat tiliga hurmat bilan munosabatda bo‘lish hamda kelajak avlodga ona tilimizga muhabbat tuyg‘usini singdirish masalalariga e’tibor qaratildi.

Ona tilimiz — milliy o‘zligimiz, tarixiy xotiramiz va ma’naviy merosimizning bebaho timsoli. Uni asrab-avaylash, rivojlantirish va kelgusi avlodlarga boyitilgan holda yetkazish har birimizning sharafli burchimizdir.

#TilimMeningQadriyatim

Rustamov Jonibek,
Partiya Toshkent shahar Kengashi “Yoshlar qanoti” faoli

Bizni ijtimoiy tarmoqlarda kuzating:
Instagram | Facebook | Telegram

#TilimMeningQadriyatim

Bizni ijtimoiy tarmoqlarda kuzating:
Instagram | Facebook | Telegram

#TilimMeningQadriyatim

TIL — MILLAT RUHI, MILLIY O‘ZLIGIMIZ VA MA’NAVIY QIYOFAMIZ TIMSOLI

O‘zbek tili — milliy o‘zligimiz, tarixiy xotiramiz va ma’naviy qiyofamizning ajralmas ifodasi. U xalqimizning orzu-intilishlari, tafakkuri, urf-odatlari va qadriyatlarini o‘zida mujassam etgan bebaho ma’naviy merosdir.

1989-yil 21-oktyabrda o‘zbek tiliga davlat tili maqomi berilishi xalqimizning milliy o‘zligini anglash yo‘lidagi tarixiy qadami, ona tilimizning ijtimoiy-siyosiy hayotdagi mavqeini mustahkamlash sari qo‘yilgan muhim qadam bo‘ldi. Bugun ushbu tarixiy sanani nishonlar ekanmiz, erishilgan yutuqlar bilan bir qatorda, ona tilimizning nufuzi va qo‘llanish doirasini yanada kengaytirish borasidagi vazifalarimizni ham chuqur anglashimiz lozim.

Tilni e’zozlash — uni faqat bayramlarda ulug‘lash emas, balki kundalik hayotda to‘g‘ri qo‘llash, adabiy me’yorlariga rioya etish, sofligini asrash, zamon talablari asosida boyitish va kelajak avlodga mukammal holda yetkazish demakdir. Ayniqsa, davlat boshqaruvi, ta’lim, ilm-fan, axborot-kommunikatsiya texnologiyalari, ommaviy axborot vositalari va jamoat hayotining barcha jabhalarida o‘zbek tilining imkoniyatlaridan to‘liq foydalanish, uning zamonaviy taraqqiyot talablariga mos ravishda takomillashib borishini ta’minlash bugungi kunning dolzarb vazifalaridandir.

Davlat tiliga hurmat — har bir fuqaroning fuqarolik pozitsiyasi va ma’naviy mas’uliyatida namoyon bo‘lishi kerak. Ko‘cha va jamoat joylaridagi yozuvlardan tortib, rasmiy hujjatlar, reklama matnlari, ommaviy axborot vositalari va raqamli platformalardagi axborotlargacha — barcha sohalarda til me’yorlariga rioya etish, imloviy va uslubiy xatolarga yo‘l qo‘ymaslik umumiy mas’uliyatimizdir. Zero, tilga e’tibor — millatga e’tibor, uning ravnaqi uchun qayg‘urish esa Vatan kelajagiga daxldorlikning muhim ifodasidir.

“Milliy tiklanish” demokratik partiyasi uchun ona tilimizni asrab-avaylash, uning davlat va jamiyat hayotidagi nufuzini oshirish, milliy qadriyatlarimizni keng targ‘ib etish ustuvor ahamiyatga ega. Partiyamizning saylovoldi dasturlarida ham davlat tiliga bo‘lgan e’tiborni kuchaytirish, o‘zbek tilining qonuniy maqomi va amaliy qo‘llanishini mustahkamlash, yosh avlodda ona tiliga hurmat va mas’uliyat tuyg‘usini yuksaltirish, milliy madaniyatimiz va ma’naviy merosimizni asrab-avaylashga qaratilgan maqsad va vazifalar muhim o‘rin tutadi.

Biz til masalasini faqat filologik yoki madaniy masala sifatida emas, balki milliy o‘zlikni anglash, ma’naviy taraqqiyot va jamiyatning birligi bilan chambarchas bog‘liq masala sifatida ko‘ramiz. Shu bois davlat tilining nufuzini oshirish borasidagi sa’y-harakatlar qonun talablariga rioya etish, jamoatchilik mas’uliyatini kuchaytirish, sifatli va savodli muloqot madaniyatini shakllantirish hamda tilimizning zamonaviy imkoniyatlarini kengaytirish bilan uyg‘un holda olib borilishi zarur.

Ishonchimiz komilki, har birimiz ona tilimizga kundalik faoliyatimizda e’tiborli bo‘lsak, uni o‘rganish, o‘rgatish, to‘g‘ri qo‘llash va rivojlantirishni o‘zimizning sharafli burchimiz deb bilsak, o‘zbek tilining nufuzi va xalqaro maydondagi mavqeini yanada yuksaltirishga munosib hissa qo‘shamiz.

Ona tilimizning qadri va jozibasi asrlar osha saqlanib, uning imkoniyatlari tobora kengaysin. O‘zbek tili milliy g‘ururimiz, birdamligimiz va bunyodkorligimiz timsoli sifatida hamisha barhayot bo‘lsin!

Ona tilimizni asrash — milliy o‘zligimizni asrashdir!

Hurmat bilan,
Otabek Jiyanbayev,
“Milliy tiklanish” demokratik partiyasi Toshkent shahar Kengashi raisi