1️⃣2️⃣3️⃣4️⃣5️⃣ 1️⃣2️⃣3️⃣4️⃣

Bayram tadbirlari davom etmoqda!

👥 Universitetimizning 70 yillik shodionasiga tashrif buyurgan mehmonlar kutib olindi.

🌳 Dastur doirasida TATU 70 yilligi munosabati bilan universitet hududida “Do‘stlik bog‘i” ochilishi va ko‘chat ekish marosimi o‘tkazildi.

🌱 Marosimda O‘zbekiston Respublikasi Raqamli texnologiyalar vaziri Sh. Shermatov, O‘zbekiston Respublikasi Oliy Majlisi Qonunchilik palatasi Fan, ta'lim, madaniyat, sport va yoshlar masalalari qo'mitasi raisi N. Jumayev, Hindistonning O‘zbekiston Respublikasidagi favqulodda va muxtor elchisi S. Pant, “QS” (Quacquarelli Symonds) agentligining Global munosabatlari bo‘yicha mintaqaviy direktori S. Xristolyubov, O‘zbekistondagi KOICA ofisi direktori Sh. Meong Sop va boshqa bir qator hamkor xorijiy va soha korxonalari rahbarlari hamda Respublikamiz oliygohlari rektorlari, jamoat tashkilotlari vakillari, ilm-fan, ta’lim sohasining yetuk mutaxassislari ishtirok etdilar.

Mehmonlar bog‘ hududiga manzarali va mevali daraxt ko‘chatlarini ekdilar. Tadbir qatnashchilari ushbu bog‘ni millatlararo do‘stlik va hamjihatlik ramzi sifatida alohida e’tirof etdilar.

Bizni kuzating:

🚀Telegram  📷Instagram 🎬You Tube 🔵Facebook

#TATU70yoshda #KOICA #KookminUniversity #FabLab #LivingLab #Innovatsiya #TalabaImkoniyatlari

TATU’da yangi imkoniyatlar – "Living Lab" ochildi! 🎉

🏛 Muhammad al-Xorazmiy nomidagi Toshkent axborot texnologiyalari universiteti hamda Koreya Respublikasining KOICA agentligi va Kookmin universiteti hamkorligida 2022–2027-yillarga mo‘ljallangan, qiymati 5 million dollar bo‘lgan “TATUda Global IT Biznes ta’lim dasturi" doirasida Living Lab hududlari ochildi.

💡 Loyihaning asosiy maqsadi – O‘zbekiston oliy ta’lim salohiyatini mustahkamlash, raqamli iqtisodiyot uchun AKT sohasida innovatsion iste’dodlarni yetishtirish va sanoat–akademiya hamkorligini rivojlantirishdan iborat.

🗒Mazkur loyiha doirasida innovatsion ta’lim va ilmiy tadqiqotlarni qo‘llab-quvvatlash maqsadida raqamli ishlab chiqarish ustaxonasi, 3D-printer, lazer kesgich, CNC kabi zamonaviy texnologiyalar asosida yangi g‘oyalarni amaliyotga tatbiq etish imkonini beruvchi ilg‘or ilmiy laboratoriyalar majmuasi barpo etildi.

Jumladan, Sun’iy intellekt va IoT asosida aqlli yechimlar ishlab chiqish, Mobil va veb-ilovalar prototiplarini ishlab chiqish, 3D modellashtirish, VR/AR texnologiyalarini rivojlantirish hamda tadqiqotlarni amalga oshirish imkonini beruvchi ushbu laboratoriyalar xalqaro IT bozorida raqobatbardosh kadrlarni yetishritish, shuningdek, startaplar, innovatsion loyihalar va dasturiy mahsulotlarni yaratishlari uchun keng imkoniyatlar yaratadi.

Bu imkoniyatlar orqali talabalar o‘z g‘oya va startaplarini amalda sinab ko‘rish hamda xalqaro tajriba va ilg‘or bilimlarga asoslangan real loyihalarda ishtirok etish imkoniyatiga ega bo‘ladilar.

Bizni kuzating:

🚀Telegram  📷Instagram 🎬You Tube 🔵Facebook