⚡️O‘zbekiston Prezidenti, Qurolli Kuchlar Oliy Bosh qo‘mondonining tegishli farmoniga muvofiq Markaziy harbiy okrug qo‘mondoni polkovnik Saidov Aybek Azadovichga navbatdagi general-mayor harbiy unvoni berildi.

Harbiy unvonni O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Shavkat Mirziyoyev topshirdi.

Harbiy blog👉 @mudofaauz

⚡️O‘zbekiston Prezidenti, Qurolli Kuchlar Oliy Bosh qo‘mondonining tegishli farmoniga muvofiq Shimoli-g‘arbiy harbiy okrug qo‘mondoni polkovnik Shermatov Farhodjon Ortiqovichga navbatdagi general-mayor harbiy unvoni berildi.

Harbiy unvonni O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Shavkat Mirziyoyev topshirdi.

Harbiy blog👉 @mudofaauz

⚡️Prezident tashabbusi bilan ta’sis etilgan “Amir Temur jangovar bayrog‘i” mukofoti Markaziy harbiy okrugga nasib qildi.

Bayroqni okrug qo‘mondoni general-mayor Aybek Saidov qabul qilib oldi.

Harbiy blog👉 @mudofaauz

⚡️O‘zbekiston Respublikasi Qurolli Kuchlari tashkil etilganining 31 yilligi va Vatan himoyachilari kuni munosabati bilan bayram tabrigi — Matn

Harbiy blog👉 @mudofaauz

14-yanvar — Vatan himoyachilari kuni

⚡️Vatanni, elni himoya qilish nafaqat mas'uliyat, burch, balki har kimga ham nasib etavermaydigan tole hamdir. Qalqoningiz borligini o‘ylashning o‘ziyoq kishiga kuch bag‘ishlaydi. Bugun Qurolli Kuchlarimizda o‘z yigitlik burchini sidqidildan, sharaf deb bekamu ko‘st ado etib kelayotgan mard askarlar bizning ana shunday qalqonimiz, toleimizdir. Bu qalqon hamisha mustahkam bo‘lsin!

Bu kun Vatan, xalq xizmatiga daxldorman degan har bir mard insonning kuni!

Harbiy blog👉 @mudofaauz

Xabaringiz bor, Prezident Shavkat Mirziyoyevning tegishli farmoniga muvofiq mudofaa vazirining tarbiyaviy va mafkurafiy ishlar bo‘yicha o‘rinbosari polkovnik Hamdam Qarshiyevga, Markaziy harbiy okrug qo‘mondoni polkovnik Aybek Saidovga va Shimoli-g‘arbiy harbiy okrug qo‘mondoni polkovnik Farhodjon Shermatovga navbatdagi general-mayor harbiy unvoni berildi.

Chindan ham mazkur uch shaxs Mudofaa vazirligida kasbiy faoliyatini juda yaxshi olib boradi. Ularni nafaqat soha vakillari, balki keng jamoatchilik, fuqarolarimiz yaxshi bilishadi, tanib alqashadi. Men ham generallarni chin qalbimdan tabriklayman.

Polkovnik Hamdam Qarshiyev va uning komandasi sa'y-harakati bilan Mudofaa vazirligi “Eng namunali vazirlik va idora” tanlovida 2021-yilda birinchi o‘rin, 2022-yilda esa sovrindor bo‘ldi. Nasib bo‘lsa 2023-yilda qaytib birinchiga chiqib oladi, albatta. Ortiqcha gapga hojat yo‘q.

Polkovnik Aybek Saidov Markaziy harbiy okrug qo‘mondoni vazifasiga kirishganidan beri faol tarzda faoliyatini olib boradi. Mudofaa vazirligi tomonidan olib borilayotgan yangilangan islohotlar va buning fonida okrug faoliyatini xalqqa yetkazish, keng jamoatchilik vakillari bilan hamkorlikda ishlash tajribasiga ega inson hisoblanadi. “Amir Temur jangovar bayrog‘i”ni ham ilib ketgan shular. Tinib tinchimagan qo‘mondon yetmaganiga bu yil PhD yoqlab chiqdi.

Polkovnik Farhodjon Shermatov Mudofaa vazirligi markaziy apparatida (Kadrlar bosh boshqarmasi boshlig‘i) ishlab yurgan kezlarida ham har jihatdan faol harbiy xizmatchi bo‘lgan. 2020-yildan Shimoli-g‘arbiy harbiy okrug qo‘mondoni vazifasida xizmat qilib kelayotgan ushbu inson soha doirasida Nukus tomonlarda ko‘p yaxshi o‘zgarishlarni amalga oshirdi, xususan, Xalq va armiyani bir-biriga yanada yaqinlashtirdi. Bu esa hozirgi tahlikali zamonda juda muhim.

Men oddiy fuqari sifatida bularni qayerdan bilaman? Ommaviy axborot vositalari, xususan, Mudofaa vazirligi axborot xizmati tomonidan tayyorlangan video-foto materiallardan ko‘rib, xabaru maqolalardan o‘qib ular haqidagi ma'lumotlarga ega bo‘lganman.

Nima demoqchiman, vazirlik miqyosida har qanday shaxsning ishini davlat rahbari, vazir va xalqqa ko‘rsatib beradigan shu odamlar — harbiy jurnalist-muxbirlardir. Ko‘pincha ularning ishi unutiladi. To‘g‘ri, general bo‘lish uchun necha ming qiyinchiliklarni boshidan o‘tkazgan, past-baland yo‘llarni bosib o‘tishgan. Ammo qaysidir ma'noda erishilgan yutuqda harbiy jurnalistlarning ham hissasi borki, biz ularni yaxshi taniymiz.

General-mayorlarimiz ushbularni inobatga olib, harbiy jurnalistlarimizga o‘z tashakkurlarini albatta yo‘llaydilar. Balki allaqachon shunday qilishgandir, qaydam. Har qanday taqdirda ham Vatan omon bo‘lsin!

Temur Malik, Sartoy

Harbiy blog👉 @mudofaauz

RASMIY MUNOSABAT

Ijtimoiy tarmoqlarda Toshkent viloyati Zangiota tumanidagi harbiy qismlarning birida muddatli harbiy xizmatni oʻtayotgan 20 yoshli yigitning vafot etgani yuzasidan xabar tarqaldi.

Holat yuzasidan Qurolli Kuchlar Sud tibbiy ekspertiza markazi mutaxassislari tomonidan tibbiy ekspertiza oʻtkazilgan hamda Toshkent harbiy prokuraturasi tomonidan tergovga qadar tekshiruv harakatlari oʻtkazilmoqda. Tekshirish natijasi haqida qoʻshimcha axborot taqdim etiladi.

O‘zbekiston Respublikasi Mudofaa vazirligi

Harbiy blog👉 @mudofaauz

Mudofaa vazirligi tomonidan Toshkent shahri bo‘ylab harbiy dala oshxonalari tashkil etildi

Havo haroratining keskin tushib ketishi munosabati bilan Mudofaa vazirligi tomonidan Toshkent shahri hududlarida isitish punktlari faoliyati yo‘lga qo‘yildi.

Poytaxt va tuman hokimliklari bilan hamkorlikda tashkil etilgan mazkur isitish punktlarida fuqarolarga issiq choy va yeguliklar taklif etilmoqda. Shuningdek, ularning vaqtni mazmunli o‘tkazishlari uchun kitoblar, ko‘ngilochar vositalar, shaxmat-shashka o‘yinlari ham tashkil etilgan.

Harbiy blog👉 @mudofaauz

Harbiy dala oshxonalari tashkil etilgan hududlar ro‘yxati:

•Mirzo Ulug‘bek tumani — «Alisherobod» va «Olimlar mehallasi» (90-074-63-66, 91-773-02-42);
•Mirobod tumani — «Birodarlik» va «Parvona» mahallalari (88-548-19-74, 97-293-80-30);
•Yakkasaroy tumani — «Bobur» va «Boshliq» mahallalari (99-817-79-56, 99-837-79-56);
•Olmazor tumani — «Quyosh» va «Shodiyona» mahallalari
(97-759-91-77, 97-749-92-46);
•Yangihayot tumani — «Navqiron» mahallasi (77-019-22-19);
•Uchtepa tumani — «Ko‘hna cho‘ponota» va «Vatan» mahallalari
(00-244-42-29, 88-244-42-29);
•Chilonzor tumani — «Sharaf» mahallasi (97-484-92-73);
•Yashnobod tumani — «Jarboshi» va «Shironobol» mahallalari
(99-494-95-14, 97-034-00-52);
•Yunusobod tumani — «Otchopar I» va «Posira» mahallalari
(97-463-08-75);
•Shayxontohur tumani — «Yangibel» mahallasi (97-345-09-82);
•Sergetli tumani — «Xonobod» va «Sadoqat» mahallari
(99-052-66-83, 99-324-73-06).

Harbiy blog👉 @mudofaauz

⚡️O‘zbekistonda havo haroratining keskin tushib ketishi munosabati bilan joylarda tiklangan va faoliyati muntazam ravishda yo‘lga qo‘yilgan harbiy dala oshxonalari haqida fuqarolar nima deydi?

Joniga balli shu harbiy xizmatchilarning. Vatan himoyasidan tortib, eng mayda qora ishlargacha turib bera oladi. Nolib yoki "zapadlo" ko‘rib yurgan joyi yo‘q. Ha, mudofaa deganda faqat qo‘lga qurol ushlab, chegarada turish yoki bo‘lmasa otishma-yu jangu jadallarda qatnashish tushunilmaydi. Shunday bo‘lgan taqdirda ham enasini ko‘rsatib yuborishadi. 💪😁

Temur Malik, Sartoy

Harbiy blog👉 @mudofaauz

Fuqaroga qanday qilib harbiy unvon berildi?

O‘tgan bayram tantanalari davomida Samarqand viloyati hokimi Эркинжон Турдимов va Farg‘ona viloyati hokimi Хайрулло Бозоровga O‘zbekiston Respublikasi mudofaa vazirining tegishli buyrug‘i bilan polkovnik harbiy unvoni berilgan edi.

Hokimbuvalar unvonni okruglar qo‘mondonlaridan qabul qilib olgach, vaziyatni o‘z ko‘zi bilan kuzatib turgan odamlarda yuqoridagi savol tug‘ildi. Bu qanday bo‘ldi?

O‘zbekistonda rezervdagi harbiy xizmatga majburlar ro‘yxati bor. Ularda ham huddi harbiy xizmatchilarda bo‘lgani kabi harbiy unvonlar belgilangan muddatda o‘tirgan joyiga qarab ko‘tarilib boradi. Bu nima uchun kerak, deysizmi? Hamisha tinchlik bo‘lsin. Qolgani harbiy sir, deydi-ku)

Buni hech qanday tushunarsiz joyi yo‘q. "O‘zbekiston Respublikasi fuqarolarining harbiy xizmatni o‘tash tartibi to‘g‘risida"gi nizomning 224,26,32 va 341-bandi talablariga asosan Mudofaa vazirining tegishli burug‘i bilan ikki hokimga navbatdagi polkovnik unvoni berildi. Ular avval rezervdagi podpolkovnik bo‘lgan.

Nu bari qonuniy. Yanayam tushunmagan va albatta erinmagan odam bo‘lsangiz O‘zbekiston Respublikasi Prezidentining 12.09.2019-yildagi ПҚ-4447-sonli qarorini tegishli bandlari bilan o‘zingiz uchun tanishib oling. Baribir tushunturolmadim a? 😁

Temur Malik, Sartoy

Harbiy blog👉 @mudofaauz

Bugun, 20-yanvar — Xalqaro erlar kuni ekan. Shu munosabat bilan bugun harbiy xizmatchilarga doimgidan ertaroq, hech bo‘lmaganda ortiqcha ushlab qolmasdan uyiga javob beramiz, hurmatli komanduyushiylar. Naryaddagilarga esa hamdardlik bildiramiz. Sizning kuningiz ertaga. 😁

Harbiy blog👉 @mudofaauz

«Amir Temur jangovar bayrog‘i uchun» musobaqasi haqida 5 fakt:

1. Amir Temur saltanatida bayroq mamlakat ramzi, ulug‘vorlik timsolini ifodalagan. Jang maydoni uzra bayroqning mag‘rur hilpirab borishi jangchilarga cheksiz ruh va kayfiyat baxsh etgan. Qadim tariximizning qahramonlari bayroqni chin ma’noda ozodlik, kuch-qudrat, jasorat, g‘alaba timsoli sifatida qadrlab kelgan.

2. O‘zbekiston Respublikasi Prezidentining 2021-yil 30-noyabrdagi qaroriga asosan Mudofaa vazirligi qo‘shinlarida har ikki yilda bir marotaba «Amir Temur jangovar bayrog‘i uchun» musobaqasi o‘tkazilishi belgilangan.

3. Musobaqa har yili ikki bosqichda o‘tkazilib, birinchi bosqich quyidagicha tavsiflanadi:
Jangovar-xizmat faoliyat: ko‘rik-tanlov; sport musobaqalari; bellashuvlar;
Professional tayyorgarlik: o‘quv va mashqlar; inspektorlik sinovlari; nazorat (yakuniy) sinovlari;
Axloqiy-ruhiy tayyorgarlik: harbiy intizom holati; huquq-tartibot bo‘yicha ma’lumotlar.

4. Musobaqaning ikkinchi (yakuniy) bosqichi Mudofaa vazirligining maxsus komissiyasi tomonidan yil davomida turli xalqaro va respublika miqyosidagi musobaqa hamda ko‘rik-tanlovlar natijalari sarhisob qilinadi. Shu bilan birga harbiy okruglar (birlashmalar) jamoalari bilan milliy sport turlari va milliy qadriyatlar yo‘nalishida musobaqalar o‘tkaziladi.

5. Musobaqada 1-o‘rinni egallagan harbiy okrug g‘olib deb hisoblanadi va «Amir Temur jangovar bayrog‘i», I darajali diplom va qimmatbaho sovg‘a bilan taqdirlanadi.

P.s: Hozir bayroq Markaziy harbiy okrug qo‘lida. Ikki yildan keyin kuchi yetgani maydonga tushib, halol o‘ynab olishga harakat qilishadi. Shu bilan bu haqda ikki yildan keyin gaplashamiz.

Temur Malik, Sartoy

Harbiy blog👉 @mudofaauz

Yangi O‘zbekiston harbiy xizmatchilari nechta tilda so‘zlasholadi?

⚡️Harbiy xizmatchilarga xorijiy tillarni o‘rgatuvchi markaz imkoniyatlari haqida ajoyib lavha tayyorlanibdi. Chittakcha muxbir qizga esa shunchaki respect.

Harbiy blog👉 @mudofaauz

#Tayinlov

⚡️O‘zbekiston Prezidentining tegishli farmoyishi bilan Markaziy harbiy okrug qo‘shinlari qo‘mondoni general-mayor Saidov Aybek Azadovich Sharqiy harbiy okrug qo‘shinlari qo‘mondoni etib tayinlandi.

⚡️General-mayor Saidov Aybek Azadovich 2017-yil oktabrdan beri Markaziy harbiy okrug qo‘shinlari qo‘mondoni lavozimida ishlab kelayotgan edi.

Harbiy blog👉 @mudofaauz

#Tayinlov

Oʻzbekiston Prezidentining tegishli farmoyishi bilan polkovnik Farrux Nartojiyevich Ziyabayev Markaziy harbiy okrug qoʻshinlari qoʻmondoni etib tayinlandi.

Farrux Nartojiyevich ushbu tayinlovga qadar Oʻzbekiston Respublikasi Qurolli Kuchlari Bosh shtabi boshligʻining oʻrinbosari lavozimida faoliyat olib borgan.

Harbiy blog👉 @mudofaauz

#tayinlov

⚡️O‘zbekiston Prezidentining tegishli farmoyishi bilan Sharqiy harbiy okrug qo‘shinlari qo‘mondoni polkovnik Buzrukov Lutfullo Yusupovich Qurolli Kuchlar Bosh shtabi boshlig‘ining o‘rinbosari lavozimiga tayinlandi.

Lutfullo Buzrukov 2018-yil yanvardan beri Sharqiy harbiy okrug qo‘shinlari qo‘mondoni lavozimida faoliyat yuritib kelayotgan edi.

Harbiy blog👉 @mudofaauz

⚡️Mudofaa vazirligining harbiy-tibbiy va qidiruv-qutqaruv guruhi Turkiyaga safarbar qilindi.

▪️Harbiy-tibbiy otryad tarkibida tajribali tibbiyot xodimlaridan tashqari kinologlar (xizmat itlari bilan) va ta’minotchilar ham bor bo‘lib, ular o‘z yo‘nalishi bo‘yicha barcha kerakli anjom va uskunalar bilan ta’minlangan.

Harbiy blog👉 @mudofaauz

Dunyodagi eng katta armiyaga ega davlatlar. TOP-10

Xitoy: 2 mln 35 000 harbiy
AQSH: 1 mln 374 699 harbiy
Hindiston: 1 mln 395 500 harbiy
Shimoliy Koreya: 1 mln 200 000 harbiy
Rossiya: 900 000 harbiy
Pokiston: 653 800 harbiy
Janubiy Koreya: 599 000 harbiy
Eron: 523 000 harbiy
Misr: 440 000 harbiy
Turkiya: 355 200 harbiy

Harbiy blog👉 @mudofaauz

Shvetsiyada so‘nggi 25 yillikdagi eng yirik harbiy mashg‘ulot "Avrora-23" tadbiri bo‘lib o‘tadi

Quruqlik va dengiz qo‘shinlari ishtirokida bo‘lib o‘tadigan mashg‘ulotlar 11 maygacha davom etadi. Tadbirda 14 davlatdan kelgan 26 ming harbiylar, jumladan ukrainalik askarlar ham ishtirok etishadi. Mashg‘ulotlarda asosan havo hujumidan mudofaa tizimi sinovdan o‘tkaziladi.

Harbiy blog👉 @mudofaauz