Dunyodagi eng katta armiyaga ega davlatlar. TOP-10

Xitoy: 2 mln 35 000 harbiy
AQSH: 1 mln 374 699 harbiy
Hindiston: 1 mln 395 500 harbiy
Shimoliy Koreya: 1 mln 200 000 harbiy
Rossiya: 900 000 harbiy
Pokiston: 653 800 harbiy
Janubiy Koreya: 599 000 harbiy
Eron: 523 000 harbiy
Misr: 440 000 harbiy
Turkiya: 355 200 harbiy

Harbiy blog👉 @mudofaauz

Shvetsiyada so‘nggi 25 yillikdagi eng yirik harbiy mashg‘ulot "Avrora-23" tadbiri bo‘lib o‘tadi

Quruqlik va dengiz qo‘shinlari ishtirokida bo‘lib o‘tadigan mashg‘ulotlar 11 maygacha davom etadi. Tadbirda 14 davlatdan kelgan 26 ming harbiylar, jumladan ukrainalik askarlar ham ishtirok etishadi. Mashg‘ulotlarda asosan havo hujumidan mudofaa tizimi sinovdan o‘tkaziladi.

Harbiy blog👉 @mudofaauz

TASS agentligi manabalariga ko‘ra, bu yil Xalqaro armiya o‘yinlari o‘tkazilmaydi. Endi ArMI har ikki yilda bir marta o‘tkaziladi. Navbatdagi musobaqalar 2024-yilda bo‘lib o‘tadi.

Ma'lumot rasmiy tasdiqlanmagan.

Harbiy blog👉 @mudofaauz

Eslatib o‘taman, “ArMI–2022” VIII Xalqaro armiya o‘yinlarida O‘zbekistin harbiylari 7 ta oltin, 10 ta kumush, 5 ta bronza medallarini qo‘lga kiritgan. Shuningdek, shovvozlar 22 ta shaxsiy va jamoaviy rekord natijalarni ham qayd etib, 37 ta davlat ichida umumjamoa hisobida faxrli ikkinchi o‘rinni egallagan.

Agar yuqoridagi ma'lumot rasmiy tasdiqlansa, harbiylarimiz har ikki yilda katta kuch bilan bundan ham yaxshi natijalarni qayd etishadi, shubhasiz.

P.s: Misha, armiya o‘yinlari otmen, bu yil dam olamiz. 😁

Harbiy blog👉 @mudofaauz

Vazirlar Mahkamasining "O‘zbekiston fuqarolarini harbiy ro‘yxatga kiritish va undan chiqarish bo‘yicha davlat xizmatlari ko‘rsatishning ma’muriy reglamentini tasdiqlash to‘g‘risida"gi qarori loyihasi e’lon qilindi.

O‘zbekiston fuqarolariga davlat xizmatlari markazlari yoki Yagona interaktiv davlat xizmatlari portali (YaIDXP) orqali harbiy ro‘yxatga kiritish va undan chiqarish bo‘yicha davlat xizmatlarini ko‘rsatish tartibini belgilashni nazarda tutuvchi O‘zbekiston fuqarolarini harbiy ro‘yxatga kiritish va undan chiqarish bo‘yicha davlat xizmatlari ko‘rsatishning ma’muriy reglamenti tasdiqlanadi.

Belgilanishicha, O‘zbekiston fuqarolari harbiy ro‘yxatga kirishi va undan chiqishi bo‘yicha davlat xizmatlaridan foydalanish uchun faqat davlat xizmatlari markazlari yoki YaIDXP orqali murojaat qiladi.

O‘zbekiston Mudofaa vazirligi Adliya vazirligi, Raqamli texnologiyalar vazirligi hamda boshqa davlat organlari bilan birgalikda mudofaa ishlari organlarining tegishli axborot tizimlarini YaIDXP bilan o‘zaro integratsiya qilinishini ta’minlaydi.

Adliya vazirligi:

davlat organlari va boshqa tashkilotlar tomonidan jismoniy shaxslarga davlat xizmati ko‘rsatishning belgilangan tartibiga rioya etilishi bo‘yicha ularning faoliyati yuzasidan, jumladan, YaIDXP orqali doimiy nazorat o‘rnatadi;

davlat xizmatlari ko‘rsatish sohasidagi qonunchilik hujjatlarini buzganlik uchun davlat organlari va boshqa tashkilotlar mansabdor shaxslariga nisbatan belgilangan tartibda ma’muriy jazolar qo‘llaydi.

Harbiy blog👉 @mudofaauz

Oʻzbekiston Respublikasi mudofaa vaziri general-leytenant Bahodir Qurbanov yurtimizga tashrif buyurgan Italiya mudofaa vaziri Krozetto Gvidoni qabul qildi.

▪️Rasmiy qabul marosimi avvalida nufuzli mehmon sharafiga faxriy qorovul saf tortdi. Ikki davlat madhiyalari yangradi.

▪️Shundan soʻng boʻlib oʻtgan uchrashuvda xavfsizlik va mudofaa sohasidagi hamkorlikning bugungi holati, uning rivojlanish istiqbollari muhokama qilindi.

Harbiy blog👉 @mudofaauz

Bugun O‘zbekiston Mudofaa vazirligida harbiy delegatsiyalar kuni bo‘ldi-yov...

▪️Italiya mudofaa vaziridan so‘ng Havo hujumidan mudofaa qoʻshinlari va Harbiy havo kuchlari qoʻmondoni general-mayor Ahmad Burxonov Turkiya Respublikasining Harbiy havo kuchlari qoʻmondoni armiya generali A. Gulan boshchiligidagi delegatsiyani qabul qildi.

▪️27-aprel kuni delegatsiya vakillarining Qarshi shahridagi Oʻzbekiston Respublikasi Oliy harbiy aviatsiya bilim yurti faoliyati hamda Samarqand shahrining tarixiy obidalari bilan tanishishi ham koʻzda tutilgan.

P.s: Insayderlarning ma'lum qilishicha, hali navbatda Qozog‘iston harbiy delegatsiyasi turibdi. Harbiy hamkorliklar ko‘lami kengaymoqda.

Harbiy blog👉 @mudofaauz

Qozogʻiston Respublikasi Qurolli Kuchlari Bosh shtabi navigatsiya-geoaxborot taʼminoti departamenti boshligʻi polkovnik Serik Joldibayev boshchiligidagi harbiy delegatsiya Oʻzbekiston Respublikasi Qurolli Kuchlari Bosh shtabi navigatsiya taʼminoti boshqarmasi boshligʻi podpolkovnik Bahrom Sultonov hamda Mudofaa vazirligi kartografiya markazi masʼul ofitserlari bilan amaliy uchrashuv boʻlib oʻtdi.

Harbiy blog👉 @mudofaauz

“Alpomish” ot sporti klubi foydalanishga topshirildi

Surxondaryo viloyati Denov tumanida joylashgan Janubi-gʻarbiy maxsus harbiy okrug tasarrufidagi harbiy qismga qarashli “Alpomish” ot sporti klubi faoliyati yo‘lga qo‘yildi.

Umumiy maydoni qariyb 2 gektarni tashkil etadigan ushbu majmua jami 20 bosh tulporni parvarishlashga moʻljallangan.

Bu yerda otlarni saqlash, ularga tibbiy xizmat koʻrsatish, yuvintirish, taqalash, izolyatsiya qilish kabi xonalarda tulporlarni qishki va yozgi mavsumda ham sogʻlom parvarishlash uchun barcha shart-sharoitlar yaratilgan.

Zamon talablariga toʻliq javob beradigan, barcha qulayliklarga ega mazkur “Alpomish” ot sporti klubi kecha foydalanishga topshirilgan.

Harbiy blog👉 @mudofaauz

O‘zbekiston mudofaa vaziri general-leytenant Bahodir Qurbonov Hindistonda!

▪️Hindiston poytaxti Nyu-Delida Shanxay hamkorlik tashkilotiga a’zo davlatlar mudofaa vazirlarining yig‘ilishi bo‘lib o‘tmoqda.

▪️Yig‘ilishda mudofaa vazirlari mintaqaviy tinchlik va xavfsizlik, SHHT doirasida terrorizmga qarshi kurash masalalarini muhokama qiladi.

Harbiy blog👉 @mudofaauz

"Vatan tayanchi" bolalar va o‘smirlar harbiy-vatanparvarlik harakati a'zolarining formasini boplashibdi.

Nima ham deymiz, harakat doim harakatda bo‘lsin.

Harbiy blog👉 @mudofaauz

Aytganday, ayni kunlarda Xotira va qadrlash kuni munosabati bilan poytaxtda joylashgan "G‘alaba bog‘i" yodgorlik majmuasi barchaga o‘z eshiklarini ochgan. Bayram tadbirlar 9-mayga qadar har kuni davom etadi.

Shuniyam eslatib o‘tay, "G‘alaba bog‘i"ga kirish 7 yoshgacha bo‘lgan bog‘cha bolalariga, nafaqadagi keksalarga va nogironligi bor shaxslarga tekin. Maktab, kollej va litsey o‘quvchalari uchun bog‘ni aylanish 2 000, bog‘ hududida joylashgan "Shon-sharaf" muzeyi 4 000. Obshi 6 000 so‘mga maza qilib ketishadi. Talabalar uchun bu so‘mma 9000 ming etib belgilangan.

Umuman olganda qolgan barcha uchun bog‘ hududiga kirish 4000, "Shon-sharaf" muzeyi 6000 so‘m. Obshi 10 000 so‘mga arziydi, atak.

Gid xizmatidan foydalanib aylanmoqchi bo‘lsangiz oilaviy 80 000, o‘quvchilar uchun 30 000, talabalar uchun 45 000 so‘m. 25 nafar sayohatchiga bir nafar gid biriktiriladi. Xullas, kelovrasilar.

Temur Malik, Sartoy

Harbiy blog👉 @mudofaauz

Ikkinchi jahon urushi qatnashchilariga 18 000 000 so‘mdan beriladi

Ikkinchi jahon urushi qatnashchilarini ragʻbatlantirish toʻgʻrisida Oʻzbekiston Respublikasi Prezidentining farmoni e’lon qilindi.

Farmonga ko’ra, Ikkinchi jahon urushi qatnashchilari va nogironlarining har biriga 18 000 000 soʻm miqdorida bir martalik pul mukofoti beriladi. Eslatib o‘taman, Ikkinchi jahon urushi qatnashchilari va nogironlarining har biriga 2022-yil 15, 2021-yil 12, 2020-yil 10, 2019-yil 7,5 million so‘m miqdorida bir martalik pul mukofotlari belgilangan edi.

Prezident farmonini bajarish bilan bogʻliq boʻlgan sarf-xarajatlar Oʻzbekiston Respublikasining respublika byudjeti mablagʻlari hisobidan amalga oshiriladi. Shuningdek, Farmonda Ikkinchi jahon urushi qatnashchilari va nogironlariga ushbu pul mukofotining tantanali hamda bayramona tarzda topshirilishi belgilab o‘tilgan.

2023-yil 2-may holatiga ko‘ra, O‘zbekistonda Ikkinchi jahon urushi qatnashchilari va nogironlarining soni 174 nafarni tashkil etadi. Ularning soni 2022-yili 236, 2021-yili 390, 2020-yili 635 nafar edi...

Harbiy blog👉 @mudofaauz

Mudofaa vazirligi bergan ma'lumotga ko‘ra, 9-may kuni soat 21.00 da Xotira va qadrlash kuni munosabati bilan Toshkent shahrida joylashgan “Yangi O‘zbekiston bog‘i”da bayram mushakbozligi tashkil etiladi.

Harbiy blog👉 @mudofaauz

O‘zbekiston Respublikasida istiqomat qiluvchi Ikkinchi jahon urushi va front orti qatnashchilarining soni 2023-yil 6-may holatiga ko‘ra 174 nafarni tashkil qiladi.

Shundan, viloyatlar kesimida quyidagicha:

Qaraqalpog‘iston Respublikasi — 3 nafar;
Andijon viloyati — 6 nafar;
Buxoro viloyati — 7 nafar;
Jizzax viloyati — 6 nafar;
Qashqadaryo viloyati — 10 nafar;
Navoiy viloyati — 9 nafar;
Namangan viloyati — 7 nafar;
Samarqand viloyati — 10 nafar;
Sirdaryo viloyati — 3 nafar;
Surxondaryo viloyati — 8 nafar;
Toshkent viloyati — 26 nafar;
Farg‘ona viloyati — 19 nafar;
Xorazm viloyati — 5 nafar;
Toshkent shahri — 55 nafar.

100 va 100 yoshdan oshgan Ikkinchi jahon urushi va front orti qatnashchilarining soni 25 nafarni tashkil qiladi. Ularning umumiy hisobda eng kichigi 78 yoshda bo‘lsa, eng kattasi 112 yoshda.

Harbiy blog👉 @mudofaauz

Qurolli Kuchlar tizimida harbiy xizmatchilarning turar-joy taʼminotini tartibga soluvchi avtomatlashtirilgan elektron platforma yaratilibdi.

Mutaxassislarning ta'kidlashicha, endi harbiy xizmatchilarni uy bilan ta'millashda shakllantiriladigan ro'yxat va navbatga inson omili kamroq aralashadi. Ya'ni, tanish-bilishchilik o‘t-may-di, demoqchi. Baribir yo‘li to-pi-la-di, desam)

Xususan, platforma quyi boʻgʻinlar faoliyati nazoratini soddalashtiribgina qolmasdan hujjatlarni toʻplab, uy-joy komissiyasiga taqdim qilishni osonlashtiradi hamda turar-joylar taqsimotining shaffofligi va adolatligini taʼminlashga xizmat qiladi, deyilmoqda Mudofaa vazirligi bergan xabarda.

Harbiy blog👉 @mudofaauz

Mudofaa vazirligi tog‘ sharoitida ekstremal mashg‘ulot aks etgan video e'lon qildi

Video tasvirlarida ko‘rinib turibdiki, jangovar mashg‘ulotlar Qashqadaryodagi Amir Temur g‘ori atrofida o‘tkazilgan. Bu ham bir belgi bo‘lishi mumkin.

Harbiy blog👉 @mudofaauz

Ayni kunlarda “Angren” poligonida o‘zbek-qozoq maxsus bo‘linmalari hamkorlikda mashg‘ulotlar o‘tkazmoqda

Vazirlikdagi insayderlarimizning ma'lum qilishicha, “Qalqon-2023” deb nomlangan maxsus-taktik oʻquvlar ayni damda Qozog‘istonda ham parallel ravishda davom etmoqda.

Harbiy blog👉 @mudofaauz

Mudofaa vazirligi maxsus bo‘linmalar xizmat itlari bilan o‘tkazilgan o‘quv mashg‘ulotini namoyish qildi

⚡️Maza qilgan joyim xizmat itiga kamera o'rnatilgani bo'ldi. Ko'rish kerak!

Harbiy blog👉 @mudofaauz

18-may — Xalqaro muzeylar kuni

Shu munosabat bilan bugun yurtimizdagi barcha muzeylarga kirish mutlaqo bepul. O‘zi qimmat ham emas, prosta biz bormaymiz.

G‘alaba bog‘iga shuncha borgan bo‘lsam tayinli aylanmabman. Qurri rasmga tushib qaytib kelaverganman. Lekin sana munosabati bilan mana bu tayyorlangan lavhani ko‘rib, biror kun Shon-sharaf muzeyiga telefonsiz borishga qaror qildim. )

P.s: Mudofaa vazirligi topilmasi — lavhadagi qizcha bilan bir selfi tusharim bor. 😁

Harbiy blog👉 @mudofaauz