“Qalqon-2023”

▪️O‘zbek-qozoq maxsus boʻlinmalarining maxsus-taktik oʻquvi. Jangari kino ko‘rganday bo‘lasiz. Qiyvorishibdi)

Harbiy blog👉 @mudofaauz

Mudofaa vazirligi parashyut bilan sakrash mashqlari aks etgan videoni e'lon qildi

Videoda ko‘rish mumkinki desantchilar xizmat itlari bilan birga parashyut bilan sakrashgan.

Ha, videoni bundan ham zo‘r tayyorlasa bo‘lardi, ammo mohiyat boshqa tomonda. Bir necha yuz metir balandlikdasiz, vertolyotdan boshingizni chiqarib pastga qaraysiz, sakrash uchun esa qanday dux kerakligini endi tasavvur qilavering.

Uy tomiga antennani burashga chiqish emas bu! 😁

Harbiy blog👉 @mudofaauz

O‘zbekiston armiyasi 2030-yilga qadar eng zamonaviy qurol-aslaha va harbiy texnika bilan ta’minlanadi

Bu haqda Shavkat Mirziyoyev O‘zLiDePning o‘n birinchi syezdida aytib o‘tdi.

“Afg‘onistonda beqarorlik saqlanib qolayotgani barchamizni jiddiy tashvishga solmasdan qo‘ymaydi. Bunday murakkab jarayonlarda bizning bosh maqsadimiz – O‘zbekistonning davlat mustaqilligi, uning sarhadlari daxlsizligi va hududiy yaxlitligini yanada mustahkamlashdan iborat bo‘ladi.

Bu borada Qurolli Kuchlarimizning qudrati, mudofaa qobiliyatimiz va harbiy salohiyatimizni yanada oshirish maqsadida, milliy armiyamiz 2030-yilga qadar eng zamonaviy qurol-aslaha va harbiy texnika bilan ta’minlanadi. Qo‘shinlarning jangovar ruhi va salohiyatini yuksaltirish, harbiy xizmatchilarni tayyorlash, ularni ijtimoiy-huquqiy himoya qilish, yoshlarimizni vatanparvarlik ruhida tarbiyalash borasida boshlagan ishlarimizni jadallashtiramiz”, dedi Shavkat Mirziyoyev.

Harbiy blog👉 @mudofaauz

O‘zbekiston harbiylari Turkiyada o‘tkazilayotgan “Eng ilg‘or mergan” xalqaro musobaqasida ishtirok etyapti ekan. Bu haqda Mudofaa vazirligi matbuot xizmati xabar tarqatdi.

Nimayam deymiz, tolka ko‘zidan uramiz jigarlar!

Harbiy blog👉 @mudofaauz

10 kun davom etgan bellashuvlarda xorijiy davlat armiyalarining 42 ta jamoasi ichida bizning jigarlar 2-oʻrinni qoʻlga kiritibdi.

Birinchi va uchinchi o‘rinlar turkiyaliklarga nasib qilgan. Shunday bo‘lgan taqdirda bizni shovvozlar birni olgan hisoblanadi-da baribir a)

Harbiy blog👉 @mudofaauz

Jaloliddin Manguberdi nomidagi harbiy-akademik litseyi tashkil etiladi

Mudofaa vazirligi tarkibida davlat muassasasi shaklida Jaloliddin Manguberdi nomidagi harbiy-akademik litseyi tashkil etiladi. Tegishli qaror prezident tomonidan imzolandi.

Qabul va o‘quv jarayoni 2023/2024-o‘quv yilidan boshlanadi, o‘quv jarayoni davomiyligi ikki yil bo‘lib, yillik qabul kvotasi 150 nafarni tashkil etadi.

Litseyning asosiy vazifalari:

▪️o‘quvchilarda xalqimizning ma’naviy-ma’rifiy qadriyatlariga, madaniyati va urf-odatlariga chuqur hurmatni, ularda halollik, vijdoniylik, vatanparvarlik, sadoqat, fidokorlik singari insoniy fazilatlarni, shuningdek, milliy g‘urur tuyg‘ularini shakllantirish;

▪️xalqimizning tarixi va boy madaniyati, buyuk ajdodlarimizning qoldirgan bebaho merosi, Vatan ozodligi va farovonligi yo‘lida o‘zini qurbon qilgan zamondosh vatandoshlarimizning qahramonligi asosida O‘zbekiston xalqiga sodiq, qat’iy hayotiy qarashlar va faol fuqarolik pozisiyasiga ega bo‘lgan o‘quvchilarni tarbiyalash va boshqalar.

❗️Litsey o‘rta maxsus ta’lim muassasasi hisoblanib, Urganch shahrida joylashadi.

Harbiy blog👉 @mudofaauz

❗️15 yildan ortiq xizmat qilgan harbiylar uchun uy-joyga dastlabki badalning 50 foizini (avval 25 foiz edi) davlat ajratadi. Bu haqda prezidentlikka nomzod Shavkat Mirziyoyev saylovoldi targ‘ibotida aytib o‘tdi.

Shuningdek:

▪️kontrakt asosida xizmat qilayotgan harbiylar maoshi 2030-yilga qadar yana 2 karra oshiriladi.

▪️yil yakunigacha harbiylar uchun 2 mingdan ortiq, kelgusi yetti yilda esa, yana 20 mingta uy-joy qurib beriladi.

▪️boquvchisini yo‘qotgan, nogiron bo‘lib qolgan harbiylarning kredit qarzdorligi esa byudjetdan qoplanadi;

▪️pensiyadagi harbiylarning farzandlariga alohida kvota doirasida oliygohga kirish uchun imtiyozlar beriladi;

▪️og‘ir kasallikka chalingan harbiylarning chet elda davolanishiga alohida mablag‘lar ajratiladi.

Harbiy blog👉 @mudofaauz

Mudofaa vazirligi harbiy xizmatchilar o‘rtasida ilk bor o‘tkazilgan “Taktik o‘qchi” musobaqasi videosini e'lon qildi.

Harbiy blog👉 @mudofaauz

Vazirlikdagi insayderlarimizning ma'lum qilishicha, bu hafta tizimda xalqaro tashriflar ko‘p bo‘ladigan. Bugun Mudofaa vazirligiga Koreya Respublikasidan harbiy delegatsiya kelishi kutilmoqda.

O‘zi oxirgi payt harbiy hamkorlik masalalariga jiddiy e'tibor qaratilyapti. Bu boradagi tadbirlar esa jadallashgan. Hozirgi tahlikali bir davrda harbiy hamkorlik muhim, albatta.

Mudofaamiz qudratiga ko‘z tegmasin. Bosamiz, jigarlar!

Harbiy blog👉 @mudofaauz

Anikay! O‘zbekiston mudofaa vaziri general-leytenant Bahodir Qurbonov Koreya Respublikasi milliy mudofaa vaziri Li Jong Sup boshchiligidagi delegatsiyani qabul qilibdi.

Ikki davlat mudofaa vazirlari uchrashuvda harbiy sohada erishilgan yutuqlar va kelgusida amalga oshirilishi rejalashtirilayotgan masalalar borasida gaplashgan.

Harbiy blog👉 @mudofaauz

Temurbeklar maktabi bitiruvchilarining imtihonda to‘plagan ballari keng muhokamalarga sabab bo‘lmoqda. Ukalar, bosinglar! Oddiy odam uchun birinchi planda aynan sizlar ko‘zga baloday ko‘rinasizlar. Ammo bunda sizlarning ayblaringiz yo‘q.

Nima bo‘lsa bo‘ldi, bu yil pishdi. Keyingi yil bitiruvchilarining ahvoli biroz qiyin bo‘ladigan endi. Chunki men ham boshqalar kabi sizlarning alohida kvota asosida "jang" olib borishlaringizni yoqlayman. Bu bo‘yicha hujjat ishlab chiqilishidan umidvorman, har holda.

Ta'limda adolat muhim. Qolgan bilimli ammo imtiyozsiz uka-singillarimizning ham yelkasiga shamol tegishi, mehnatlarining rohatini ko‘rishi kerak.

O‘zi sizlar shuncha yil Temurbeklar maktabida maxsus tayyorgarlik asosida o‘qib, nega endi "grajdanskiy" ta'lim muassasalariga o‘qishga kiryapsiz? Maktabni tashkil qilishdan maqsad nima edi unda? Armiyaga sizdek maxsus tayyorgarlikdan o‘tgan yigitlar kerak-ku, axir?!

Temur Malik, Sartoy

Harbiy blog👉 @mudofaauz

Maktab bitiruvchilari bilan harbiy poligonlarda amaliy otish mashg‘ulotlari o‘tkazilishi qonuniylashtirilmoqda

✅Vazirlar Mahkamasining “Ta’lim muassasalarida chaqiruvga qadar boshlang‘ich tayyorgarlikni tashkillashtirish tartibi to‘g‘risidagi nizomni tasdiqlash haqida”gi qarori loyihasi e’lon qilindi.

Qaror loyihasida quyidagilar nazarda tutilgan:

▪️Qoraqalpog‘iston Respublikasi Vazirlar Mahkamasi, viloyat, tuman va shaharlar hokimliklari tomonidan ChQBTning moddiy-texnik jihatdan ta’minlanishi va o‘quv-moddiy bazasini barpo etish ishlarini amalga oshirish mexanizmlarini belgilab berish;

▪️ChQBT fani o‘qituvchisi lavozimida faoliyat yuritayotgan zaxiradagi (rezervdagi) ofitserlarga navbatdagi harbiy unvon va malaka toifasi berilishi tartibini belgilash;

▪️umumta’lim maktablari, akademik litseylar, kasb-hunar maktablarida ChQBT fani o‘quv dasturi soatlari miqdorini ta’lim sohasida ro‘y bergan islohotlarni inobatga olgan holda yangidan belgilash;

▪️ChQBT fani o‘quv-moddiy bazasi obektlarini va ChQBT sinfi jihozlari ro‘yxatini tasdiqlash;

▪️mudofaa ishlari bo‘limlari va ta’lim muassasalarida o‘quv qurollarini (AK-74 o‘quv quroli, o‘quv granata va minalari, o‘quv patronlar) saqlanishi tartibini belgilash;

▪️umumta’lim maktablari, akademik litseylar, kasb-hunar maktablari bitiruvchilari (11-sinf va 2-kurs o‘g‘il bolalar) bilan harbiy poligonlarda amaliy otish mashg‘ulotlari o‘tkazilishini tashkillashtirish;

▪️ChQBT fani o‘qitilishi tashkil etilishiga oid hisobot hujjatlarini yagona tartibga keltirish va ushbu yo‘nalishda mas’ul organlar orasida hamkorlikni yo‘lga qo‘yish.

Harbiy blog👉 @mudofaauz

Qozog‘istonda o‘zbek-qozoq maxsus bo‘linmalarining birgalikdagi mashg‘ulotlari bo‘lib o‘tdi. Mudofaa vazirligi mashg‘ulotlarning asosiy fazasi aks etgan video e'lon qildi.

Mashg‘ulotlarni mudofaa vaziri general-leytenant Bahodir Qurbonov bevosita kuzatgan.

Harbiy blog👉 @mudofaauz