Chet tillaridan olingan sertifikatlarga doir yangiliklar

😀 Hukumatning 2025-yil 13-sentabrdagi 578-son qarori bilan tasdiqlangan Oliy ta’lim tashkilotlarining bakalavriatiga o‘qishga qabul qilish tartibi to‘g‘risidagi nizomga o‘zgartirishlar kiritildi.

✅ O‘zgarishlarga ko‘ra, endilikda fanlar majmuasining chet tili birinchi fan sifatida belgilangan ta’lim yo‘nalishlariga qabul xorijiy tilni bilish bo‘yicha kamida B1 darajasidagi milliy yoki xalqaro tan olingan sertifikat asosida amalga oshiriladi (avval B2 darajasida edi).

💠 Fanlar majmuasida chet tili mavjud bo‘lgan ta’lim yo‘nalishlariga qabul qilishda:

📌 B1 darajadagi milliy yoki xalqaro tan olingan sertifikatga ega abituriyentlarga ushbu fandan belgilangan maksimal ballning 75 foizi miqdorida ball beriladi;

📌 Shuningdek, B2 va undan yuqori darajadagi milliy yoki xalqaro tan olingan sertifikatga ega abituriyentlarga ushbu fandan belgilangan maksimal ball beriladi.

🔛 ESLATMA:

🟢 ushbu tartib joriy o‘quv yilidan boshlab yo‘lga qo‘yiladi;

🟢 muddati oʻtmagan barcha chet tillari sertifikatlariga taalluqli;

🟢 fanlar majmuasida birinchi yoki ikkinchi belgilangan bo‘lishidan qat’i nazar, barcha chet tillaridan olingan sertifikatlarga joriy etiladi.

✔️ Agentlikning rasmiy sahifalari:
Telegram | Facebook | Instagram | YouTube