ЯХШИ ОДАМЛАР

Орзу, ҳавас, тилагимдасиз,
Сиз борсизки дилда йўқ ғамлар,
Қалбимдасиз, юрагимдасиз,
Қадри баланд яхши одамлар.

Сизда бордир инсоф, диёнат,
Юзингиздан нур ёғар қат,қат,
Изингиздан гуллайди жаннат,
Содиқ ҳамдард яхши одамлар.

Адолат-чун отилган ўқсиз,
Кўзи ҳам тўқ,кўнгли ҳам тўқ сиз
Ғийбатчилар ичида йўқсиз,
Сўзлари қанд яхши одамлар.

Тегрангизда кўклам нафаси,
Сизга кўплар келар ҳаваси,
Қалбингизда эзгулик саси,
Бахту,омад яхши одамлар.

Бирингиз дўст,бирингиз улфат,
Сирдош,саҳий,дилларга дилбанд,
Сиз борсизки олис қиёмат,
Бўлинг ҳар вақт яхши одамлар.

Сиз-ла қалблар яшнайверади,
Диллар меҳр тўшайверади,
Сиз бор дунё яшайверади,
Қадри баланд яхши одамлар.

🌹🌹🌹

https://t.me/MUSLIMAAYOL12

Ba’zi insonlar qalbingda qoladi, taqdiringda emas…”

🌹🌹🌹

Эътибор кичик нарса эмас,
эътибор - хамма нарса!

🌹🌹🌹

ГУВОҲЛАРИНГИЗНИ ТЎҒРИЛАНГ!
❓ Бир кун сиз ҳақингизда энг яқинларингиз нима дейишини ўйлаб кўрганмисиз?

Хулқи гўзал фарзанд бўлинг!
Бир кун ота-онангиз сизни эслаб:
«Аллоҳим, фарзандимни раҳматингга ол! У бизни яхшиликка етаклар, гўзал муомаласи ва ширин каломи билан кўнглимизни олар эди», деб дуо қилсин.

Суюкли ёр бўлинг!
Турмуш ўртоғингиз сизни эслаб:
«Роббим, аёлимни раҳматингга ол! У менга вафодор, хонадонимга файз, фарзандларимга меҳрибон, қариндошларимга ҳурматли эди. Қийинчиликда сабр, фаровонликда шукр қилар эди. Қабрини жаннат боғчаларидан бир боғча қилгин», десин.

Меҳри дарё она бўлинг!
Фарзандларингиз сизни эслаб:
«Парвардигоро, меҳрибон онамни раҳматинг билан қуршагин Бизларни ўзидан устун кўрди, орамизга меҳр солди, бир-биримиздан айирмади. Бизларни аҳил қилди. Таълим берди, чиройли тарбия берди. Унга Ўзинг икром кўрсатгин, қабрини нурга тўлдиргин», деб дуо қилишсин.

Хушхулқ опа ёки сингил бўлинг!
Ака-укаларингиз сизни эслаб:
«Аллоҳим, опам (синглим) қалбимизнинг бир парчаси эди. Биз хабар олмасак ҳам, у ҳолимиздан хабар олар, борини биз билан баҳам кўрар эди. Ундан фақат яхши гаплар ва эзгуликлар кўрдик. Унга раҳм қилгин, қабрини жаннат боғчаларидан бир боғча қилгин», деб қолишсин.

Шафқатли келин бўлинг!
Қайнотангиз сизни эслаб:
«Келиним эмас, ўз қизимдек бўлиб қолган эди. Мени тушунар, ўғлимни яхшиликка ундар эди. Аллоҳим, у менга қандай меҳр кўрсатган бўлса, Сен ҳам унга раҳмат ва марҳамат кўрсатгин», деб дуо қилсин.

Севимли қайнона бўлинг!
Келинингиз сизни эслаб:
«Аллоҳим, у мен учун онамдек эди. Кучсизлансам мадад, маҳзун бўлсам тасалли берар эди. Ўғлини мен билан яхши муомала қилишга ундар, набираларини бир-биридан ажратмас эди. Роббим, унга кенг раҳматинг ва караминг билан муомала қилгин», десин.


Суюкли қўшни бўлинг!
Қўшниларингиз сизни эслаб:
«У мусибатимда елкадош, қийналганимда суянчиқ эди. Сиримни сақлар, шаънимни ҳимоя қилар эди. Касаллардан хабар олар, таом улашар, салом-аликни канда қилмас эди. Парвардигор, уни раҳматингга олгин, оқибатини хайрли қилгин», деб қолишсин.

Сиз ҳам шундай яшангки, сиздан кейин ҳам хайрли хотира ва самимий дуолар қолсин.

«Сиз ҳам саҳобиясиз!» китоби асосида тайёрланди.
😀@Muslimaatuz

Сиз бор жойда хотиржамлик, сиз бор уйда файзу барака бор, бегим...💗💞💗

💖💝Суянган тоғим, ҳаётим мазмуни, болаларимнинг меҳрибон отаси бўлиб доимо бахтимизга соғ-омон юринг.
💖💝Ҳар бир босган қадамингизга Аллоҳим барака, қалбингизга чексиз хотиржамлик берсин.
💖💝Биз сизни жуда яхши кўрамиз!
💖💝Дунёдаги энг катта бойлигим — сизнинг соғ-омонлигингиз ва табассумингиз.
Хонадонимиз файзи, суянган тоғимиз бўлиб доимо ёнимизда бўлинг, дадажониси!

​Юбориб қўйинг..!
https://t.me/MUSLIMAAYOL12

🌿 ҲАЁТ ҲАҚИДА БИР ОЗ ЎЙЛАНГ… ⭐️

Баъзан биз эртанги кундан умид қиламиз, аммо бугунги куннинг қадрига етмаймиз. Вақт эса ҳеч кимни кутмайди…

Бугун — яхшилик қилиш, Қуръон ўқиш, яқинларимизни хурсанд қилиш ва Аллоҳга яқинлашиш учун берилган имкониятдир. 🌸

Унутманг, гўзал ҳаёт — ҳамма нарсага эга бўлишда эмас, бор неъматларни қадрлашдадир.

🤲🏻 Аллоҳ қалбларимизга хотиржамлик, умримизга барака ва амалларимизга ихлос берсин.

💬 Сиз бугун қандай яхшилик қилишга ният қилдингиз? 🌷

Соғинч

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар: «Умматимда менга муҳаббати кучли бўлган шундай кишилар борки, улар мендан кейин келишади ва аҳлини ва молини фидо қилиб бўлса ҳам, мени кўришни орзу қилишади».

Имом Муслим ривояти.

#Шукр

Аллоҳга шукр – намозда, ота-онага шукр – дуода

Аллоҳ таоло айтади:

«Менга ва ота-онангга шукр қил». (Луқмон сураси, 14-оят)

Имом Суфён ибн Уяйна раҳимаҳуллоҳ айтдилар:
«Ким беш вақт намозни (ўз вақтида) ўқиса, батаҳқиқ Аллоҳ таолога шукр қилибди. Ким намозларнинг ортидан ота-онасининг ҳақига дуо қилса, батаҳқиқ ота-онасига шукр қилибди».

Манба: Саълабий тафсири (7/313), Бағавий тафсири (6/287).

الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ

«У ўлим ва ҳаётни сизларнинг қайсиларингиз амалда яхшироқ эканлигингизни синаш учун яратди. У азиз ва ўта мағфиратлидир».
Мулк сураси (67сура) 2-оят
🤩
Бутун ҳаёт битта анимацияда

Муҳаббат Аллоҳга танҳоликда ибодат қилишга сабаб бўлса, ул муҳаббат бутун дунё бойлигидан устундир, билсанг гар! Муҳаббатсиз дуо совуқдир. Муҳаббат-ла қилинган дуо қалбдин, ишқдин келур!

* * *
Бутун коинот бир-бирига меҳр-муҳаббат риштаси билан боғлангандир.
Меҳр улашишни ўрган!
У муҳаббатнинг барчасига қалбингда жой борлигини, кўнглинг англаб етсин!
Муҳаббатсиз инсондан дунё қўрқади, буни унутма!

* * *
Муҳаббат ва марҳамат, инсон ичида оқаётган бир дарёдир.
Дарё қанчалик кучли оқса, унинг ичида шунчалик ёмонликлар (ахлат ва чиқиндилар) жой ололмайди.


Эй кўнгил!
Жаҳаннам - Инсон қалбидаги муҳаббат тугаган ердадир...

МAВЛОНО ЖАЛОЛИДДИН РУМИЙ ҚУДДИСА СИРРУҲУ



꧁✿🌺🌸꧂🌸🌺

Абу Ҳурайра розияллоҳу анҳудан ривоят қилинади, Расулуллоҳ соллаллоҳу алайҳи ва саллам айтдилар:
✍️📖 «Ўзингиздан қуйироқ бўлганларга қаранглар, ўзингиздан устун бўлганларга қараманглар! Ана шу Аллоҳнинг сизларга берган неъматини паст (арзимас) санаб қолмаслигингиз учун энг муносибидир». 📖👉
📔 Имом Бухорий ва Имом Муслим ривоятлари.
═🍂🍃══════════════
═🍂🍃══════════════
✍️📖 Ҳадис шарҳи👉:
Мол-дунёни севиш, уни талаб қилиш ва унга очкўзлик билан талпиниш — инсон нафсининг табиатида бор нарсадир. Нафс доимо истакларга тўла бўлиб, қанча мол тўпламасин, ҳеч тўймайди. Ислом эса қаноатли бўлишга чақирди ва унга тарғиб қилди. Қаноат — бу Аллоҳ тақсимлаб берган ризққа рози бўлиш ва бошқаларнинг қўлидаги нарсага кўз олайтирмасликдир.
Ушбу ҳадисда Набий соллаллоҳу алайҳи ва саллам дунёга қарашнинг энг гўзал ва мукаммал йўлини, қалбни шукр ва розиликка тарбиялайдиган назарни баён қилиб бермоқдалар:
«Ўзингиздан қуйироқ бўлганларга қаранглар», яъни дунё матоҳи бўйича сизлардан камроқ нарсага эга бўлганларга — фақирлар, синовга учраганлар, хасталик, нуқсон ва мусибат гирдобида қолганларнинг аҳволига боқинг, улар ҳақида тафаккур қилинг.
«Ўзингиздан устун бўлганларга қараманглар», яъни ўзингизни моли кўпроқ, соғлиғи яхшироқ, уй-жойи кенгроқ бўлган кишилар билан солиштирманг. Зеро, бундай назар инсон қалбида ҳасад, хафалик ва ғам-ғуссани пайдо қилади.
Сўнгра бунинг ҳикматини очиқлаб: «Ана шу Аллоҳнинг сизларга берган неъматини паст санаб қолмаслигингиз учун энг муносибидир», дедилар. Яъни ўзингиздан қуйи бўлганларга қараш — Аллоҳ таоло сизларга инъом этган неъматларни менсимаслик ва камситишдан сақланиш учун энг тўғри ва ҳақли йўлдир. Чунки ўзингиздан пастроқ ҳолатдагиларга қарасангиз, Аллоҳнинг сиздаги беҳисоб неъматлари кўзингизга яққол кўринади ва Унга шукр қиласиз. Агар ўзингиздан устунларга қарайверсангиз, ўз неъматларингизни арзимас ва кичик деб билиб қоласиз.
Ҳадисдаги «تَزْدَروا» (таздару) сўзининг маъноси — ҳақир ва паст санаш, оз деб билишдир.
Ҳадисдан олинадиган хулосалар:
Қаноат ва тақдирга рози бўлишга тарғиб.
Дунёвий ишларда ўзимиздан пастроқ бўлганларга қараш лозимлиги.
Дин, ибодат ва эзгу амалларда эса ўзимиздан юқори бўлганларга қараб, тоат-ибодатда янада ғайрат қилиш зарурлиги.
═🍂🍃═════════════
Tarjimon

🌹🌹🌹