KUNLIK VAZIFALAR IJROSI MUHOKAMA QILINDI

Muzrabot tumani hokimi Abdulla Mamatqulov, tuman IIB boshlig‘i G‘olib Badalov rahbarligida barcha mas’ul tashkilot va korxonalar rahbarlari hamda qishloq xo‘jaligi hududlari raislari, fermerlar ishtirokida yig‘ilish o‘tkazildi.

Yig‘ilishda kunlik ko‘rsatkichlar ijrosi, viloyat rahbari tomonidan o‘tkazilgan yig‘ilishda belgilangan vazifalar ijrosi, jismoniy va yuridik shaxslar murojaatlarini ko‘rib chiqish, xatlov natijalari asosida aholini kambag‘allikdan chiqarish va bandligini ta’minlash, g‘alla ekish hamda paxta yig‘im-terimi jarayonlari, hududlarni obodonlashtirish va boshqa dolzarb masalalar muhokama qilindi.

Kun tartibidagi har bir masala bo‘yicha amalga oshirilgan ishlar va mavjud kamchiliklar tahlil qilinib, belgilangan vazifalar ijrosini o‘z vaqtida va sifatli ta’minlash masalalariga alohida e’tibor qaratildi.

Tuman hokimi mas’ullarga xatlov natijalariga ko‘ra aniqlangan ehtiyojmand oilalar bilan manzilli ishlash, ularni kambag‘allikdan chiqarish, bandligini ta’minlash va barqaror daromad manbalarini yaratish, murojaatlarni o‘z vaqtida ko‘rib chiqish, g‘alla ekish hamda paxta yig‘im-terimi ishlarini belgilangan muddatlarda tashkil etish, shuningdek, hududlarda obodonlashtirish ishlarini jadallashtirish yuzasidan aniq topshiriq va ko‘rsatmalar berdi.

✍️Muzrabot tumani hokimligi
Axborot xizmati

Kanalgaulanish⬇️

t.me/muzrabot_tuman

🌐Facebook❤Telegram😎 Instagram😎YouTube🕸Web-site

Shaffof mahallasida kambag‘allikni qisqartirish va aholi bandligini ta’minlash masalalari muhokama qilindi

Muzrabot tumani hokimi Abdulla Mamatqulov, tuman IIB boshlig‘i G‘olib Badalov ishtirokida Shaffof mahallasida aholi bandligini ta’minlash, daromad manbalarini ko‘paytirish hamda kambag‘allikni qisqartirish borasida amalga oshirilayotgan ishlarni muhokama qildi.

Uchrashuv davomida fuqarolarning murojaat va takliflari tinglanib, mahalladagi ijtimoiy reyestrda turuvchi fuqaroning holati tahlil qilindi. Davlat ta’minotidagi oilalar, shuningdek, kambag‘allikning qizil va sariq toifalaridagi oilalar bilan alohida suhbatlar o‘tkazilib, ularning qiziqishlari va imkoniyatlari o‘rganildi.

Fuqarolarni doimiy daromad manbaiga ega qilish, tadbirkorlikka yo‘naltirish va bandligini ta’minlash bo‘yicha individual rejalar asosida amalga oshirilishi lozim bo‘lgan ishlar belgilab olinib, mas’ullarga tegishli vazifalar topshirildi.

✍️Muzrabot tumani hokimligi
Axborot xizmati

Kanalgaulanish⬇️

t.me/muzrabot_tuman

🌐Facebook❤Telegram😎 Instagram😎YouTube🕸Web-site

Muzrabotda qurilish ishlari va loyihalar ijrosi tanqidiy-tahliliy muhokama qilindi

Bugun Surxondaryo viloyati hokimi Ulug‘bek Qosimov Muzrabot tumanining Yangi Diyor mahallasida zamonaviy ko‘ngilochar markaz, savdo va xizmat ko‘rsatish obyektlarini barpo etish rejalashtirilgan 7 gektar yer maydonini zarur infratuzilma bilan ta’minlash masalalari yuzasidan yig‘ilish o‘tkazdi.

Yig‘ilishda, shuningdek, Prezident qarorlari asosida tumanda amalga oshirilayotgan qurilish va bunyodkorlik loyihalarining borishi, ishlar sifati hamda mavjud muammolar mas’ul tashkilotlar, quruvchi-pudrat tashkilotlari va texnik nazoratchilar ishtirokida tanqidiy-tahliliy muhokama qilindi.

Mas’ullarning amalga oshirilgan ishlar yuzasidan axborotlari tinglanib, qurilish-montaj ishlarining sifati, belgilangan vazifalar ijrosi va obyektlarda ishlarni tashkil etish holatiga alohida e’tibor qaratildi.

Viloyat hokimi Yangi Diyor mahallasida rejalashtirilgan loyihalarni amalga oshirish, hududni zarur infratuzilma bilan ta’minlash, qurilish ishlarini jadallashtirish hamda obyektlarni belgilangan muddatlarda va sifatli yakunlash yuzasidan mas’ullarga tegishli topshiriq va ko‘rsatmalar berdi.

Shuningdek, loyihalar ijrosida sustkashlikka yo‘l qo‘ygan quruvchi-pudrat tashkilotlari va mas’ul mutasaddilar qat’iy ogohlantirilib, aniqlangan kamchiliklarni bartaraf etish hamda belgilangan vazifalar ijrosini ta’minlash bo‘yicha aniq muddatlar belgilandi.

✍️Muzrabot tumani hokimligi
Axborot xizmati

Kanalgaulanish⬇️

t.me/muzrabot_tuman

🌐Facebook❤Telegram😎 Instagram😎YouTube🕸Web-site

Muzrabotda chorvachilik maktabi va sut mahsulotlarini qayta ishlash loyihalari o‘rganildi

Bugun Surxondaryo viloyati hokimi Ulug‘bek Qosimov Muzrabot tumanining Madaniyat mahallasida joylashgan “Mehnat rohat” xususiy korxonasida amalga oshirilayotgan loyihalar bilan tanishdi.

Dastlab korxona hududida tashkil etilayotgan chorvachilik maktabi, sut va sut mahsulotlarini qayta ishlash hamda saqlash yo‘nalishlaridagi ishlar ko‘zdan kechirildi.

Shuningdek, turli zotdagi chorva mollarini parvarishlash, chorvachilikda ilg‘or tajribalarni joriy etish va baliqchilikni rivojlantirish borasidagi imkoniyatlar ham o‘rganildi.

Mazkur loyihalar chorvachilik sohasida zamonaviy bilim va tajribalarni keng joriy etish, sut mahsulotlarini qayta ishlash orqali qo‘shimcha qiymat yaratish, yangi ish o‘rinlarini tashkil etish hamda aholi daromadlarini oshirishga xizmat qiladi.

O‘rganish davomida loyihalarni amalga oshirish bilan bog‘liq masalalar muhokama qilinib, mavjud imkoniyatlardan samarali foydalanish va ishlarni izchil davom ettirish yuzasidan mas’ullarga tegishli topshiriq va ko‘rsatmalar berildi.

✍️Muzrabot tumani hokimligi
Axborot xizmati

Kanalgaulanish⬇️

t.me/muzrabot_tuman

🌐Facebook❤Telegram😎 Instagram😎YouTube🕸Web-site