Футбаліст «Слуцка» Юрый Казлоў у сваім інстаграме звярнуўся да беларускіх праваахоўнікаў

«Хацелася б звярнуцца да нашых праваахоўных органаў: да МУС, арміі і іншых падраздзяленняў. Хлопцы, вы што робіце? Вы збіваеце ні ў чым не вінаватых людзей, якія выйшлі адстойваць сваё слова, свабоду слова, свае правы. Вы збіваеце студэнтаў, дзяцей, нашых цудоўных жанчын і дзяўчат. Спыніцеся! Што вы робіце? Як вам спіцца пасля гэтага? Як вы глядзіце ў вочы сваім матулям, жонкам, сваім дзецям? Чаму вы іх навучыце? Калі ласка, спыніце гвалт!» — сказаў Казлоў.

Золатавалютныя рэзервы Беларусі за жнівень знізіліся на рэкордныя 1,4 млрд даляраў (на 15,8%), паведамляецца ў прэс-рэлізе Нацбанка.

Зніжэнне абумоўлена продажам Нацбанкам замежнай валюты на таргах.

Планавалася, што на 1 студзеня 2021 года аб'ём рэзерваў павінен скласці не менш за 7,3 млрд. даляраў, але наўрад ці гэтага ўдасца дасягнуць, бо ўжо цяпер рэзервы апусціліся да 7,46 млрд, а Беларусі да канца года трэба выплаціць каля 2 млрд па замежных пазыках.

Стачкам Беларуськалія: Вчера в Минске был задержан ещё один представитель нашего стачкома Сергей Козелько. По имеющейся информации сейчас он находится в Жодино.

МУС: Всего вчера за нарушение законодательства о массовых мероприятиях в республике задержаны 633 человека. Гэтая лічба рэкордная ад 12 жніўня.

Рэпрэсіўная машына зноў запрацавала на поўных абаротах. Такім чынам, агульная колькасць палітычных затрыманых пасля 9 жніўня, па афіцыйных звестках, перавысіла 8900 чалавек.

Ацэнка МУС колькасці дэманстрантаў прыкладна ў 7 разоў ніжэйшая за дадзеныя СМІ.

Вось што піша прэс-служба МУС: "Вчера, 6 сентября, в различных населенных пунктах республики зафиксировано 42 протестные акции. МВД приняты необходимые меры по поддержанию порядка и обеспечению общественной безопасности их проведения. Общее количество участников составило около 31 тысячи человек".

У той жа час ацэнкі журналістаў былі такія: Гомель да 6000, Гродна, дзе розныя калоны разганялі ў розных лакацыях, агулам 4000, Брэст 3000, Магілёў 3000, Віцебск 3000, а таксама Баранавічы, Пінск, Бабруйск, Салігорск і, галоўнае, Мінск, дзе колькасць дэманстрантаў немагчыма было дакладна падлічыць, бо яны займалі занадта вялікую прастору. Гаворка пра нашмат больш за 100 тысяч чалавек. Толькі да Палаца Незалежнасці, як сведчаць відэа з дронаў, падышлі больш за 100 тысяч.

З падлікамі МУС звязаная новая папулярная крычалка дэманстрантаў: "Выйдзі палічы!".

Фенаменальная салідарнасць беларусаў: у кавярню O'Petit, дзверы якой учора выбіў дубінкай кіраўнік ГУБАЗіК МУС Карпянкоў, сёння ад ранку стаіць чарга мінчукоў. Фота чытача @nashaniva

Курсы валют у абменніках сёння. Даляр прадаюць за 2,65—2,7, еўра — 3,15. Myfin.by

https://www.youtube.com/watch?v=1tzn6J85IDs

Гімн БНР «Мы выйдзем шчыльнымі радамі» (Ваярскі марш) наклалі на кадры Маршу адзінства ў Мінску 6 верасня. За месяц пратэстаў "у народ" пайшлі таксама "Пагоня" на словы Максіма Багдановіча, беларускі духоўны гімн "Магутны Божа" і нават "Купалінка".

Таксама прапаў старшы віцэ-прэзідэнт EPAM Максім Баграцоў. Ён уваходзіў у Каардынацыйную раду.

Баграцоў з 2000 года жыў у ЗША, але вярнуўся ў Беларусь, уражаны жорсткасцю разгонаў мірных акцый пратэсту.

UPD. Пазней Баграцоў выйшаў на сувязь з Каардынацыйнай радай, з ім усё ў парадку.

@nashaniva

Няма сувязі з прэс-сакратаром Каардынацыйнай рады Антонам Раднянковым і выканаўчым сакратаром Каардынацыйнай рады Іванам Краўцовым — @tutby_official

Дзень горада на наступных выходных 12 і 13 верасня, пройдзе без масавых гулянняў, паведамляе Мінгарвыканкам у сваім тэлеграм-канале.

Перавага аддадзена лакальным акцыям, выставам, тэматычным урокам.

«Такое рашэнне прынята ў сувязі з эпідэміялагічнай сітуацыяй і бяспекай грамадзян ва ўмовах распаўсюджвання вострых рэспіраторных інфекцый, у тым ліку выкліканых COVID-19», — пішуць гарадскія ўлады.

https://nashaniva.by/?c=ar&i=258582

СМІ назвалі дату сустрэчы Лукашэнкі і Пуціна
З агаворкай, што «да гэтага яшчэ шмат што можа адбыцца».

https://nashaniva.by/?c=ar&i=258585

Супрацоўнікі АСВОД, якія падчас Маршу ратавалі людзей, знаходзяцца на Акрэсціна

Па звестках @euroradio, супрацоўнікі АСВОД, якія ўчора ратавалі пратэстоўцаў са Свіслачы, знаходзяцца ў мінскім ізалятары ў завулку Акрэсціна.

Учора затрымана ад 6 да 8 выратавальнікаў. Колькі дакладна — у арганізацыі пакуль не ведаюць, бо ў часткі супрацоўнікаў сёння выходны дзень, і яны і так не мусілі з'явіцца на працоўным месцы.

Чытачы @nashaniva паведамляюць, што невядомыя ходзяць па кватэрах у Новай Баравой, дзе вывешаныя нацыянальныя сцягі.

Пяскоў: Не нам меркаваць аб карыснасці і каштоўнасці дадзенага запісу

Крэмль пракаментаваў «перахопленую размову» Ніка і Майка пра Навальнага.

https://nashaniva.by/?c=ar&i=258592