_*मेडिकल स्टोअरमध्ये उपलब्ध नसलेल्या औषधांचे प्रकार*_

*व्यायाम* हे औषध आहे.

*सकाळ/संध्याकाळ चालणे* हे औषध आहे.

*उपवास* हे औषध आहे.

*कुटुंबासोबत जेवण* हे औषध आहे.

*हसणे आणि विनोद* हे देखील औषध आहे.

*गाढ झोप* हे औषध आहे.

*सर्वांशी मिळून वागणे* हे औषध आहे.

*आनंदी राहण्याचा निर्णय* हे औषध आहे.

*मनातील सकारात्मकता* हे औषध आहे.

  *प्रार्थना हा एक चांगला आध्यात्मिक व्यायाम आणि औषध आहे*
.
*सर्वांचे भले* हे औषध आहे.

*इतरांसाठी प्रार्थना* हे औषध आहे.

कधी कधी *मौन* हे औषध असते.

*प्रेम* हे औषध आहे.

*मन:शांती* हे औषध आहे.

_आश्चर्याची गोष्ट म्हणजे ही सर्व औषधे पूर्णपणे मोफत आहेत_

आणि सर्व एकाच ठिकाणी कुठे मिळवायचे?

*प्रत्येक चांगला मित्र* हे एक परिपूर्ण *मेडिकल स्टोअर* आहे..

*निरोगी रहा आणि आनंदी रहा..*

❣️ *दिवसाचा आनंद घ्या..*🙏

@natemanache

आयुष्य हे विधात्याच्या वहीतील पान
असतं....! रिकामं तर रिकामं, लिहिलं तर
छान असतं...! शेवटचं पान मृत्यू अन् पहिलं पान
जन्म असतं...! मधली पाने आपणच भरायची,
कारण ते आपलंच कर्म असतं...!
होणाऱ्या चुकांना टाळायचं असतं, कुठलंच
पान कधी गाळायच नसतं....!चूक झाली तरी
फाडून फेकायचं नसतं, कारण त्यातूनच
आपल्याला पुढे शिकायचं असतं.....! नाती
जपण्यात मजा आहे
येताना एकटे असलो तरी
सर्वांचे होऊन जाण्यात मजा आहे नशीब
कोणी दुसरं लिहित नसतं आपल नशीब आपल्याच
हाती असतं येताना काही आणायच नसतं
जाताना काही न्यायचं नसतं मग हे आयुष्य
तरी
कोणासाठी जगायचं असतं
याच प्रश्नाचे उत्तरशोधण्यासाठी
जन्माला यायचं असतं आहात तुम्ही
'सावरायला' म्हणुन 'पडायला' आवडते,
आहात तुम्ही 'हसवायला' म्हणुन 'रडायला'
आवडते, आहात तुम्ही 'समजवायला' म्हणुन
'चुकायला' आवडते,
माझ्या आयुष्यात आहेत तुमच्यासारखे "सगळे
''म्हणुन
मला "जगायला" आवडत...*👈😊

जिथ कुठे तडा जात असेल मग तो ह्रदय, आयुष्य, ध्येय, व्यापार, नाती किंवा तो कुठलाही क्षेत्रातील तडा असेल त्याला आत्मविश्वासाने जोडणे यालाच  आयुष्यात तडजोड असे म्हणतात आणी ज्याला ही तडजोड करता येते त्याला दुखात ही हसता आणी सुखात ही रडता येते आणी त्याला खरे जिवनाचे मर्म कळते.....

एकांत

एक बाकी एकाकी
एक अंत एकांत
एक अड़के एकात
एक एकटया जगात
एक खिड़की एक तारा
एक चाहुल एक वारा
एक नजर एक वाट
एक एकटा एकटाच

कवी - वि.वा. शिरवाडकर (कुसुमाग्रज)

✅👍जेव्हा आयुष्यातून आळस नावाची चावी हरवून जाते...
.
.
.
.
तेव्हा फक्त प्रयत्न नावाचा हातोडा आपल्याला गावतो,

जो वळ तर करतो,
पण तुमच्या सक्सेसचे मार्ग देखील मोकळे करतो...👍✅

आजच्या जगात यशस्वी होण्याची व्याख्या आणि अर्थ यामध्ये व्यक्तीनुसार फरक असू शकतो. शरीराने आपण रोजच्या अत्यंत तणावग्रस्त अशा रहाटगाडग्यात अडकलेले असतो. पण व्यक्तीच्या मनात स्वत:ची अशी अनेक स्वप्नं तरळत असतात. ती स्वप्नं पूर्ण व्हावीत या आशेवर माणसं जगत असतात. पण या इच्छा पूर्ण करता आल्या नाहीत तर माणसं निराश होतात….क्वचित प्रसंगी मानसिक दृष्ट्या खचतात देखिल…

*‘यशस्वी कसे व्हावे हे केवळ पुस्तकं वाचून समजत नाही’ हे सत्य आज प्रत्येकाने स्वीकारायलाच हवं. कारण केवळ ‘पोहावे कसे?’ नावाचे पुस्तक पाठ करून पोहोता येत नाही तसेच यशस्वी होण्याचे मूलमंत्र केवळ पाठ करून आयुष्यात जे हवं ते मिळवता येत नाही. त्याला प्रत्यक्ष कृतीची जोड द्यावी लागते…*

म्हणजेच आज जर प्रत्येकाला खरी गरज कसली असेल तर ती हमखास यशस्वी होण्याची!

जगात यशस्वी होण्यापूर्वी मुळात यशाची आपली कल्पना आपल्या मनात पक्की व सुस्पष्ट हवी. यश म्हणजे पैसा असू शकतो तर एखाद्यासाठी यश म्हणजे परीक्षेतले सर्वोच्च गुण असू शकतात. पद-प्रतिष्ठा, सन्मान हे सुद्धा एखाद्यासाठी यश ठरू शकते. तर स्वत:ला चांगली नोकरी मिळवणे, स्वत:चा चांगला व्यवसाय असणे हेही एखाद्यासाठी यश असू शकते.

उत्तम स्नेहसंबंध, चांगले राहणीमान मिळवणे हे सुद्धा यश असू शकते. जागतिक सन्मान, विश्वपर्यटन हे एखाद्यासाठी यश असू शकते. म्हणजेच जगातील प्रत्येकाच्या यशाच्या कल्पना निरनिराळ्या असू शकतात हे तुमच्या लक्षात आलं असेल.

‘यश म्हणजे मग नेमकं काय?’ वरील सर्व गोष्टी एकाच व्यक्तीला एकाच आयुष्यात कदाचित मिळू शकणार नाहीत. याचा अर्थ ती व्यक्ती अयशस्वी आहे असं मुळीच नाही…म्हणून माझ्यामते यशाची व्याख्या थोडी निराळी असायला हवी.

‘आपल्याला जे काही हवं आहे ते ध्येय निश्चित केल्यावर ते ध्येय गाठण्याची क्षमता आपल्यामध्ये आहे याची जाणीव असणे’ही यशाची पहिली पायरी आहे. ध्येय निश्चिती झाल्यावर त्या ध्येयापर्यंत पोहोचण्याचा कृती – आराखडा आपल्याला तयार करता आला पाहिजे व त्यानुसार ध्येय टप्प्या-टप्प्याने गाठता आलं पाहिजे.


यश हा काही अपघात नाही. जादूटोणा करून एका रात्रीत यशस्वी होता येत नसते. यश हे कष्टसाध्य असते व ते खेचूनच आणावे लागते. यशाला शॉर्टकट नसतो. व यश न मिळण्यामागे ज्या सबबी असतात त्या सर्व सबबींवर मात करून यश अक्षरश: खेचून आणावे लागते. मात्र यश म्हणजे प्रयत्नांची पराकाष्ठा किंवा प्रचंड मेहनत हे समीकरण आता बदलले आहे.

‘कमी वेळात, उत्तम व नियोजनबद्ध आखणीने स्मार्ट कामे करून आजच्या जगात यशस्वी होता येते’ हे अगणित व्यक्तींनी सिद्ध करून दाखवले आहे. जगात असामान्य व यशस्वी होण्यासाठी सध्याच्या प्रचलित शिक्षण पद्धतीचा फारसा उपयोग नाही. तुम्ही आतापर्यंत जे करत होता तेच पुढेही करत राहिलात, तर तुम्हाला तेच मिळेल जे आतापर्यंत मिळत होतं. मग प्रश्न हा उरतो की ‘सामान्य माणसाने कठीण परिस्थितीत नेमक करायचं तरी काय?’

या प्रश्नाचं उत्तर शोधू इच्छिणा-या प्रत्येकाकडे सर्वप्रथम आत्मविश्वास असणं खूप महत्त्वाचं आहे. कित्येक वेळा आजूबाजूची परिस्थिती व इतरांच्या प्रतिक्रिया, मतं यामुळेच माणसं स्वत:चा आत्मविश्वास गमावून बसतात. स्वत:विषयी गैरसमज करून घेतात. न्यूनगंडाच्या चक्रव्यूहात फसतात…आणि याचा दुष्परिणाम हा होतो की ते निर्णय घेण्याचा कंटाळा करतात किंवा निर्णय घेताना गांगरतात. ‘मी अमुक एक निर्णय घेतलाय तो चुकीचा तर ठरणार नाही ना?’ या काळजीत स्वत:चा प्रचंड वेळ फुकट घालवतात.

म्हणून सर्वप्रथम स्वत:चा आत्मविश्वास टिकवणं व तो वाढवणं गरजेचं आहे. मोबाईल फोन दुकानातून आणल्यावर काही तासांतच त्याची बॅटरी डिस्चार्ज होते. तो फोन सतत चालू राहावा यासाठी आपण दररोज रात्री चार्जरच्या मदतीने त्या हॅन्डसेटमधली बॅटरी चार्ज करतो.

अगदी त्याच प्रकारे आपल्यामधील ‘आत्मविश्वास’सतत कायम राहील याची काळजी घ्यायला हवी. आत्मविश्वास टिकवणे ही कायम चालू राहणारी प्रक्रिया आहे. लोकांच्या वाईट प्रतिक्रियांमुळे तुमचा आत्मविश्वास कमी होऊ न देणं हेही तितकंच आवश्यक आहे.

यशस्वी होण्याचा दुसरा टप्पा म्हणजे उद्दिष्ट ठरवणे ज्याला इंग्रजीत ‘Goal Setting’ असे म्हणतात. आपल्याला काय हवे आहे, कधी हवे आहे, किती हवे आहे हे ठरवता येणे गरजेचे आहे. आपल्याला जे ध्येय गाठायचं आहे ते खरंच गाठता येण्याजोगं आहे का? म्हणजेच ते वास्तव आहे का? याचाही विचारं करायला हवा. स्वप्नं जरुर पहावीत पण ती अवाजवी नसावीत.

ती ध्येयात रुपांतरीत होण्यासारखी हवीत. ती आपल्या ज्ञानाच्या व अनुभव विश्वाच्या व आवडीच्या जवळपास वावरणारीच असावीत. वयाच्या ७५ वर्षी जर एखाद्याने ‘हिंदी चित्रपटातील प्रेमकथांचा नायक म्हणूनच काम करीन’असं स्वप्न बाळगलं तर ते वास्तवात कधी उतरेल का? मात्र प्रयत्न केल्यास त्या व्यक्तीला चित्रपटात चरित्र नायकाची, आजोबांची भूमिका मात्र मिळू शकते.

Credit goes to writer🙏