बाप म्हणजे देवांचा देव असतो…

पण
या देशात
देवांना मान आहे,
आणि
बापाला किंमत नाही

हा देव
तुझ्या सणात नाही,
तुझ्या पोस्टरात नाही,
तो आहे
कामाच्या रांगेत,
फाटलेल्या चपलेत,
कर्जाच्या ओझ्यातच असतो

देवासाठी
घंटा वाजतो,
बापासाठी
घड्याळाचा काटा वाजतो
“उशीर झाला तर पगार कापला जातो”

देवाला प्रसाद,
बापाला उरलेलं…

देवाला चूक माफ,
बापाला
चूक करायचीही
परवानगी नाही
फक्त शिक्षा

त्याच्या अंगावरचा घाम
तुला असभ्य वाटतो,
पण
त्याच घामातून
तू माणूस बनलास, रे

देव कधी
स्वतःची स्वप्नं
गळा दाबून मारतो का
देव कधी म्हणतो का
“माझं आयुष्य संपलं तरी चालेल,
पण पोराचं भल व्हायला हवं”
माझा बाप म्हणतो…

आणि तरीही
तो देव नाही म्हणे?

अरे समाजा,
तू देवासाठी
हात जोडतोस,
आणि
बापासाठी
हात उगारतोस

म्हणून जीव तोडून सांगतो
बाप म्हणजे देवांचा देव असतो

✍🏻 विनायक भिसे, बारामती
मानसिक आरोग्य समुपदेशक, मानसशास्त्रज्ञ
Mo. 7798150143

#बाप
#बापम्हणजेदेव
#बापासाठी
#वडील
#मराठीकविता
#मराठीलेखन
#मराठीकविता
#VinayakBhise

ऐक ना सखे…
श्रावणबाळ होऊनी
मला आई-बापाची
सेवा करायची आहे,
त्यांच्या थकलेल्या श्वासांना
माझा श्वास आधार व्हावा म्हणून

ऐक ना सखे…
आई जेव्हा
डोळे पुसत हसते,
ते हसू माझ्या आयुष्याचं
सगळ्यात मोठं यश असावं

ऐक ना सखे…
प्रभू श्रीरामासारखं
आज्ञाधारी पुत्र बनायचं आहे,
जो बापाच्या एका शब्दावर
स्वतःचं सुख, स्वप्न,
सगळं बाजूला ठेवेल,
कर्तव्य म्हणून
कधीही तक्रार न करणारा

ऐक ना सखे…
रावणासारखा बहिणीसाठी
सर्वस्व पणाला लावणारा व्हायचं आहे,
जग विरुद्ध उभं राहिलं तरी
तिच्या अश्रूंना
एकटं पडू देणार नाही असा

ऐक ना सखे…
आणि लक्ष्मणासारखा
प्रभू श्रीरामासोबत
भाऊ म्हणून
कायम सोबत राहणारा,
सावलीसारखा
दिसत नसला तरी
कधीही दूर न जाणारा

देव व्हायचं नाही मला सखे,
फक्त
आई-बापासाठी
श्रावणबाळ,
बहिणीसाठी
रावण,
आणि भावासाठी
लक्ष्मण
म्हणून
माणूस राहायचं आहे…

✍🏻 विनायक भिसे, बारामती
मानसिक आरोग्य समुपदेशक, मानसशास्त्रज्ञ
Mo. 7798150143

#मराठीकविता
#मराठीलेखन
#viralpost
#विनायकभिसे

माणसांसाठी वेळ देणं हे नुसतं कर्तव्य नाही, तर आयुष्याची गुंतवणूक असते. आपण त्यांना दिलेले काही क्षण त्यांच्या मनात आयुष्यभरासाठी ऊब निर्माण करतात. कारण नाती हे बोलण्याने नव्हे, तर साथ देण्याने टिकतात. कितीही कामं असली, कितीही धावपळ असली, तरी आपल्या लोकांसाठी थोडं थांबणं गरजेचं असतं—नाहीतर एक दिवस असा येतो की कामं तर असतात, पण ज्यांच्यासाठी करतो ती माणसंच हातातून निसटतात. आणि मग उरते फक्त वेळ… पण त्याला देण्यासाठी कोणीच नसतं. म्हणूनच—ज्यांना आपल्या मनात स्थान आहे, त्यांना आपल्या दिवसातून थोडं स्थान देणं विसरू नका. नाती जपली तर वेळ आपोआप सुंदर होतो, आणि माणसं जपली तर आयुष्य...

Good Night ✨

@natemanache

सुख ही एक मानसिक सवय आहे,
ती लावून घेणं आपल्याच हातात आहे.
तुम्ही स्वतःला जितकं सुखी समजाल,
तितकंच सुखी तुम्ही रहाल.
तुमच्या सुखी रहाण्यावर
केवळ तुमचाच अधिकार असतो.
इतर लोकं तुम्हाला दुःख देऊच शकत नाहीत
ही गोष्ट एकदा लक्षात आली
की जगणं फार सोपं होऊन जाईल...