Milliy kutubxona | Rasmiy
9.35K subscribers
15.5K photos
2.09K videos
467 files
7.03K links
Alisher Navoiy nomidagi O‘zbekiston Milliy kutubxonasining telegramdagi rasmiy sahifasi

Bizni ijtimoiy tarmoqdagi boshqa sahifalarimizni ham kuzatib boring 👉 https://natlib.taplink.ws

Murojaat uchun: @infonatlib_bot
Download Telegram
✅ 100 yillik matbuot an'analari ko‘rgazmada: o‘qish va o‘rganishga chorlov

📚 O‘zbekiston Milliy kutubxonasida yurtimiz matbuotiga bag‘ishlangan tarixiy ko‘rgazma tashkil etildi. Ko‘rgazmada yuz yildan buyon chop etib kelinayotgan gazeta va jurnallar, ularning ilk va hozirgi nomlanishlari, urush yillaridagi nashrlar hamda xalqimizni ma'rifatga chorlovchi asarlar namoyish etilmoqda.

📰 Ta'kidlash joiz, bu ko‘rgazma nafaqat bosma nashrlar tarixi, balki mamlakatning ma'naviy taraqqiyoti, jamiyatda o‘qish madaniyatining shakllanish jarayonini ham yoritib bermoqda. Milliy kutubxona zallariga joylashtirilgan ekspozisiyalarda «Jadid», «Fan va turmush», «Saodat», «O‘zbekiston ovozi», «Toshkent haqiqati» kabi taniqli nashrlar turli tarixiy davrlarda qanday nomlar bilan chop etilgani aks ettirilgan. Masalan, «Saodat» jurnaliga bu yil 100 yil to‘ldi. U ilk bor «Jarkin turmush» (1925), keyinchalik «Jarkin hayot» (1938), «O‘zbekiston xotin-qizlari» (1950) nomi bilan chop etilgan bo‘lib, 1966 yildan buyon «Saodat» nomi bilan ma'lum.

📰 Ko‘rgazmada alohida o‘rin egallagan «Fan va turmush» jurnali esa ilk bor 1933 yilda «Sosialistik fan va texnika», keyin 1939 yilda «Sosialistik fan va turmush», 1957 yildan esa hozirgi nomda qayta tiklangan. Bu nashr O‘zbekiston Fanlar akademiyasining ilmiy-ma'rifiy minbari sifatida xizmat qilgan va hozirda ham o‘z faoliyatini davom ettirmoqda.

📰 Shuningdek, «Jadid» gazetasi yangi zamon talabi asosida 2024 yildan boshlab nashr etilayotgani, u o‘z sahifalarida ma'rifat va zamonaviy fikrlarni birlashtirgani bilan ajralib turadi. Shuningdek, «O‘zbekiston ovozi» gazetasi ilgari «Qizil O‘zbekiston» (1924) va «Sovet O‘zbekistoni» (1964) nomlari ostida chop etilgan bo‘lsa, 1964 yildan buyon hozirgi nomi bilan ma'lum.

📰 Urush yillaridagi (1941–1945) tahlikali vaziyatga qaramay, bosma so‘z fidoiylari nashrlarni to‘xtatmaslikka harakat qilishgan. Bu yillarda chop etilgan nusxalar hozirda O‘zbekiston Milliy kutubxonasining oltin fondida saqlanmoqda. Ular orqali tarixni qayta jonlantirish, o‘sha davrning ruhiyatini his etish mumkin.

📚 Ko‘rgazma nafaqat ilmiy xodimlar yoki talabalar, balki kitobga muhabbati bor har bir yurtdoshimiz uchun ochiq. Bu yerda tashrifchilar chop etilgan nashrlarni ko‘zdan kechirishi, ayrimlarini o‘qish uchun tanlashi mumkin. Milliy kutubxona «Ochiq eshiklar kuni» doirasida barcha fuqarolarni ana shunday boy ma'naviy meros bilan yaqindan tanishishga chorlamoqda.


📱Rasmiy sahifalarimizga obuna bo‘ling!

✅Telegram l🌐 Instagram l 📹YouTube l✅ Facebook l🕊 Twitter l 🌐Website
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
🔥5❤2👍2🥰1🤩1👌1
✅ 2025-yil 15-sentabr kuni O‘zbekiston Milliy kutubxonasida O‘zbekiston xalq artisti Shukur Burhonov  tavalludining 115 yilligiga bag‘ishlangan "Sahna sehri sohibi" deb nomlangan xotira kechasi bo‘lib o‘tdi.

🔹 Tadbirda O‘zbek Milliy akademik drama teatri jamoasi, O'zbek drama teatri, O'zbekiston Akademik Muqimiy teatri,  Satira teatri, Yosh tomoshabinlar teatri,  San'at va madaniyat instituti hamda O'zbekiston teatr arboblari uyushmasi vakillari Shukur Burhonov ijodi, u gavdalantirgan obrazlar, uning fazilatlari, xislatlari to‘g‘risida o‘z xotiralari bilan o‘rtoqlashdilar.

🔹 Tadbirda so‘zga chiqqan xalqimiz ardog‘idagi aktyor va aktrisalar buyuk teatr va kino aktyorining mahorati, u yaratgan his-hayajonga to‘la yorqin obrazlar, o‘zbek kinosi va teatrining dunyoga tanilishida qo‘shgan ulkan hissasini alohida e'tirof etdilar.

🔹 Tadbir doirasida Shukur Burhonov ijodiga bag‘ishlangan kitoblar, fotosuratlar, maqolalaridan iborat kitob-rasmli ko‘rgazma ham tomoshabinlar e'tiboriga havola etildi.


📱Rasmiy sahifalarimizga obuna bo‘ling!

✅Telegram l🌐 Instagram l 📹YouTube l✅ Facebook l🕊 Twitter l 🌐Website
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍7🔥6❤1🤩1😍1