O‘zbekiston Milliy kutubxonasi fondi Bahodir Zuhurovning “O‘zbek Vatan himoyachilari sulolasining nasabnomasi” kitobi bilan boyitildi.

III jilddan iborat mazkur asar alohida faxrga sazovor bo‘lgan, el-yurtiga halol xizmat qilgan, urush faxriylari, jang maydonlarida qatnashgan, mashhur harbiylar, jangovor ofiserlar, yaxshi o‘rnak, ibratli hayot yo‘lini bosib o‘tgan, katta marralarga erishgan, yuqori va oliy martabalarga, olimlik maqomlariga erishgan ajdodlari hamda sulolaning davomchilari - o‘rta va yosh avlodlari haqida hikoya qiladi.

Muallif ko‘plab badiiy asarlar, yurtimiz arxiv xujjatlari, ko‘plab tarixiy manbalar, ilmiy maskanlar, ko‘plab muzeylar, kutubxonalar ilmiy tarixiy manbalari bilan tanishishgach o‘z sulolasining ibratli vakillarining hayoti va faoliyatini bayon etgan.

📱Rasmiy sahifalarimiz
Telegram l Instagram  YouTube l Facebook l Twitter l Website

2026-yil 8-iyun kuni O‘zbekiston Milliy kutubxonasida O‘zbekiston noshirlari va Kitob savdosi tashkilotlari milliy assotsiatsiyasi tomonidan xalqaro nashriyotchilik va mualliflik huquqlariga bag‘ishlangan seminar tashkil etildi.

Nashriyotlar, kitob savdosi tashkilotlari, mualliflik huquqlari bo‘yicha mutaxassislar, tarjimonlar hamda kitob bozori iste'molchilari ishtirok etgan mazkur tadbir mamlakatimiz nashriyot sohasi vakillari uchun muhim professional muloqot maydoniga aylandi.

Tadbirda mualliflik huquqlarini boshqarish, xalqaro litsenziyalash mexanizmlari va milliy kitob bozorini jahon nashriyot makoniga integratsiya qilish masalalari haqida so‘z bordi.

Tadbir davomida ishtirokchilar xalqaro mualliflik huquqlari almashinuvi, litsenziyalashning zamonaviy mexanizmlari, jahon nashriyot bozoridagi dolzarb tendensiyalar, kitob sanoatining rivojlanish istiqbollari, shuningdek, yirik xalqaro kitob yarmarkalari va professional dasturlarda ishtirok etish imkoniyatlari borasida atroflicha ma'lumot oldilar.

Halqaro nashriyot hamkorligi va professional dasturlarni rivojlantirish bo‘yicha katta tajribaga ega bo‘lgan Turkiyaning “Introtema Agency” tashkiloti hamkorligida bo‘lib o‘tgan seminarda “Istanbul Publishing Fellowship” dasturiga alohida e'tibor qaratildi.

Mazkur dastur bugungi kunda dunyoning turli mamlakatlaridan nashriyot sohasi vakillarini birlashtiruvchi eng nufuzli xalqaro professional platformalardan biri hisoblanadi.

Seminar ishtirokchilari xalqaro nashriyot amaliyoti bilan yaqindan tanishish, sohaning dolzarb masalalarini muhokama qilish hamda xorijiy hamkorlar bilan yangi professional aloqalarni yo‘lga qo‘yish imkoniyatiga ega bo‘ldilar.

📱Rasmiy sahifalarimiz
Telegram l Instagram  YouTube l Facebook l Twitter l Website

📚 O‘zbekiston Milliy kutubxonasi fondi yana bir qimmatli nashr bilan boyidi

Taniqli telejurnalist Muxtor G‘anievning «Моя правда о Шарафе Рашидове» nomli kitobi O‘zbekiston Milliy kutubxonasiga topshirildi. Mazkur nashrni kutubxona direktori Umida Teshabayeva muallifning o‘zidan qabul qilib oldi.

Kitobda davlat arbobi va shoir Sharof Rashidov bilan bog‘liq hujjatli kino va videoreportajlar, matbuot nashrlarida e’lon qilingan materiallar hamda muallifning shaxsiy arxivida saqlanayotgan noyob ma’lumotlar jamlangan.

Asarda keltirilgan voqealar o‘ylab topilgan hikoyalar emas. Ular Muxtor G‘anievning Sharof Rashidov bilan bo‘lgan shaxsiy uchrashuvlari, suhbatlari va xotiralariga asoslangan bo‘lib, tarixiy haqiqatni yorituvchi muhim manbalar sifatida alohida ahamiyat kasb etadi.

Ushbu kitob kitobxonlar, tadqiqotchilar hamda Sharof Rashidov hayoti va faoliyatiga qiziquvchilar uchun qimmatli manba bo‘lib xizmat qiladi.

📱Rasmiy sahifalarimiz
Telegram | Instagram |YouTube l Facebook l Twitter l Website