2026-yil 12-iyun kuni O‘zbekiston Milliy kutubxonasida Laziz Rahmatovning “Dunyo mamlakatlari” nomli kitobi taqdimoti o‘tkazildi. Tadbirda davlat va jamoat arboblari, siyosatshunos, tarixchi, iqtisodchi olimlar, shoir va yozuvchilar, jurnalistlar, jamoatchilik vakillari ishtirok etdi

Taniqli jurnalist va adib, siyosiy fanlar bo‘yicha falsafa doktori (PhD) Laziz Rahmatovning “Dunyo mamlakatlari” ensiklopedik kitobidan dunyoning 236 ta davlati haqida batafsil ma'lumotlar joy olgan. Unda mamlakatlarning boshqaruv shakli, ma'muriy bo‘linishi, geografik joylashuvi va tabiati, tarixi, iqtisodiyoti, ichki va tashqi siyosati, O‘zbekiston bilan munosabatlari va e'tiborga molik boshqa jihatlari keltirilgan.

Alifbo tartibida berilgan davlatlar haqidagi mal'umotlar muallifning shaxsiy yondashuvi bilan yoritilishi kitobxonda alohida bir hikoyadek taassurot qoldiradi. Zero, bu hikoyalar ortida zahmatkash jurnalist, adib va olim Laziz Rahmatovning “qo‘li” sezilib turadi.

Ma'lumotlarni internetdan topish oson bo‘lgan bir davrda kitobning dolzarbligi va yutug‘i shundaki, unda keltirilgan ma'lumotlar yangi va kitobxonni qoniqtiradigan darajada boy, ular ilmiy tasdiqlangan manbalarga asoslangan, O‘zbekistonning ushbu mamlakatlar bilan aloqalari, diplomatik munosabatlari, o‘zaro hamkorligi haqida ham batafsil va kerakli axborot berilgan.

Kitobning yana bir ahamiyatli jihati shundaki, unda mamlakatlar va ularning diqqatga sazovor joylari, aynan shu mamlakatning “tashrif qog‘oziga” aylangan manzillarning rangli rasmlarda berilishi kitobxonga o‘qilayotgan ma'lumotlar haqida vizual tushuncha hosil qilishda ko‘maklashadi.
Kitob ensiklopedik mohiyatidan kelib chiqib dunyo mamlakatlari haqidagi geosiyosiy manbalar qomusi sifatida o‘quvchilar, talabalar, ilmiy tadqiqodchilar va keng kitobxonlar ommasining doimiy hamrohiga aylanishi shubhasiz.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

2026-yil 11-iyun kuni O‘zbekiston Milliy kutubxonasi Xalqaro standartlar (ISO) hamda Xalqaro kutubxona assosiasiyalari va muassasalari Federatsiyasi (IFLA) hujjatlari talablariga muvofiq Milliy standartlarni yangilash bo‘yicha texnik qo‘mitaning onlayn yig‘ilishida ishtirok etdi.

Standartlashtirish bo‘yicha texnik ko‘mita-STK 6 "Nashriyot-matbaa va axborot-kutubxona faoliyati" axborot-kutubxona sohasida standartlarni ishlab chiqish, qayta ko‘rib chiqish va bekor qilish maqsadida 2020-yilda Axborot va ommaviy kommunikasiyalar agentligi negizida tashkil etilgan edi, undan so‘ng O‘zbekiston Milliy kutubxonasi negizida 6-texnik ko‘mita faoliyatini olib bormoqda.
Texnik ko‘mita davlatlararo GOST standartlarini standartlashtirish bo‘yicha XTK 191 — "Ilmiy-texnik axborot, kutubxona va nashriyot ishi" davlatlararo qo‘mitasining ishida qatnashadi.
Ko‘mitaning bu yilgi yig‘ilishida davlatlararo standartlar ko‘rib chiqildi va bekor qilish to‘g‘risida qarorlar qabul qilindi.