2026-yil 17-iyun kuni O‘zbekiston Milliy kutubxonasida Respublika Oila va xotin-qizlar qo‘mitasi hamkorligida “Kitobxon onalar kuni” tadbiri bo‘lib o‘tdi. Unda davlat va jamoat tashkilotlari vakillari, ziyolilar hamda hududiy axborot-kutubxona markazlari mutaxassislari ishtirok etdilar.

“Mudom yangrab tursin o‘zbek degan nom” shiori ostida o‘tgan tadbirda Prezidentimiz tomonidan madaniyat, san’at va adabiyot sohalarida mukofotlangan ijodkorlar qatnashdi. So‘zga chiqqanlar ularning xalq ma’naviyatini yuksaltirish, milliy madaniyatimizni dunyoga tanitish va jamiyat taraqqiyotiga qo‘shayotgan hissasini alohida e’tirof etdilar.

Shuningdek, oila institutini mustahkamlash, onalik va bolalikni himoya qilish hamda gender tengligini ta’minlash yo‘lidagi xizmatlari bilan ajralib turgan ayollarning o‘rni ta’kidlandi. Mukofot sohibalari esa ayollarga ko‘rsatilayotgan e’tibor va yuksak ishonch uchun minnatdorlik bildirib, bu e’tirof ularni yanada samarali faoliyat yuritishga undashini qayd etdilar.

📚 Buxoro viloyati axborot-kutubxona markaziga yangi rahbar tayinlandi

Abu Ali ibn Sino nomidagi Buxoro viloyati axborot-kutubxona markaziga Qosimov Hoshimjon O‘tkir o‘g‘li rahbar etib tayinlandi.

Shu munosabat bilan o‘tkazilgan yig‘ilishda O‘zbekiston Milliy kutubxonasi direktori Umida Teshabayeva ishtirok etib, yangi rahbarni jamoaga tanishtirdi hamda markaz faoliyatini yanada rivojlantirish, aholiga zamonaviy axborot-kutubxona xizmatlarini kengaytirish, kitobxonlik madaniyatini yuksaltirish borasidagi ustuvor vazifalar yuzasidan o‘z fikr-mulohazalarini bildirdi.

Tadbir davomida Qosimov Hoshimjon O‘tkir o‘g‘liga mas’uliyatli faoliyatida muvaffaqiyatlar, markaz jamoasiga esa yangi yutuqlar va samarali mehnat tilab qolindi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Navbatdagi metodik toʻgarak Alisher Navoiy nomidagi O‘zbekiston Milliy kutubxonasining Axborot-kutubxona fondlarini konservatsiya va restavratsiya qilish xizmat rahbari Sh. Pulatov tomonidan “Kutubxonalarda konservatsiya va restavratsiya asoslari” mavzusida tashkil etildi

Seminar davomida axborot-kutubxona fondlarida saqlanayotgan nodir va qimmatli hujjatlarni asrash, ularning uzoq muddat saqlanishini ta’minlash hamda shikastlangan hujjatlarni tiklash bo‘yicha zarur bilim va ko‘nikmalar ishtirokchilarga yetkazildi.

Seminar jarayonida mutaxassislar tomonidan kitoblarni restavratsiya qilishda qo‘llaniladigan maxsus materiallar va texnologiyalar yuzasidan berilgan savollarga atroflicha javob berildi.

Axborot-kutubxona markazlari va tuman (shahar) axborot-kutubxona markazlari mutaxassislari konservatsiya va restavratsiya yo‘nalishi bo‘yicha O‘zbekiston Milliy kutubxonasining Konservatsiya va restavratsiya xizmatida malaka oshirishish imkoniga ega boʻladilar