📚 Buxoro viloyati axborot-kutubxona markaziga yangi rahbar tayinlandi

Abu Ali ibn Sino nomidagi Buxoro viloyati axborot-kutubxona markaziga Qosimov Hoshimjon O‘tkir o‘g‘li rahbar etib tayinlandi.

Shu munosabat bilan o‘tkazilgan yig‘ilishda O‘zbekiston Milliy kutubxonasi direktori Umida Teshabayeva ishtirok etib, yangi rahbarni jamoaga tanishtirdi hamda markaz faoliyatini yanada rivojlantirish, aholiga zamonaviy axborot-kutubxona xizmatlarini kengaytirish, kitobxonlik madaniyatini yuksaltirish borasidagi ustuvor vazifalar yuzasidan o‘z fikr-mulohazalarini bildirdi.

Tadbir davomida Qosimov Hoshimjon O‘tkir o‘g‘liga mas’uliyatli faoliyatida muvaffaqiyatlar, markaz jamoasiga esa yangi yutuqlar va samarali mehnat tilab qolindi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Navbatdagi metodik toʻgarak Alisher Navoiy nomidagi O‘zbekiston Milliy kutubxonasining Axborot-kutubxona fondlarini konservatsiya va restavratsiya qilish xizmat rahbari Sh. Pulatov tomonidan “Kutubxonalarda konservatsiya va restavratsiya asoslari” mavzusida tashkil etildi

Seminar davomida axborot-kutubxona fondlarida saqlanayotgan nodir va qimmatli hujjatlarni asrash, ularning uzoq muddat saqlanishini ta’minlash hamda shikastlangan hujjatlarni tiklash bo‘yicha zarur bilim va ko‘nikmalar ishtirokchilarga yetkazildi.

Seminar jarayonida mutaxassislar tomonidan kitoblarni restavratsiya qilishda qo‘llaniladigan maxsus materiallar va texnologiyalar yuzasidan berilgan savollarga atroflicha javob berildi.

Axborot-kutubxona markazlari va tuman (shahar) axborot-kutubxona markazlari mutaxassislari konservatsiya va restavratsiya yo‘nalishi bo‘yicha O‘zbekiston Milliy kutubxonasining Konservatsiya va restavratsiya xizmatida malaka oshirishish imkoniga ega boʻladilar

📚 Joriy yilning 15-16-iyun kunlari O‘zbekiston Respublikasi Prezidenti Administratsiyasining tegishli topshirig‘iga asosan, Buxoro viloyatida madaniyat va axborot-kutubxona muassasalari faoliyatini o‘rganish ishlari davom etmoqda

O‘zbekiston Milliy kutubxonasi direktori Umida Teshabayeva boshchiligidagi ishchi guruh tomonidan Qorovulbozor tumani, Kogon shahri, Kogon tumani, Vobkent tumani hamda G‘ijduvon tumanidagi axborot-kutubxona muassasalari faoliyati o‘rganildi.

📖 O‘rganishlar davomida Vobkent va G‘ijduvon tumanlaridagi ko‘zi ojiz kitobxonlarga xizmat ko‘rsatuvchi maxsus kutubxonalar faoliyatiga alohida e’tibor qaratildi. Kutubxonalarda yaratilgan shart-sharoitlar, kitob fondining holati, Brayl yozuvidagi adabiyotlar bilan ta’minlanganlik darajasi, kitobxonlarga ko‘rsatilayotgan xizmatlar rivojlantirish masalalari atroflicha o‘rganildi.

Tashriflar davomida uchrashuvlar o‘tkazilib, axborot-kutubxona muassasalari faoliyatini takomillashtirish, masalalari oʻrganib chiqildi.