📚 Joriy yilning 18-iyun kuni O‘zbekiston Respublikasi Prezidenti Administratsiyasining tegishli topshirig‘iga asosan, Navoiy viloyatida madaniyat va axborot-kutubxona muassasalari faoliyatini tahlil qilish va monitoringdan o‘tkazish ishlari olib borildi

O‘zbekiston Milliy kutubxonasi direktori o‘rinbosari Alimardon Raxmonov hamda Hududiy axborot - kutubxona markazlarini muvofiqlashtirish va monitoring qilish xizmati rahbari Zuhra Yusupova ishtirok etdi.

Navoiy viloyati axborot-kutubxona markazi, Navbahor va Qiziltepa tuman axborot-kutubxona markazlari, ushbu tumanlarda faoliyat yuritayotgan ko‘zi ojiz kitobxonlarga xizmat ko‘rsatuvchi kutubxonalar faoliyati ko‘zdan kechirildi

📖Jarayonda kutubxonalarda yaratilgan shart-sharoitlar, kitob fondining holati, foydalanuvchilarga ko‘rsatilayotgan xizmat sifati, ko‘zi ojiz kitobxonlar uchun Brayl yozuvidagi adabiyotlar ta’minlanganlik darajasiga alohida e’tibor qaratildi, mutaxassislar bilan uchrashuvlar o‘tkazilib, axborot-kutubxona muassasalari faoliyatini takomillashtirish, kitob fondlarini saqlash, rivojlantirish hamda mavjud muammolarni bartaraf etish yuzasidan tegishli takliflar bildirildi.

📱Rasmiy sahifalarimiz
Telegram | Instagram |YouTube l Facebook l Twitter l Website

✅ 2026-yil 19-iyun kuni O‘zbekiston Milliy kutubxonasi “Istiqbol” zalida Butunjahon bolalar futboli kuniga bag‘ishlangan “Futbol — bolalar quvonchi, sog‘lom hayot garovi” deb nomlangan  kitob-rasmli ko‘rgazma ochildi.

📚 Ko‘rgazmada futbol tarixi, kechasi va buguni haqida hikoya qiluvchi kitoblar, dunyodagi eng ommabop sport turi bo‘lmish - futbol maydonidagi qiziqarli lahzalarni muhrlagan foto suratlar taqdim etilgan. Butunjahon bolalar futboli kunining maqsadi bolalar sportini rivojlantirish va hamjihatlikni, jamoa bo‘lib harakat qilishni o‘rgatishdan iborat.  

📚 Jahon bolalar futboli kuniga bag‘ishlangan “Futbol — bolalar quvonchi, sog‘lom hayot garovi” deb nomlangan  kitob-rasmli ko‘rgazmada mashxur futbol jamoalari, mahoratli futbolchilar, jahon chempionatlari hodisalari, futbol o‘yinlari chog‘ida bo‘lib o‘tgan qiziqarli voqealar, futbol o‘ynash texnikasi bilan tanishtiruvchi kitoblar namoyish etilgan.

📱Rasmiy sahifalarimiz
Telegram | Instagram |YouTube l Facebook l Twitter l Website

Jizzax viloyati axborot-kutubxona markazida Respublika axborot-kutubxona markazi tomonidan tashkil etilgan sayyor o‘quv kurslari muvaffaqiyatli yakunlandi

Mashg‘ulotlar davomida tinglovchilarga zamonaviy axborot-kutubxona xizmatlarini tashkil etishning ilg‘or usullari, elektron kutubxona ma’lumotlar bazalarini yaratish, RFID texnologiyalaridan foydalanish, sun’iy intellekt texnologiyalarini axborot-kutubxona faoliyatida qo‘llashning xalqaro tajribalari, mediyasavodxonlikni rivojlantirish, muloqot madaniyati hamda kitobxonlarga sifatli xizmat ko‘rsatish masalalari bo‘yicha nazariy bilimlar berildi va Jizzax viloyati axborot-kutubxona markazining tegishli bo‘limlarida amaliy treninglar tashkil etildi.

O‘quv kurslarida viloyatdagi tuman va shahar axborot-kutubxona markazlarining 57nafar mutaxassisi ishtirok etib, o‘quv dasturini muvaffaqiyatli tamomladilar. Kurs yakunida tinglovchilarga sertifikatlar tantanali ravishda topshirildi.

Rasmiy sahifalarimiz

Telegram

l

Instagram

 

YouTube

l 

Facebook

l

Twitter

l

Website