#YKF2026

“Yosh kutubxonachilar” VI Respublika ilmiy-amaliy forumining tantanali ochilish marosimi boshlandi

Alisher Navoiy nomidagi O‘zbekiston Milliy kutubxonasida 29–31-iyul kunlari bo‘lib o‘tadigan “Yosh kutubxonachilar” Respublika ilmiy-amaliy forumi hamda forum doirasidagi “Innovatsion loyihalar” tanlovining tantanali ochilish marosimi boshlandi.

Mazkur forum kutubxona-axborot sohasida faoliyat yuritayotgan yosh mutaxassislarning kasbiy salohiyatini oshirish, ilg‘or tajribalarni ommalashtirish, zamonaviy axborot texnologiyalarini joriy etish hamda innovatsion g‘oya va tashabbuslarni qo‘llab-quvvatlashga qaratilgan.

Shuningdek, ochilish marosimi doirasida Alisher Navoiy nomidagi O‘zbekiston Milliy kutubxonasi hamda “Tillar App” mas’uliyati cheklangan jamiyati o‘rtasida o‘zaro hamkorlikni rivojlantirishga qaratilgan Hamkorlik memorandumini imzolash marosimi bo‘lib o‘tdi.

Mazkur memorandum kutubxona xizmatlarini raqamlashtirish, xorijiy tillarni o‘rganish imkoniyatlarini kengaytirish, zamonaviy ta’lim platformalaridan samarali foydalanish hamda kitobxonlar va yosh mutaxassislar uchun innovatsion loyihalarni birgalikda amalga oshirishga xizmat qiladi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

📚 “Adabiyotlarda – millatlar do‘stligi” adabiy-ma’rifiy kechasi bo‘lib o‘tdi

2026-yil 29-iyul kuni O‘zbekiston Yozuvchilar uyushmasida “O‘zbekiston – bag‘rikeng diyor” shiori ostida “Adabiyotlarda – millatlar do‘stligi” adabiy-ma’rifiy kechasi tashkil etildi.

30-iyul – Xalqlar do‘stligi kuni munosabati bilan o‘tkazilayotgan “Do‘stlik” festivali doirasidagi mazkur tadbirda turli millat vakillaridan bo‘lgan shoir va yozuvchilar, adabiyotshunoslar, tarjimonlar, milliy madaniy markazlar vakillari hamda Oʻzbekiston Milliy kutubxonasi xodimlari hamda kitobxonlar ishtirok etdi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website