Joriy yilning 12-avgust kuni Alisher Navoiy nomidagi O‘zbekiston Milliy kutubxonasida yozuvchi Shahnoza Muhammadiyevaning Yusuf Muhammadiyev xotirasiga bag‘ishlangan “Otamning harbiy qiziman” kitobi taqdimotiga bag‘ishlangan adabiy-ma’rifiy tadbir bo‘lib o‘tdi

Ushbu kitob Yusuf Muhammadiyevning hayot yo‘li, kasbiy faoliyati, oilasi va yaqinlari xotirasidagi yorqin qiyofasini yoritadi.

Tadbirda Alisher Navoiy nomidagi Oʻzbekiston Milliy kutubxonasi direktori Umida Teshabayeva Xalqaro toifadagi spiker, falsafa fanlari doktori, professor Jamila Shermuhammedova, Toifalangan obyektlarni qo‘riqlash qo‘shinlari qo‘mondoni polkovnik Jur’at Yaqubov, Kasaba uyushmasi ta’lim va fan xodimlari Respublika kengashi raisi o‘rinbosari Maxmud Boboyorov, Samarqand viloyati xalq ta’limi boshqarmasi kadrlar bo‘limi boshlig‘i Nasiba Sharipova, O‘zbekiston Yozuvchilar uyushmasi a’zosi, shoir Ali Bek, viloyat axborot-kutubxona markazlari direktorlari hamda soha vakillari ishtirok etdi.

So‘zga chiqqanlar kitobning ma’naviy-ma’rifiy ahamiyati, unda ota siymosining farzand qalbidagi o‘rni samimiy ifodalanganini ta’kidladilar. Asarda aks etgan hayotiy voqealar, xotiralar va ibratli lavhalar yosh avlod uchun ham muhim tarbiyaviy ahamiyatga ega ekani qayd etildi.

Tadbirda “Otamning harbiy qiziman” kitobi muallifi Shahnoza Muhammadiyeva asarning yaratilish jarayoni, otasi haqidagi xotiralarni kitob sahifalariga muhrlash istagi va ijodiy izlanishlari haqida so‘zlab berdi.

📱Rasmiy sahifalarimizga obuna bo‘ling

Telegram l Instagram  YouTube l Facebook l Twitter l Website

📚 IFLA WLIC 2026: xalqaro tajriba va yangi imkoniyatlar

IFLA WLIC 2026 Butunjahon kutubxonalar kongressi doirasidagi sessiyalar zamonaviy kutubxonachilikning dolzarb masalalari, innovatsiyalar va yangi texnologiyalarga bag‘ishlandi. Xususan, sun’iy intellektning kutubxonalar faoliyatidagi o‘rni va undan foydalanish imkoniyatlari muhokama qilindi.

Kongress davomida turli mamlakatlar kutubxonalarining ilg‘or tajribalari o‘rganilib, xalqaro hamkasblar bilan professional muloqot va tajriba almashinuvi yo‘lga qo‘yildi. Volontyorlik yo‘nalishida ham faol ishtirok etilib, 20 dan ortiq davlatdan 100 nafardan ziyod volontyor qatnashdi. Ular orasida O‘zbekiston vakillarining ham borligi mamlakatimiz kutubxonachilarining xalqaro maydondagi faolligini namoyon etdi.

Shuningdek, IFLA granti doirasida 10 dan ortiq grant dasturlari o‘rganilib, 50 nafardan ortiq grant sohiblari bilan professional uchrashuvlar o‘tkazildi. Bu esa kelgusida yosh kutubxonachilarning xalqaro dasturlarda ishtirokini kengaytirish uchun yangi imkoniyatlar yaratishga xizmat qiladi.

Kongressning so‘nggi kunida posterlar ko‘rgazmasi, rasmiy yopilish marosimi hamda “Best IFLA Poster 2026”, “People’s Choice Poster 2026”, “Visual Impact 2026”, “IFLA Green Library Award 2026” kabi nominatsiyalar bo‘yicha g‘oliblarni taqdirlash marosimi bo‘lib o‘tdi.

🌍 IFLA WLIC 2026 — xalqaro tajriba, innovatsiyalar va professional hamkorlik uchun muhim platforma bo‘ldi.