“MEXANIKA VA MATEMATIK MODELLASHTIRISH” YO‘NALISHI BO‘YICHA RESPUBLIKA KO‘RIK-TANLOVINING YAKUNIY BOSQICHI O‘TKAZILDI

Alisher Navoiy nomidagi O‘zbekiston Milliy kutubxonasida Respublika oliy ta’lim muassasalarining xorijiy talabalari o‘rtasida “Yo‘nalishning eng iqtidorli talabasi” ko‘rik-tanlovining “Mexanika va matematik modellashtirish” ta’lim yo‘nalishi bo‘yicha yakuniy — Final bosqichi bo‘lib o‘tdi.

Milliy kutubxona bilan yaqindan tanishuv: Tanlovning final bosqichi oldidan ishtirokchi talabalar va tashrif buyurgan professor o’qituvchilar Alisher Navoiy nomidagi O‘zbekiston Milliy kutubxonasi faoliyati bilan yaqindan tanishdilar. Mehmonlarga kutubxonaning faoliyat yo‘nalishlari, ilmiy-ta’limiy imkoniyatlari, mavjud axborot va elektron resurslardan foydalanish tartibi, shuningdek, noyob qo‘lyozmalar majmuasi va boshqa qimmatli ilmiy-ma’rifiy manbalar haqida batafsil ma’lumot berildi.
Kutubxonaning yetakchi xodimlari tomonidan o‘tkazilgan tanishtiruv jarayonida talabalar ilmiy izlanish olib borish, zarur adabiyot va axborot resurslarini izlash hamda ulardan samarali foydalanish imkoniyatlari bilan tanishdilar.
Tanlovning final bosqichi: Rasmiy dasturga ko‘ra, tanlovning yakuniy bosqichi 60530600 — “Mexanika va matematik modellashtirish” ta’lim yo‘nalishi bo‘yicha tashkil etildi.

Mazkur tadbirda TIQXMMI Milliy tadqiqot universiteti Mexanika va kompyuterli modellashtirish kafedrasi professor-o‘qituvchilari — dotsent Xudoynazov Sh.O., katta o‘qituvchi Xamidov S.S. ishtirok etdilar.

Tanlov jarayoni talabalar uchun nafaqat o‘z bilim va salohiyatlarini sinovdan o‘tkazish, balki turli ta’lim muassasalaridan kelgan tengdoshlari bilan tajriba almashish, o‘zaro muloqot qilish va kasbiy rivojlanish uchun muhim imkoniyat bo‘ldi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

2026-yil 10-sentyabr kuni O‘zbekiston Milliy kutubxonasida “Kitob va mutolaa” haftaligi doirasida Nizomiy nomidagi O‘zbekiston milliy pedagogika universiteti "Psixologiya" kafedrasi dotsenti, psixologiya fanlari nomzodi Ranajon Abdullaeva “Psixologiya va yoshlar” mavzusida seminar-trening o‘tkazdi

Ranajon Abdullaeva yoshlar psixologiyasi haqida gapirar ekan, bunday seminarlar o‘smirlik davrida ta'lim va rivojlanishning ko‘p qirrali va ko‘p yo‘nalishli makonini qamrab olishga qaratilganini ta'kidladi. “Bunda alohida e'tibor zamonaviy bilimlar, ta'lim va o‘z-o‘zini rivojlantirishda yoshlar submadaniyati, yoshlar va o‘qituvchilar o‘rtasidagi ta'lim hamkorligini rivojlantirish kabi dolzarb masalalarni tahlil qilishga qaratilgan.

Ba'zi mavzular umumiy xarakterga ega bo‘lib, tinglovchilarni kretiv yondashuvlar yordamida zamonaviy psixologik qarashlar bilan tanishtirishni maqsad qilgan. Bunday seminarlar yoshning o‘ziga xos xususiyatlarini tushunishga, tushkunlikni yengishga va avlodlar o‘rtasida muloqot qobiliyatlarini yaxshilashga yordam beradi”.
Trening davomida ishtirokchilar shaxsiy o‘sish, ichki salohiyatni ochib berish va uni hayotda amalga oshirish, maqsadlarga qat'iy intilish, shuningdek, hayotiy qiyinchiliklarni yengishda ijobiy fikrlashni shakllantirish masalalari bo‘yicha qimmatli bilim va motivasiyaga ega bo‘ldilar.

Jonli muloqot va qiziqarli mashg‘ulotlar shaklida o‘tkazilgan seminarda ruhshunos Ranajon Abdullaeva ishtirokchilarga sog‘lom turmush tarzini olib borish va psixologik salomatlikni saqlash bo‘yicha amaliy tavsiyalar berdi.

Yosh kitobxonlar o‘zlarini qiziqtirgan barcha savollarga batafsil javob olish bilan birga va o‘zlarini yanada takomillashtirish uchun yangi g‘oya va motivasiyalarga ega bo‘ldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

2026-yil 10-sentabr kuni O‘zbekiston Milliy kutubxonasida “Kitob va mutolaa” haftaligi doirasida “Kutubxona xazinasiga sayohat” mavzusida viktorina tashkil etildi

Mazkur viktorinada Toshkent shahar Yashnobod tumanida joylashgan 153-maktabning 3-sinf o‘quvchilari ishtirok etdilar. Viktorina shartiga ko‘ra sinf o‘quvchilari 2 kichik guruhga bo‘linib, “Ertakli topishmoqlar”, “Mitti so‘zlar”, “Pantomimo” va “Qo‘l-oyoq o‘yini” shartlarini bajirishdi.

Bunda o‘quvchilar berilgan tasniflarga yordamida ertak qahramonlarini topish, uzun so‘zlardan ko‘plab kichik so‘zlar yasash, berilgan ertak nomini pantomimo yordamida ko‘rsatib berishda kuch sinashdilar hamda harakatli o‘yinda o‘z zukkoliklarini va jismoniy ko‘nikmalarini namoyish etdilar.
G‘olib jamoa va eng faol ishtirokchilar O‘zbekiston Milliy kutubxonasi tomonidan kitob va yorliqlar bilan mukofotlandi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website