📚 Kitob va mutolaa haftaligi doirasidagi ekskursiyalar davom etadi

Kitob va mutolaa haftaligi doirasida tashkil etilayotgan ochiq eshiklar haftaligi bugun ham turli ta’lim muassasalari yoshlari ishtirokida davom etdi.

O‘zbekiston davlat san’at va madaniyat instituti hamda Respublika estrada-sirk kolleji talabalari O‘zbekiston Milliy kutubxonasiga ekskursiyaga keldi.

Kutubxona bo‘ylab sayohat davomida talabalar kitob fondlari, o‘quv zallari va zamonaviy axborot-kutubxona xizmatlari bilan tanishib, o‘z ta’lim yo‘nalishlari uchun zarur adabiyotlarni izlash va kutubxona resurslaridan foydalanish imkoniyatlari haqida ma’lumot oldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

📚 Ochiq eshiklar haftaligi doirasida amaliy seminar bo‘lib o‘tdi

O‘zbekiston Milliy kutubxonasida Kitob va mutolaa haftaligi doirasida tashkil etilgan “Ochiq eshiklar haftaligi” munosabati bilan xorijiy ilmiy-ta’limiy ma’lumotlar bazalaridan foydalanish imkoniyatlariga bag‘ishlangan amaliy seminar bo‘lib o‘tdi.

“Xorijiy ilmiy-ta’limiy ma’lumotlar bazalari: ilmiy axborotni samarali izlash imkoniyatlari” mavzusidagi seminarda ilmiy maqolalar, kitoblar, dissertatsiyalar va boshqa elektron resurslarni izlash, ma’lumotlar bazalaridan samarali foydalanish hamda ilmiy tadqiqot va ta’lim jarayonida xalqaro elektron resurslarning afzalliklari haqida ma’lumot berildi.

Shuningdek, ishtirokchilarga Scopus’da indekslangan jurnallar ro‘yxatini aniqlash, zarur ilmiy axborotni tez va samarali izlash usullari hamda Milliy kutubxonada mavjud xorijiy ilmiy-ta’limiy ma’lumotlar bazalaridan foydalanish tartibi tushuntirildi.

Seminarni xorijiy ilmiy-ta’limiy ma’lumotlar bazalari bo‘yicha mutaxassislar Husniya Boysunova va Behbudshoh Anvarov spiker sifatida olib bordilar.

Seminar ishtirokchilari o‘zlarini qiziqtirgan savollarga javob oldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

O‘zbekiston Milliy kutubxonasida Kitob va mutolaa haftaligi doirasida tashkil etilgan ochiq eshiklar haftaligida davom etadi

Haftalikning so‘nggi tashriflaridan biri Kamoliddin Behzod nomidagi Milliy rassomlik va dizayn instituti talabalari ishtirokida bo‘lib o‘tdi.

Ekskursiya davomida talabalar kutubxonaning faoliyati, kitob fondlari, o‘quv zallari va zamonaviy axborot-kutubxona xizmatlari bilan tanishdilar. Shuningdek, elektron katalogdan foydalanish, zarur adabiyotlarni izlash hamda kutubxona resurslaridan ta’lim va ijodiy izlanishlarda foydalanish imkoniyatlari haqida ma’lumot oldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website