✅ O‘zbekiston Milliy kutubxonasi Texnik qo‘llab-quvvatlash bo‘limi yetakchi mutaxassisi Mamatov Behzodjon 2026-yil 11–18-oktabr kunlari Xitoy Xalq Respublikasi Shensi provinsiyasining Xian shahrida bo‘lib o‘tayotgan
Ipak yo‘li xalqaro kutubxonalar alyansi (SRILA)-2026 seminarida ishtirok etmoqda.

❗️ Seminarning asosiy mavzusi “Aqlli kutubxona nazariyasi va innovatsion amaliyoti” (Smart Library Theory and Innovative Practice) bo‘lib, unda Xitoy Milliy kutubxonasi, viloyat va munitsipal jamoat kutubxonalari hamda yetakchi universitet kutubxonalari mutaxassislari tomonidan aqlli kutubxonalarni rivojlantirishning zamonaviy nazariyalari va ilg‘or amaliyotlari taqdim etiladi.

📌 Tadbir doirasida ishtirokchilar uchun seminar mashg‘ulotlari bilan bir qatorda Shensi provinsiyasidagi kutubxonalarga tashriflar va amaliy o‘quv mashg‘ulotlari tashkil etilishi ko‘zda tutilgan.

❗️ Mazkur xalqaro seminardagi ishtirok O‘zbekiston kutubxonalarini raqamlashtirish, zamonaviy axborot texnologiyalarini joriy etish, aqlli kutubxona xizmatlarini rivojlantirish va xorijiy kutubxonalar bilan professional hamkorlikni mustahkamlash nuqtayi nazaridan muhim ahamiyat kasb etadi.

✅ O‘zbek kutubxonachilari Qirg‘izistonda kattalar ta'limi dekadasi doirasida o‘tkazilgan konferensiyada ishtirok etmoqda

🤝 2026-yil 14-oktabr kuni Qashqadaryo viloyati Koson tumani axborot-kutubxona markazi direktori Nigora Xo‘jayeva va Bobur nomidagi Andijon viloyat axborot-kutubxona markazi Ilmiy-uslubiy bo‘limi bosh mutaxassisi Ozoda Burxonovalar Bishkek shahrida bo‘lib o‘tgan konferensiyada ishtirok etdilar.

🤝 Germaniya Milliy universitetlar assosiasiyasi (DVV International) va "Axborot-resurs markazlari" jamoat birlashmasi vakolatxonasi tomonidan "Qirg‘iziston Respublikasi jamoat kutubxonalarida kattalar uchun ta'lim amaliyotini rivojlantirish: hozirgi tendensiyalar va istiqbollarni tahlil qilish" konferensiyasi tashkil etildi.

❗️ Konferensiyaning asosiy maqsadi kasbiy tajriba almashish va ommaviy kutubxonalarda kattalar ta'limini rivojlantirishning dolzarb masalalarini muhokama qilishga qaratildi.

📖 Konferensiya ishtirokchilariga
"Kattalar uchun ta'lim markazi"  faoliyati bilan tanishtiruvchi videotaqdimot namoyish etildi.
Markaz bitiruvchilari erishgan muvaffaqiyatlari bilan o‘rtoqlashdilar va o‘z bilimlarini qanday qo‘llayotgani bilan o‘rtoqlashdilar.

📖 Kutubxonachilar uchun  kitoblarni tartibga solish va katalog bilan ishlash, kitob ko‘rgazmalari va sharhlarni tashkil etish qoidalari bo‘yicha mahorat darslarini o‘tkazildi.

📌 Shuningdek, ishtirokchilarga milliy an'analar, hunarmandchilik, kashtachilik va yamoqchilik (quroq) san'ati namunalari namoyish etildi.

✅ O‘zbekiston Milliy kutubxonasi vakili Behbudshoh Anvarov ishtirok etayotgan UNESCOning “Jahon xotirasi” Xalqaro o‘quv seminarining ikkinchi kunida ishtirokchi mamlakatlarning hujjatli meros namunalarini xalqaro reyestrga kiritish uchun tayyorlangan nomzodnomalarini tahlil qilish bo‘yicha amaliy ishlar olib borildi.

📝 Seminar doirasida ishtirokchilar kichik guruhlarda ishladilar. Har bir guruhga ikkitadan xalqaro ekspert biriktirildi. Ekspertlar ishtirokchilar bilan bevosita hamkorlikda ishlab, har bir mamlakat tomonidan taqdim etilgan nomzodnomalarni batafsil ko‘rib chiqdilar.

🎤 "Xalqaro ekspertlar tomonidan mavjud kamchiliklarni aniqlash, yetishmayotgan ma’lumotlarni to‘ldirish, noaniq yoki noto‘g‘ri ifodalangan jumlalarni tuzatish hamda hujjatlarni belgilangan talablar asosida takomillashtirish yuzasidan tavsiyalar berildi. Ishtirokchilar ekspertlar bilan birgalikda nomzodnomalarga zarur tuzatish va qo‘shimchalar kiritib, ularning mazmunini yanada takomillashtirish ustida ishladik",- deya o‘z taassurotlari bilan bo‘lishdi B.Anvarov.