“ADIB VA KUTUBXONA” SEMINAR-TRENINGI YAKUNLANDI

Parkent ijod uyida tashkil etilgan “Adib va kutubxona” seminar-treningi o‘z ishini yakunladi.

Kitobxonlik madaniyatini rivojlantirish, adiblar va kutubxonachilar o‘rtasidagi ijodiy hamkorlikni mustahkamlashga qaratilgan seminar-trening davomida ishtirokchilar o‘zaro tajriba almashib, taniqli yozuvchi va shoirlar bilan muloqot qildilar. Adabiy uchrashuvlar, ijodiy suhbatlar va mushoiralar tadbirning mazmunini yanada boyitdi.

Seminar-trening davomida kitobning inson ma’naviyati va tafakkurini shakllantirishdagi o‘rni, mutolaa madaniyatini keng targ‘ib etish hamda kutubxonachilarning jamiyat ma’naviy hayotidagi ahamiyati xususida fikr almashildi.

Mazkur tadbir kutubxonachilarning kasbiy tajribasini boyitish, ijodkorlar bilan hamkorlikni rivojlantirish va kitobxonlikka bo‘lgan qiziqishni yanada oshirish yo‘lida muhim qadam bo‘ldi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website