#Kutubxona_OAV_nigohida "Adib va kutubxona" seminar-treningi "O‘zbekiston 24" telekanalining "Axborot 24" dasturida yoritildi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

✅ Yusuf Xos Hojibning«Qutadg‘u bilig» asari yoki o‘n asr avval yozilgan asar

📚 Turkiy xalqlarning bobokalon shoiri va mutafakkiri Yusuf Xos Hojibning “Qutadg‘u bilig”  asarining faksimilesi O‘zbekiston Milliy kutubxonasi fondida saqlanayotgan nodir asarlardan biridir.

📝 "Qutadg‘u bilig" badiiy jihatdan boy asar hisoblanadi. Unda hayotiy voqelik va shoir hayoli o‘zaro uyg‘unlashgan. Shoirning tasvirlari yorqin, tili shirali, mazmunga boy. Asardagi ko‘p baytlar hikmatli so‘z (aforizm) darajasiga ko‘tarilgan. Har bir bayt tugal tasvir (yaxlit obraz) ga ega.

📝 Kitobning kirish qismida rus va nemis tillarida asar haqida qisqa ma'lumot berilgan.

📝 "Qutadg‘u bilig" XI asr so‘z san'atining nodir namunasi bo‘lib, unda o‘z davrining ilg‘or ijtimoiy-siyosiy, ma'naviy-axloqiy masalalari badiiy talqin qilingan, turkiy xalqlar tarixi, madaniyati, ilm-fani, urf-odat va an'analari, turmush tarzi, qadriyatlari xususida batafsil ma'lumot berilgan. "Qutadg‘u bilig"ning "Til odobi" ("Til ardami") deb nomlangan 7-bobida muallif tilning jamiyat va madaniy hayotdagi o‘rni, dunyoni, uning sir-sinoatlarini bilish va o‘rganishdagi ahamiyati, til ilmi, nutq odobi va notiqlik san'ati kabi masalalar haqida fikr yuritadi.

O‘zbekiston Milliy kutubxonasida bulutli texnologiyalarni joriy etish masalalari muhokama qilindi

Alisher Navoiy nomidagi O‘zbekiston Milliy kutubxonasida Bulutistan kompaniyasi vakillari bilan uchrashuv bo‘lib o‘tdi.

Unda kutubxona faoliyatida zamonaviy bulutli texnologiyalardan foydalanish, axborot tizimlari infratuzilmasini rivojlantirish va raqamli xizmatlar uchun zarur texnik imkoniyatlar masalalari muhokama qilindi.
Uchrashuvda Bulutistan kompaniyasi tomonidan Country Manager - Erdeniz Ilhan Murtazalar, Solution Architect Director – Central Asia Kamber O‘zdemir, Sales & Business Development Direktori Nazokat Tolipova hamda texnik bo‘lim mutaxassisi Sanjar Do‘stmuhammedovlar ishtirok etdi.

Uchrashuv davomida Bulutistan kompaniyasi vakillari kompaniyaning bulutli hisoblash, server infratuzilmasi, ma’lumotlarni saqlash va zaxiralash, IT tizimlarini boshqarish hamda axborot xavfsizligini ta’minlash yo‘nalishlaridagi xizmatlari haqida taqdimot o‘tkazdi.

Bulutistan — 2015-yildan buyon bulutli texnologiyalar sohasida faoliyat yuritib kelayotgan Turkiya kompaniyasi bo‘lib, korporativ mijozlarga IaaS va PaaS xizmatlari, bulutli serverlar, zaxira nusxalarini yaratish, avariyadan keyin ma’lumotlarni tiklash hamda boshqariladigan IT xizmatlarini taklif etadi.
📚 Milliy kutubxonada raqamli imkoniyatlarni kengaytirish:

O‘z navbatida, Milliy kutubxona rahbariyati va mutaxassislari bugungi kunda kutubxona faoliyatida raqamlashtirish ishlari izchil olib borilayotgani, turli axborot tizimlari va elektron xizmatlar ishlab chiqilayotgani, raqamli resurslar hajmi ortib borayotganini ta’kidladi.

Uchrashuv yakunida ishtirokchilar o‘rtasida savol-javoblar tashkil etilib, bulutli texnologiyalarning amaliy imkoniyatlari va ularni kutubxona faoliyatida qo‘llash istiqbollari muhokama qilindi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website