Milliy kutubxona | Rasmiy
9.35K subscribers
15.5K photos
2.09K videos
467 files
7.03K links
Alisher Navoiy nomidagi O‘zbekiston Milliy kutubxonasining telegramdagi rasmiy sahifasi

Bizni ijtimoiy tarmoqdagi boshqa sahifalarimizni ham kuzatib boring 👉 https://natlib.taplink.ws

Murojaat uchun: @infonatlib_bot
Download Telegram
Tuman (shahar) axborot-kutubxona markazlari uchun zarur qo‘llanma

O'zbekiston Milliy kutubxonasida “Tuman (shahar) AKMning axborot-bibliografiya xizmati ishini tashkil qilish : (metodik tavsiya)” qo‘llanmasi tuzildi.
Qo‘llanmaning maqsadi va mazmuni:
Qo‘llanma tuman (shahar) axborot-kutubxona markazlarida (TAKM) bibliografiya ishini tashkil etish va samarali olib borishga yordam berish maqsadida tuzilgan.
Metodik tavsiyada AKMlarda bibliografiya ishlarining asosiy yo‘nalishlari, xususan, ma’lumot-bibliografik apparatni tashkil qilish masalalari ko‘rib chiqilgan.
Katalog va kartotekalar tizimi, bibliografik kartotekalar turlari hamda ularning axborot va bibliografiya fondlaridagi o‘rni haqida ma’lumotlar berilgan.
Qo‘llanmaning oxirida ma’lumot-bibliografiya xizmati ishining ba’zi jihatlarini batafsilroq tushunishga yordam beradigan izohlar, qisqartmalar ro‘yxati hamda tegishli ilovalar joylashtirilgan.

https://www.natlib.uz/bbs/content/94_457
🔥13👍8❤2🎉1
Forwarded from 1000KITOB
1000KITOB Jamoatchilik kengashi tuzildi

1000KITOB loyihasi Jamoatchilik kengashi o‘z faoliyatini boshladi va uning birinchi yig‘ilishi bo‘lib o‘tdi. Kengashga O‘zbekistonning eng tajribali noshirlari, soha mutaxassislari, olimlar va jurnalistlar jalb etildi. Kengash a’zolari orasida, jumladan, shoir va muharrir Nosirjon Jo‘rayev, tarixchi olima Feruza Jumaniyozova, “Gazeta.uz” jurnalisti Bahodir Abdullayev bor.

Ushbu kengashning maqsadi – loyiha shaffofligini ta’minlash, uning hisobotlarini tinglash, jamoatchilik vakillari bilan ishlash, ulardan tavsiya va takliflar olish.

Yig‘ilishda kengashning raisi va uning o‘rinbosarlari saylandi. “Sharq” nashriyot-matbaa aksiyadorlik kompaniyasi bosh muharriri Ahror Ahmedov rais, Alisher Navoiy nomidagi O‘zbekiston milliy kutubxonasi direktori Umida Teshaboyeva rais o‘rinbosari sifatida tasdiqlandi.

Kengashning yangi ishlab chiqilgan nizomi muhokama qilinib, a’zolar taklif qilgan tuzatishlarni kiritish sharti bilan ma’qullandi. Shundan so‘ng yig‘ilishning asosiy maqsadi – Loyiha ofisining olti oylik hisoboti bilan tanishtirildi.

Hisobot davrida Loyiha ofisi tomonidan, jumladan, quyidagi ishlar amalga oshirildi:

– Ekspertlar kengashi tarkibi yangilandi;

– ilk bor “Tarjimon va muharrirlar maktabi” tashkil etildi;

– loyiha doirasida jami 43 ta kitob tarjima va tahrir jarayonlaridan so‘ng qabul qilib olindi, 27 ta kitob uchun tender o‘tkazilib, nashr ishlari boshlab yuborildi;

– keyingi faoliyat davomida nashrga tayyorlanadigan 63 ta kitobdan iborat dastlabki ro‘yxat shakllantirildi va Ekspertlar kengashi tomonidan tasdiqlandi. 22 ta kitob bo‘yicha xorijiy nashriyotlar bilan shartnomalar imzolandi, yana 13 ta kitob bo‘yicha shartnoma imzolash jarayoni yakunlanishi kutilmoqda;

– nashriyotlar orasida ushbu kitoblarni o‘zbek tiliga tarjima qilish va nashrga tayyorlash bo‘yicha tanlovlar o‘tkazildi va bugungi kunda ular bilan shartnomalar imzolanmoqda;

– Markaziy bank bilan hamkorlikda “1000KITOB+” tashabbusi boshlanib, makroiqtisodiyot va bank tizimiga oid kitoblarni o‘zbek tiliga tarjima qilish va chop etish bo‘yicha nashriyotlar orasida tanlov e’lon qilindi.

Shuningdek, yig‘ilishda dastlabki bosqichda tayyorlangan 27 ta kitobning signal (o‘zbekcha) va asl (inglizcha) nusxalari ularga taqdim etilib, mutaxassislarning taklif va tavsiyalari olindi.

1000KITOB oilasiga qo‘shilgan mutaxassislarga tashakkur bildiramiz va ularning bebaho taklif va tavsiyalari loyihaning rivojiga ulkan hissa qo‘shadi deb ishonamiz.

Jamoatchilik kengashining dastlabki tarkibi haqida tez orada ma’lumot beramiz.

Jamoatchilik kengashiga murojaat etmoqchi boʻlsangiz, 1000kitob@gmail.com elektron pochta manziliga takliflariningizni yuborishingiz mumkin.

Sahifalarimizga ulaning va ulashing👇

Telegram | Facebook | Instagram | YouTube | X
❤12🔥4😍3🎉1
📌Joriy yilning 22-iyul kuni Alisher Navoiy nomidagi O‘zbekiston Milliy kutubxonasida navbatdagi metodik to'garak Zoom platformasi orqali (online va offline) tarzda bo‘lib o’tdi.

📎 Mazkur metodik to‘garak “Axborot-kutubxona resurslarini axborot-kutubxona fondi hisobidan chiqarish taritibi (dalolatnoma tuzish, qayta baholash, ishchi guruhi xulosasi, ekspertlar guruhi va hakozo)” mavzusida bo‘lib o‘tdi. Mashg'ulotni Umumiy fondlarni saqlash xizmati rahbari M. Mirxodjayeva hamda Hududiy axborot-kutubxona markazlarini muvofiqlashtirish va monitoring qilish xizmati rahbari G. Kuliyevalar olib bordilar.

📎Mashg‘ulotda Qoraqalpog‘iston Respublikasi, viloyatlar va tuman (shahar) axborot-kutubxona markazlarining, shuningdek, boshqa tashkilotlarga tegishli axborot-kutubxona muassasalarining 300 ga yaqin mutaxassis, xodimlari ishtirok etishdi.

📱Rasmiy sahifalarimizga obuna bo‘ling!

Telegram l Instagram l YouTube l Facebook l Twitter l Website
👍6🔥6❤2😍1
✅ 2025-yil 21-iyul – 1-avgust kunlari O‘zbekiston Milliy kutubxonasi mutaxassislari Muxayo Asqarova va Shoira Abduqodirova Moskva shahrida Rossiya Davlat kutubxonasi tomonidan tashkil etilgan “Kutubxona fondlarini restavratsiya qilish: Klassik sahifalash restavratsiyasi. Tayanch kursi” varaqlarini tiklashning asosiy kursi bo‘yicha o‘z malakasini oshirmoqdalar.

📝 Kursning maqsadi - hujjatli madaniy merosni saqlash va tiklash. Shuningdek, tajribali restavratorlar va ekspertlar tomonidan ma’ruzalar, amaliy mashg‘ulotlar va mahorat darslari o‘tkazilishi rejalashtirilgan.

📝 Tinglovchilar klassik varaqlarni restavratsiya qilish bo‘yicha turli murakkablikdagi amaliy topshiriqlardan tashqari restavratsiya ustaxonalari, “Kitob muzeyi” va qo‘lyozmalar bo‘limiga ekskursiya qilishmoqda.

📱Rasmiy sahifalarimizga obuna bo‘ling!

Telegram l Instagram l YouTube l Facebook l Twitter l Website
❤11🔥5👍2🥰1😍1💯1