Milliy kutubxona | Rasmiy
9.36K subscribers
15.5K photos
2.09K videos
467 files
7.03K links
Alisher Navoiy nomidagi O‘zbekiston Milliy kutubxonasining telegramdagi rasmiy sahifasi

Bizni ijtimoiy tarmoqdagi boshqa sahifalarimizni ham kuzatib boring 👉 https://natlib.taplink.ws

Murojaat uchun: @infonatlib_bot
Download Telegram
#INFOLIB_2025

2025-yil 14-noyabr kuni O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida Diyora Muradxodjayeva muallifligidagi “Nozik ohang” kitobi taqdimoti bo‘lib o‘tdi
Taqdimot marosimida so‘zga chiqqanlar asarda umid va mehr tarannum etgan sahnalar borligi o‘quvchini tushkunlik ichidan qutqarishini va ilinj berishini ta'kidladilar. Asarda bosh qahramon Sa’diya ismli qizaloq bo‘lib, kitob uning tilidan hikoya qilinadi. Bu yondashuv kitobni jonli va samimiyligini yanada oshirgan.

Kitobxon atrofni Sa’diyaning nigohi bilan ko‘radi. Og‘rig‘ini, qo‘rquvini, quvonchini, sukunatini birga his qiladi. Sa’diya buvisining sokinligi, sabri, unga bo‘lgan ishonchi va muhabbati bilan o‘zining “nozik ohangini” topadi.
Muallif autizmga tibbiy xastalik sifatida qaramaslikka chaqiradi. Ushbu asar nafaqat autist bolaning, balki umuman har bir bolajonning o'z dunyosi mavjudligini, unga bilib-bilmay zarar yetkazib qo'ymaslik muhimligini anglashimiz uchun bola tilidan bayon etilgan bir ogohnomadir.

Diyora Murodxo‘jayeva o‘z kitobi orqali o‘zining nozik kuzatuvchanligi, tiniq tili va yurakdan chiqqan samimiy satrlari bilan o‘quvchini o‘ylashga, his etishga, ichki ovozini tinglashga chorlaydi.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍4❤3🔥3🥰1👏1😍1
#INFOLIB_2025
2025-yil 10-noyabr kuni O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida “Elektron resurslarga qayta ishlov berishda xato va kamchiliklar bartaraf etish” mavzusida амалий seminar bo‘lib o‘tdi

Tadbirning asosiy maqsadi — soha mutaxassislariga elektron resurslarga qayta ishlov berish jarayonida uchraydigan xato va kamchiliklarni aniqlash, ularni bartaraf etish usullari hamda elektron ma’lumotlarning sifatini nazorat qilish bo‘yicha bilim va ko‘nikmalarni hosil qilish, berilgan vazifalar yuzasidan yo‘l qo‘yilgan xato va kamchiliklar ustida ishlash, ular bilan fikr almashib axborot-kutubxona sohasi rivojiga o‘z hissasini qo‘shishdan iborat.
Amaliy dars davomida axborot-kutubxona markazlari soha mutaxassislariga yo‘l qo‘yilayotgan xatolari tushuntirib o‘tildi. Elektron resurslarni qayta ishlashda FineReader dasturidan samarali foydalanish bo‘yicha to‘liq ma’lumotlar berildi. Soha mutaxassislari olgan bilimlarini amaliy tarzda FineReader dasturi yordamida o‘z ustida ishlashdi va dasturni yanada chuqurroq o‘zlashtirishdi.

📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
❤4🔥3👍2😍1
#INFOLIB_2025 2025-yil 14-noyabr kuni O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida Navoiyshunos olim, professor Sobit Madaliyevning kitoblari taqdimoti bo‘lib o‘tdi

Taqdimot marosimida so‘zga chiqqanlar navoiyshunos olim, professor Sobit Madaliyevning rus tiliga tarjima qilingan kitoblari xususida hamda tarjimonning mahorati va falsafiy dunyoqarashi haqida fikr almashdilar.
Atoqli shoir va faylasuf Sobit Madalievning “Умрите прежде, чем умрёте” kitobi nafsga, har qanday yomonlikka o‘lish, hasad, razillik va yolg‘ondan, shaxs kamolotida to‘siq bo‘ladigan fazilatlardan voz kechishni anglatadi.

Muallif mumtoz ruboiy shaklida ijod qiladi, chunki ruboiy tuyg‘ulari, fikrlarining shaffofligi, ma’no teranligini yetkazib bera oladi. Bu insonga o'z his-tuyg'ularini va fikrlarini yorqin ifoda etish imkonini beradi. Sobit Madaliyevning ruboiylari yerdagi lazzatlar haqida emas, balki ma’naviy nur haqida.
Alisher Navoiyning “Мольба к Богу” nomli ajoyib g‘azalining chag‘atoy (eski o‘zbek) tilidan Sobit Madaliev tomonidan tarjimasi so‘fiy mualliflarning an’anaviy tarjimalari turkumidagi yangi qadamdir.
“Мольба к Богу” – o‘z borlig‘i bilan Yaratganning buyukligi va qudratini anglagan, uni yo‘qdan yaratgan, uni asrab-avaylagan, unga ko‘p ne’matlar ato etgan, to‘g‘ri yo‘lga hidoyat qilgan insonning iqroridir. Shoir iltijosi kufr zulmatidan iymon nuriga yo‘l, inson bosib o‘tgan yo‘ldir. 📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍6🔥3❤2😍1
#INFOLIB_2025 O‘zbekiston Milliy kutubxonasida “INFOLIB O‘ZBEKISTON-2025” XIV Milliy axborot-kutubxona haftaligi doirasida “Saodat” jurnalining 100 yilligi munosabati bilan retro jurnallar ko‘rgazmasi qo‘yildi

O‘zbek ayollarining sevimli jurnali «Saodat» bir asrlik yubileyini nishonlayotgan bir paytda O‘zbekisston Milliy kutubxonasida uning faoliyatiga bag‘ishlangan ko‘rgazma tashkil qilindi. Ilk sonining chop etilganiga bir asr bo‘lgan jurnalda qanchadan qancha insonlar mehnat qilgan, minglab ibratlari maqolalar chop etilgan, ko‘plab an'analar yuzaga kelgan.

«Saodat» jurnali dastlabki yillarda «Yangi yo‘l», «Yorqin turmush», «Yorqin hayot», keyinchalik «O‘zbekiston xotin-qizlari» nomlari bilan mushtariylar qo‘liga yetib borgan. Yurtimizning ilg‘or, iste'dodli kishilari qatori qatag‘onga uchragan Tojixon Shodieva, Sobira Xoldorova, Xosiyat Tillaxonova, Saodat Shamsieva, Iqbolxon Akbarxo‘jaeva, Fotima Niyozova, Oydin Sobirova kabi xalqimizning ziyoli ayollarining nomi «Saodat» orqali elga tanildi. Saida Zunnunova, Xosiyat Lutfullaeva, Ullibibi Otaeva, Xolida Ahrorova, Dilbar Mahmudova, O‘g‘iloy Yusufjonova, San'at Mahmudova, Rahima Shomansurova, Nasima Yusupova, Roza Sayfieva, Laylo Salimjonova kabi turli vazifalarni ado etgan ayollar Zulfiyaxonim maktabida toblandilar. Xosiyat Bobomurodova, Dilbar Haydarova, Hayotxon Ortiqboeva, Muhtarama Ulug‘ova, Zulfiya Mo‘minova, Sharifa Salimova, Dilbar Saidova, Ra'no Rahmon kabi adibalar ham «Saodat» jurnalida tetapoya qilganlar.
Faoliyati vaziyat taqozosi bilan ma'lum muddatga to‘xtab qolgan, lekin davr sinovlaridan o‘tgan sevimli «Saodat» jurnalimiz yana ayollarning sirdoshi, maslahatgo‘yi, do‘sti bo‘lib yurtimizning chekka-chekka joylarida ham istiqomat qilayotganlar, turli soha vakillari bo‘lmish ayollar qo‘liga vaqtida yetib bormoqda.

Bugun jurnalning vazifasi yana ham zalvorliroq. Unga doimo xalq ardog‘ida, sevimli, istakli dugona bo‘lib qolishini tilab, uning ijodkorlariga cheksiz hurmatimizni izhor qilamiz.
“Saodat” jurnalining 100 yilligi munosabati bilan retro jurnallar ko‘rgazmasida siz jurnalning turli yillarda nashr etilgan va O‘zbekiston Milliy kutubxonasi davriy nashrlar fondida saqlanayotgan sonlari bilan yaqindan tanishishingiz mumkin. 📱Rasmiy sahifalarimizga obuna
bo‘ling!
✈️Telegram l🌐 Instagram l 📹YouTube l✅ Facebook l🕊 Twitter l 🌐Website
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
❤4👌2🔥1😍1