Milliy kutubxona | Rasmiy
9.25K subscribers
15.3K photos
2.08K videos
467 files
6.99K links
Alisher Navoiy nomidagi O‘zbekiston Milliy kutubxonasining telegramdagi rasmiy sahifasi

Bizni ijtimoiy tarmoqdagi boshqa sahifalarimizni ham kuzatib boring 👉 https://natlib.taplink.ws

Murojaat uchun: @infonatlib_bot
Download Telegram
Joriy yilning 23-fevral sanasida Alisher Navoiy nomidagi O‘zbekiston Milliy kutubxonasida 1–28-fevral kunlari o‘tkazilishi rejalashtirilgan “Odamlar va hayvonlar o‘rtasida quturish kasalligining tarqalishini oldini olishda FVDQT xizmatlarining hamkorlikdagi harakatlari” mavzusida tadbir tashkil etildi.

Tadbir Milliy kutubxona rahbariyati hamda mutaxassis-xodimlari uchun mo‘ljallangan bo‘lib, unda mutasaddi tashkilotlar vakillari ishtirok etdilar. Jumladan, O‘zbekiston Respublikasi Sog‘liqni saqlash vazirligi huzuridagi Toshkent shahar Yunusobod tumani Sanitariya-epidemiologik osoyishtalik va jamoat salomatligi bo‘limi xodimi Jumaniyozova Bibixon Alaberganovna hamda “Ma’rifat markazi” FVB boshlig‘i, kapitan A. Ashirov tadbirda qatnashdilar.

Tadbir davomida kapitan A. Ashirov so‘zga chiqib, O‘zbekiston Respublikasi aholisi va hududlarini favqulodda vaziyatlardan muhofaza qilish, fuqaro muhofazasi hamda yong‘in xavfsizligini ta’minlash bo‘yicha 2026-yilga mo‘ljallangan asosiy vazifalar haqida ma’lumot berdi.
Shuningdek, “Ma’rifat markazi” direksiyasi hamda Milliy kutubxona binolarida yong‘in xavfsizligini yanada kuchaytirish, mavjud tizimlarni takomillashtirish va aniq profilaktik choralarni amalga oshirish yuzasidan belgilangan vazifalar alohida ta’kidlandi.


Sanitariya-epidemiologik osoyishtalik va jamoat salomatligi bo‘limi vakili Jumaniyozova Bibixon Alaberganovna tomonidan:
“Odamlar va hayvonlar o‘rtasida quturish kasalligi tarqalishining oldini olishda FVDQT xizmatlarining hamkorlikdagi harakatlari”, “Quturish kasalligi – o‘ta xavfli yuqumli kasallik” mavzularida amaliy seminar hamda maxsus taktik o‘quv mashg‘ulotlari o‘tkazildi. Tadbir davomida quturish kasalligining kelib chiqish sabablari, yuqish yo‘llari, profilaktika choralari, favqulodda vaziyatlarda tezkor va hamkorlikdagi harakat algoritmlari batafsil tushuntirildi.

Mazkur tadbir xodimlarning favqulodda vaziyatlarga tayyorgarligini oshirish, sanitariya-gigiyena qoidalariga rioya etish hamda jamoat xavfsizligini ta’minlashda muhim ahamiyat kasb etadi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website
❤7🔥2👏2🤩2👍1🎉1😍1
O‘zbekiston Respublikasi nashriyotlari kodi https://www.isbn-international.org portaliga kiritildi
Bugungi kunda Alisher Navoiy nomidagi O‘zbekiston Milliy kutubxonasi xalqaro ISBN agentligining milliy markazi hisoblanadi. Milliy va xorijiy elektron tizimlardan foydalanish uchun ISBN standartlarini yaratish, ISBN tizimidan foydalanishni nazorat qilish, ISBN bloklarini tarqatish, Respublika hududida faoliyat olib borayotgan nashriyotlar ma’lumotlar bazasini joriy etish va yuritish kabi vazifalarni bajarib kelmoqda.

Shu bilan birgalikda har yilning sentabr oyida xalqaro ISBN agentligiga nashriyotlarga taqdim etilgan raqamlar bloki haqidagi hisobotlar topshirildi. Ushbu hisobotlar asosida xalqaro ISBN agentligining reestrida nashriyotlarning ishlatilgan raqamlar bloklari qayd etiladi. Hozirgi kunda esa, nashriyot kodlari nashriyotlarga taqdim etilishi bilan xalqaro bazaga kiritilmoqda.
2026-yil boshidan 120 ta nashriyot raqami ISBN portalga kiritildi. Bunda noshirlik faoliyati bilan shug‘ullanuvchilar tomonidan ishlatilgan har bir nashriyot kodi – bu ISBN raqami ichidagi maxsus raqam bo‘lib, qaysi nashriyot kitobni chop etganini ko‘rsatadi. Portalda shu haqidagi ma’lumotlar aks ettiriladi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website
❤4👍3🔥2🎉1
Media is too big
VIEW IN TELEGRAM
#nocomment

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website
👍23🔥7❤2🥰2👏2🎉1🤩1
Har yili yurtimizda 270 mingga yaqin yangi oila paydo bo‘lmoqda.

“Yosh oilalar uchun eng avvalo nima kerak? Albatta, qulay va shinam uy-joy zarur. Shuni hisobga olib, yosh oilalarni qo‘llab-quvvatlash maqsadida uy-joy ipoteka dasturi doirasida kredit stavkasini 14 foizdan oshgan qismi budjetdan qoplab beriladi”,

– dedi Prezidentimiz.

Axborot xurujlari avj olayotgan bugungi kunda yoshlar o‘rtasida kitobxonlikni ommalashtirish muhim vazifalardan biri bo‘lib qolishi qayd etildi.

Bu ishlarni yangi bosqichga olib chiqish uchun tuzilgan “Kitobxonlik madaniyatini rivojlantirish” jamg‘armasi orqali eng iste’dodli yozuvchilarga ijodiy buyurtma beriladi va bir yil davomida oyiga 20 million so‘mdan haq to‘lanadi.

Eng sara xorijiy adabiyotlarni o‘zbek tiliga, milliy adabiyotlarni xorijiy tillarga tarjima qilish va chop etish xarajatining yarmi qoplanadi.

Mutasaddilarga yangi o‘quv yiligacha eng yaxshi 100 ta asardan iborat kitoblar to‘plamini tayyorlab, barcha maktab va texnikumlarga yetkazish topshirildi. Maktablardagi eng faol kitobxon o‘quvchilarga 10 million so‘mdan mukofot beriladi.

Kutubxona, “book cafe” va kitob do‘konlari ochib, kitob savdosini oyiga 10 ming donadan oshirgan tadbirkorlarga uch yilga 1 milliard so‘mgacha 7 foizli ssuda berish yo‘lga qo‘yiladi.

Facebook|Instagram|X
❤10👍4🔥4😍2🎉1
2026-yil 21-fevral kuni O‘zbekiston Milliy kutubxonasining “Jahon” o‘qish zalida Xalqaro ona tili kuni (YUNESKO) munosabati bilan “Til – millat ko‘zgusi, ma’naviyat sarchashmasi” deb nomlangan kitob-rasmli ko‘rgazma ochildi.
Mazkur ko‘rgazmada O‘zbekiston Milliy kutubxonasi fondida saqlanuvchi, chet tillarni o‘rganishni boshlovchilar va mukammal darajada egallashni xohlovchilar uchun ingliz, nemis, fransuz, xitoy, koreys, ispan, arab, chex, turk, italyan, portugal va shved tillarida o‘quv qo‘llanmalar, risolalar, lug‘atlar, disklar, audio- va videokassetalar namoyish etilmoqda.

Ko‘rgazmada ona tiliga cheksiz e’tibor va chet tillarni o‘rganishni targ‘ib etishga bag‘ishlangan kitoblar o‘rin olgan. Xalqaro ona tili kuni ona tilining jamiyatning har bir jabhasida va barcha munosabatlarda turg‘un rivojlanishi va turli xalqlar madaniy meroslarini  sharaflash imkoniyatini beradi.
📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website
👍11❤3🎉2🔥1👏1😍1
Inson huquqlari bo‘yicha O‘zbekiston Respublikasi Milliy markazida 2026-yil 25-fevral kuni shoir va tarjimon, O‘zbekiston Respublikasida xizmat ko‘rsatgan jurnalist Gʻulom Mirzoning “Saylanma: Ey, Oy!” nomli she’rlar to‘plami taqdimoti bo‘lib o‘tdi. Ushbu tadbir Inson huquqlari bo'yicha O'zbekiston Respublikasi Milliy markazi tashkil topganining 30 yilligi va 27 fevral – Xalqaro nodavlat notijorat tashkilotlari kuniga bag‘ishlandi.
Ushbu kitob taqdimotida akademik, Inson huquqlari bo‘yicha O‘zbekiston Respublikasi Milliy markazi direktori, Akmal Saidov, O'zbekiston Milliy kutubxonasi direktori Umida Teshabayeva, O‘zbekiston Veteran jangchi-faxriy va nogironlari birlashmasi raisi Tal’at Muradov va bir qator soha mutaxasislari ishtirok etdi. Taqdimoti bo'lib o'tayotgan kitoblarda muallifning so‘nggi yillarda yozilgan she’rlari, shuningdek, avvalgi she’riy to‘plamlariga kirgan ijod namunalari ham jamlangan.

Iste’dodli shoir Gʻulom Mirzoning ijodi o‘zbek kitobxonlariga yaxshi tanish. Shoirning “Ey, Oy” saylanma kitobida “dil” obrazi oyparast dil maqomida namoyon bo‘lmoqda. Saylanma shoirning “Ey, Oy” she’ri sarlavhasi bilan nomlangani bejiz emas. Shoir Oyni — Sharqda ezgulik ramzi bo‘lgan afsonaviy qush, baxt qushi, “davlat qushi” — humo (humoy) qushiga qiyoslaydi.
Uning “Ey, Oy” saylanmasida yangi tarjimalari ham e’lon qilingan. Rus tilida ijod qiluvchi taniqli shoir va tarjimon Rifat Gumerovning bir turkum she’rlari o‘zbek tilida taqdim etilgan. Shu o‘rinda mazkur tarjimon ham Gʻulom Mirzoning "Ey,  Oy!"  nomli kitobini rus tiliga tarjima qildi.
📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website
👍7❤3🔥3👏1