Milliy kutubxona | Rasmiy
9.25K subscribers
15.3K photos
2.08K videos
467 files
6.99K links
Alisher Navoiy nomidagi O‘zbekiston Milliy kutubxonasining telegramdagi rasmiy sahifasi

Bizni ijtimoiy tarmoqdagi boshqa sahifalarimizni ham kuzatib boring 👉 https://natlib.taplink.ws

Murojaat uchun: @infonatlib_bot
Download Telegram
2026-yil 21-fevral kuni O‘zbekiston Milliy kutubxonasining “Jahon” o‘qish zalida Xalqaro ona tili kuni (YUNESKO) munosabati bilan “Til – millat ko‘zgusi, ma’naviyat sarchashmasi” deb nomlangan kitob-rasmli ko‘rgazma ochildi.
Mazkur ko‘rgazmada O‘zbekiston Milliy kutubxonasi fondida saqlanuvchi, chet tillarni o‘rganishni boshlovchilar va mukammal darajada egallashni xohlovchilar uchun ingliz, nemis, fransuz, xitoy, koreys, ispan, arab, chex, turk, italyan, portugal va shved tillarida o‘quv qo‘llanmalar, risolalar, lug‘atlar, disklar, audio- va videokassetalar namoyish etilmoqda.

Ko‘rgazmada ona tiliga cheksiz e’tibor va chet tillarni o‘rganishni targ‘ib etishga bag‘ishlangan kitoblar o‘rin olgan. Xalqaro ona tili kuni ona tilining jamiyatning har bir jabhasida va barcha munosabatlarda turg‘un rivojlanishi va turli xalqlar madaniy meroslarini  sharaflash imkoniyatini beradi.
📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website
👍11❤3🎉2🔥1👏1😍1
Inson huquqlari bo‘yicha O‘zbekiston Respublikasi Milliy markazida 2026-yil 25-fevral kuni shoir va tarjimon, O‘zbekiston Respublikasida xizmat ko‘rsatgan jurnalist Gʻulom Mirzoning “Saylanma: Ey, Oy!” nomli she’rlar to‘plami taqdimoti bo‘lib o‘tdi. Ushbu tadbir Inson huquqlari bo'yicha O'zbekiston Respublikasi Milliy markazi tashkil topganining 30 yilligi va 27 fevral – Xalqaro nodavlat notijorat tashkilotlari kuniga bag‘ishlandi.
Ushbu kitob taqdimotida akademik, Inson huquqlari bo‘yicha O‘zbekiston Respublikasi Milliy markazi direktori, Akmal Saidov, O'zbekiston Milliy kutubxonasi direktori Umida Teshabayeva, O‘zbekiston Veteran jangchi-faxriy va nogironlari birlashmasi raisi Tal’at Muradov va bir qator soha mutaxasislari ishtirok etdi. Taqdimoti bo'lib o'tayotgan kitoblarda muallifning so‘nggi yillarda yozilgan she’rlari, shuningdek, avvalgi she’riy to‘plamlariga kirgan ijod namunalari ham jamlangan.

Iste’dodli shoir Gʻulom Mirzoning ijodi o‘zbek kitobxonlariga yaxshi tanish. Shoirning “Ey, Oy” saylanma kitobida “dil” obrazi oyparast dil maqomida namoyon bo‘lmoqda. Saylanma shoirning “Ey, Oy” she’ri sarlavhasi bilan nomlangani bejiz emas. Shoir Oyni — Sharqda ezgulik ramzi bo‘lgan afsonaviy qush, baxt qushi, “davlat qushi” — humo (humoy) qushiga qiyoslaydi.
Uning “Ey, Oy” saylanmasida yangi tarjimalari ham e’lon qilingan. Rus tilida ijod qiluvchi taniqli shoir va tarjimon Rifat Gumerovning bir turkum she’rlari o‘zbek tilida taqdim etilgan. Shu o‘rinda mazkur tarjimon ham Gʻulom Mirzoning "Ey,  Oy!"  nomli kitobini rus tiliga tarjima qildi.
📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website
👍7❤3🔥3👏1
📌2026-yil 25-fevral kuni O‘zbekiston Milliy kutubxonasida Respublika metodik kengashi yig‘ilishi bo‘lib o‘tdi.
Kengash yig‘ilishida Milliy kutubxona direktori Umida Teshabayeva, Yoshlar ishlari agentligi bo‘lim boshlig‘i Elyor Norpo‘latov, direktor o‘rinbosarlari Alimardon Rahmonov, Nasiba Xoldorova, Toshkent axborot texnologiyalari universiteti professori Marat Alimovich Raxmatullayev, Respublika metodik kengashi a’zolari hamda hududiy axborot-kutubxona markazlari rahbarlari esa onlayn shaklda ishtirok etdi.
Kun tartibida quyidagi asosiy masalalar ko'rib chiqildi:
✔️ 2030-yilgacha mo‘ljallangan ustuvor islohotlar
✔️ Kitobxonlik madaniyatini rivojlantirish
✔️ Sun’iy intellekt texnologiyalarini joriy etish
✔️ Xalqaro konferensiyaga tayyorgarlik

O'zbekiston Milliy kutubxonasi direktori Umida Teshabayeva:
Kengash muhokamasida O‘zbekiston Respublikasi Prezidentining 2026-yil 16-fevraldagi PF-21-son Farmoni – “Mamlakat taraqqiyotining 2030 yilgacha mo‘ljallangan ustuvor yo‘nalishlari doirasida islohotlarni izchil davom ettirish va yangi bosqichga olib chiqishning qo‘shimcha chora-tadbirlari to‘g‘risida”hujjati ijrosi yuzasidan vazifalar kiritdi. Shuningdek, “O‘zbekiston – 2030” strategiyasi doirasida: real sharoitga mos va o‘lchab bo‘ladigan samaradorlik ko‘rsatkichlarini belgilash, o‘rta muddatli maqsadlarni yangi global tendensiyalar asosida yangilash, monitoring jarayonlarini to‘liq raqamlashtirish, soha va hududiy strategiyalarni yagona tizim bilan uyg‘unlashtirish masalalarini alohida ta’kidlab o'tdi.

Yoshlar ishlari agentligi bo'lim boshlig'i Elyor Norpo‘latov va O'zbekiston Milliy kutubxonasi direktor o'rinbosari Alimardon Rahmonov:
2026-yil 15-yanvardagi PQ-9-son qarori – “Kitobxonlik madaniyatini rivojlantirish va aholi o‘rtasida kitob o‘qishga qiziqishni oshirish chora-tadbirlari to‘g‘risida” hujjati ijrosini samarali tashkil etish bo‘yicha amalga oshirilayotgan ishlar yuzasidan axborot berib o'tdilar.

Asosiy e’tibor — yoshlar o‘rtasida kitobxonlikni tizimli targ‘ib qilish, zamonaviy formatlar va raqamli platformalarni keng joriy etishga qaratildi.
Prof. Marat Alimovich Raxmatullayev :
Sun'iy intellekt va texnologiyalarni joriy etish va uni hayotga tatbiq etish masalasi bilan tanishtirdi, qolaversa 2025-yil 21-oktyabr kuni O‘zbekiston Respublikasi Prezidenti rahbarligida o‘tkazilgan yig‘ilish bayoni hamda 2025-yil 15-noyabrdagi 02-RA 1-18275-son topshiriq ijrosi yuzasidan axborot berdi. Davlat boshqaruvi, iqtisodiyot tarmoqlari va hududlarda sun’iy intellekt texnologiyalarini jadal joriy etish, jumladan, axborot-kutubxona tizimida AI yechimlaridan foydalanish istiqbollari va uni hayotga tatbiq etish masalalarini taqdim etdi.

O'zbekiston Milliy kutubxonasi direktor o'rinbosari Nasiba Xoldorova esa :
Kutubxonachilik va kitobxonlik madaniyatini shakllantirish va rivojlantirish borasida va har yili an'anaviy tarzda bo'lib o'tadigan “Central Asia – fan, ta’lim, madaniyat va biznesda internet va axborot-kutubxona resurslari” xalqaro konferensiyasini o‘tkazishga tayyorgarlik jarayonlari haqida ma’lumot berib o'tdi.

📌 Ushbu Metodik yig‘ilish nafaqat Kitobxonlik madaniyatini rivojlantirish sun'iy intellektni hayotga tatbiq etish, qolaversa kunning muhim masalalari yuzasidan belgilangan vazifalarni aniq muddatlar asosida amalga oshirish, natijadorlik ko‘rsatkichlarini monitoring qilish hamda tizimli hamkorlikni kuchaytirish va uni shakllantirishda muhim omil bo'lib xizmat qiladi.
📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍8🔥2❤1👏1🎉1
Media is too big
VIEW IN TELEGRAM
📌2026-yil 25-fevral kuni O‘zbekiston Milliy kutubxonasida Respublika metodik kengashi yig‘ilishi bo‘lib o‘tdi. Metodik yig'ilishining kun tartibida quyidagi asosiy masalalar ko'rib chiqildi:
✔️ 2030-yilgacha mo‘ljallangan ustuvor islohotlar
✔️ Kitobxonlik madaniyatini rivojlantirish
✔️ Sun’iy intellekt texnologiyalarini joriy etish
✔️ Xalqaro konferensiyaga tayyorgarlik

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website
Please open Telegram to view this post
VIEW IN TELEGRAM
👍7🔥3❤1🎉1🤩1😍1💯1